Josua 10:10 - Chuukese Bible

¹⁰ Iwe, ewe Samol mi Lapalap a atolongeer lon niuokus watte, lupwen ra küna ekewe chon Israel. Nge Josua a fokun akufuur o nirela me lon Kipeon, a pwal tapweriretiu won ewe al ngeni Pet-horon o sopwela le nirela tori Aseka me Maketa.

Josua 10:10 Iomraidhean Croise

2. Samuel 22:15

A esefichala wokun kewe föün esefich o atoropasa chon oputan, a afifi ngeniir inefi o asürela.

1. King 9:17

Iei mine Salomon a aüsefälietä Keser). Salomon a pwal nöüni ekewe chon angangen kinroosi le aüetä Pethoron-fan,

2. Kronika 14:12

Iei mine ewe Samol mi Lapalap a akufu ekewe sounfiun Itiopia, lupwen Asa me ekewe sounfiun Juta ra maun ngeniir. Iwe, ekewe sounfiun Itiopia ra sü,

2. Kronika 25:13

Nge ekewe sounfiun Israel Amasia a tinirela, pun esap mwüt ngeniir pwe repwe eti le feila maun, ra maun ngeni ekewe telinimwen Juta seni Samaria tori Pet-horon. Iwe, ra niela me lon ekewe telinimw ükükün ülüngatngeröü aramas o angei chomong liaper.

Kölfel 18:14

A esefichala wokun kewe föün esefich o atoropasa chon oputan, a efifi ngeniir inefi o asürela.

Kölfel 44:3

Pun resap liapeni ewe fanü ren püsin nöür ketilas, resap pwal win ren püsin ar pöchökül, ngei ren om pöchökül me manaman, pwal ren om nonom rer, pun ka tongeer.

Kölfel 68:14

Lupwen Ewe mi Unusen Manaman a atoropasafeili ekewe king won ewe fanü, snow a püngütiu won ewe chuk Salmon.

Kölfel 78:55

A asüela chon ekewe mwü me mwer. A aineti ngeni ekewe ainangen Israel fanüer pwe repwe fanüeni o ngeniir imwer.

Aisea 28:21

Iwe, ewe Samol mi Lapalap epwe ütä usun a ütä won ewe chukun Perasim, epwe pwal song usun a song me lon ewe lemolun Kipeon. Epwe föri sokun föför esap wor eman a küküna me mwan, epwe afisi an angang, sokun angang aramas resap wewe ren.

Aisea 30:30

Nge ewe Samol mi Lapalap epwe föri pwe aramas repwe rongorong mwelian mi osomong, epwe pwal aküna ngeniir pöün mi feitiu wor fän an song mi watte. Epwe wor ekkei mi ngetenget, pwal üttomong me mölümöl me ütten fau.

Jeremaia 34:7

lupwen nöün ewe kingen Papilon mwichen sounfiu a maun ngeni Jerusalem me ekewe lusun telinimwen Juta iter Lakis me Aseka. Pun ikkei chök ekewe telinimwen Juta mi pöchökül tittir ra chüen nom.

Sekaraia 14:3

Mürin, ewe Samol mi Lapalap epwe feito o maun ngeni chon ekewe mwü, usun a fen föri lon fansoun maun.

Tuteronomi 7:23

Ewe Samol mi Lapalap ämi we Kot epwe atolonga chon oputemi fän nemeniemi, epwe pwal efisätä fitikoko watte lefiler tori ra rosola.

Josua 10:11

Iwe, lupwen ra sü me mwen ekewe chon Israel o sütiu won ewe al ngeni Pet-horon tori Aseka, ewe Samol mi Lapalap a apüngätiu ütten fau mi watte wor seni läng, pwe ra mäla. Iwe, a wor chomong mi mäla pokiten ewe ütten fau, lap seni chokewe ekewe re Israel ra nirela ren ketilas.

Josua 10:28

Iwe, lon ewe rän Josua a liapeni Maketa o ataela, a pwal niela ewe kingen lon o fokun arosala aramasan. Esap amanaua eman. A föri ngeni ewe kingen Maketa usun mine a piin föri ngeni ewe kingen Jeriko.

Josua 10:9

Iwe, Josua a fetal seni Kilkal lon unusen ewe pwin o aserengaua ekewe sounfiun Amor.

Josua 11:8

Iwe, ewe Samol mi Lapalap a awinna chon Israel, pwe ra akufuur o tapweriir tori Sitonlap me Misrefot-maim, pwal tori ewe lemolun Mispa mi nom ötiu. Iwe, ra nirela meinisin tori esap chüen wor eman mi manau.

Josua 12:16

ewe kingen Maketa me ewe kingen Petel,

Josua 15:35

Jarmut, Atullam, Soko me Aseka,

Josua 15:41

Keterot, Pet-takon, Naama me Maketa, ükükür meinisin engol me wonu telinimw fiti wisoposopur.

Josua 16:3

Mürin a pweretiu ngeni lotou tori kiännin fanüen chon Jaflet, pwal tori kiännin Pet-horon-fan, a pwal tori Keser o müchütiu me ren ewe mataulap.

Josua 16:5

Iwe, iei fanüen chon ewe ainangen Efraim lon tettelin ar kewe famili: Kiännin fanüer seni Atarot-atar feila ngeni ötiu tori Pet-horon-asan.

Josua 21:22

Kipsaim me Pet-horon, pwal ekewe fanü ünükür fän iten nöür man, ükükün rüanü telinimw.

Soukapwüng 4:15

Iwe, ewe Samol mi Lapalap a eniwa Sisera me nöün sounfiu meinisin mi wawa woken, lupwen Parak a maun ngeniir. Mürin, Sisera a tötiu seni wan woken o süla.

Soukapwüng 4:16

Nge Parak a tapweri ekewe woken me ekewe sounfiu tori Haroset-hakoim. Iwe, nöün Sisera sounfiu ra mäla meinisin ren ketilas. Esap wor eman a chüen manau.

Soukapwüng 5:20

Ekewe fün läng ra maun, ekewe fü mi mwökütfeil ra maun ngeni Sisera.

1. Samuel 13:18

eu mwich a feila ngeni Pet-horon, nge pwal eu mwich a feila ngeni ewe kiä mi sapetiu ngeni ewe lemolun Sepoim akawenewenen ewe fanüapö.

1. Samuel 17:1

Iwe, ekewe chon Filistia ra amwichafengeni ar mwichen sounfiu pwe repwe maun. Ra achufengeniir lon Soko, eu telinimwen Juta, o nonom lon Efes-tamim lefilen Soko me Aseka.