Josua 1:9 - Chuukese Bible

⁹ Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”

Josua 1:9 Iomraidhean Croise

Keneses 28:15

Ngang üpwe etuk o tümwünuk ekis meinisin ia kopwe feila ie, üpwe pwal aliwiniiketo won ei fanü, pun ngang üsap likituk tori üpwe apwönüetä meinisin mine üa pwon ngonuk.”

Keneses 39:2

Nge ewe Samol mi Lapalap a eti Josef pwe a fisiöch an angang meinisin. Iwe, a nonom lon imwen an samol ewe re Isip.

Keneses 39:3

Ätewe a küna pwe ewe Samol mi Lapalap a eti Josef o apwönüetä an angang meinisin a föri.

2. Samuel 13:28

Mürin, Apsalom a allük ngeni nöün kewe chon angang, “Oupwe mamasa. Lupwen Amnon epwe pwapwa ren an ün wain, üpwe ürenikemi pwe oupwe awata o niela. Ousap niuokus. Pun ifa usun, sap ngang üa allük ngenikemi? Oupwe tipepwora o tipen mwän.”

1. Kronika 28:20

Mürin, Tafit a üreni Salomon nöün we, “Kopwe pöchökül o tipepwora, pwe kopwe föri ei angang. Kosap niuokus, kosap pwal tipemwaramwar, pun Kot ewe Samol mi Lapalap ai we Kot epwe etuk. I esap tümwününgau ngonuk, esap pwal likituk tori angangen imwan imwenfel epwe wes.

2. Kronika 15:7

Nge ämi oupwe tipepwora, nge ousap apwangapwang, pun epwe wor liwinin ämi angang.”

Kölfel 46:7

Ewe Samol mi Unusen Manaman a etikich, än Jakop we Kot i ach lenien op mi pöchökül.

Aisea 41:10

Iwe, kosap niuokus, pun ngang üa etuk, kosap pwal apilüküngau, pun ngang om Kot. Üpwe apöchökülok, üpwe pwal alisuk. Üpwe fokun tümwünuk o amanauok.

Aisea 43:1

Iei alon ewe Samol mi Lapalap mi föruk, Israel, “Kosap niuokus, pun ngang üa angasok. Üa köri ngonuk itom, en nei.

Aisea 43:5

Kosap niuokus, pun ngang üpwe etuk. Üpwe aliwinato mwirimwirum kewe seni ötiu me lotou o achufengenikemi.

Aisea 8:12

“Ousap aita ngeni rawangau mine ekei aramas ra aita ngeni rawangau, ousap pwal niueiti mine ir ra niueiti.

Taniel 10:19

Iwe, a apasa, “En eman mwän mi watte chenum me ren Kot. Kosap niuokus. Kinamwe epwe toruk. Kopwe apöchökülok o apworai letipom.” Nge lupwen a kapas ngeniei, üa pöchökülsefäl o apasa, “Ai samol, kose mochen kopwe kapas ngeniei, pun ka apöchökülaei.”

Akai 2:4

Nge iei oupwe apworachokemi, ämi Serupapel me Josua, pwal ämi aramasen ei fanü meinisin. Oupwe angang, pun ngang üpwe etikemi.

Akai 2:5

Lupwen oua towu seni lon Isip, üa fen pwon ngenikemi pwe üpwe etikemi. Ngüni a nonom lefilemi, iei mine ousap niuokus.”

Föför 4:19

Nge Petrus me Johannes ra pölüeniir, “Oupwe püsin apwüngü are a pwüng mwen mesen Kot ach sipwe aleasochis ngenikemi mwen ach aleasochisi Kot.

Tuteronomi 1:21

Nengeni, ewe Samol mi Lapalap ämi we Kot a ngenikemi ewe fanü. Oupwe feitä o fanüeni, usun ewe Samol mi Lapalap än ämi kewe lewo we Kot a ürenikemi. Ousap niuokus, ousap pwal apilükingau.’

Tuteronomi 20:1

“Iwe, lupwen oupwe feila maun ngeni chon oputakemi, nge oua küna oris me woken pwal eu mwichen sounfiu mi chomong senikemi, ousap niuokusitiir. Pun ewe Samol mi Lapalap ämi we Kot mi emwenikemiiwu seni ewe fanü Isip epwe etikemi.

Tuteronomi 31:23

Mürin, ewe Samol mi Lapalap a awisa Josua nöün Nun we mwän ngeni wisan o apasa, “Kopwe apöchökülok o tipepwora, pun en kopwe emwenalong ekewe aramasen Israel lon ewe fanü üa pwon fän akapel pwe üpwe ngeniir. Ngang üpwe etuk.”

Tuteronomi 31:28

Oupwe emwichato rei souakomwen ämi kewe ainang meinisin, pwal ekewe meilap, pwe üpwe apasa ekei kapas me fän meser o kökköri läng me fanüfan pwe repwe chon pwärätä usur.

Josua 1:10

Mürin Josua a allük ngeni ekewe meilapen ekewe aramas,

Josua 1:17

Äm aipwe aleasochisiik usun chök äm aia aleasochisi Moses lon mettoch meinisin. Eu chök, amwo ewe Samol mi Lapalap epwe etuk usun an eti Moses.

Josua 1:18

Nge iö a ü ngeni om allük o aleasolap ngeni alom, ese lifilifil met ka allük ngeni, ätewe epwe ninnila. Kopwe chök apöchökülok o tipepwora.”

Josua 10:25

Iwe, Josua a üreniir, “Ousap niuokus ika rükö. Oupwe apöchökülakemi o tipepwora. Pun iei usun ewe Samol mi Lapalap epwe föri ngeni chon oputemi meinisin, chokewe oupwe maun ngeniir.”

Josua 10:8

Iwe, ewe Samol mi Lapalap a üreni Josua, “Kosap niuokusiitir, pun üa fen awinnok. Esap wor eman me leir epwe tongeni ü ngonuk.”

Josua 3:7

Iwe, ewe Samol mi Lapalap a üreni Josua, “Ikenai üpwe popuetä le atekioketä me fän mesen chon Israel meinisin, pwe repwe silei pwe ngang üa etuk usun üa eti Moses.

Josua 6:27

Iei usun ewe Samol mi Lapalap a eti Josua, iwe, an iteüöch a chöfetal lon unusen ewe fanü.

Josua 8:1

Iwe, ewe Samol mi Lapalap a üreni Josua, “Kosap niuokus ika rükö. Kopwe feila o maun ngeni Ai, nge ekewe sounfiu meinisin repwe etuk. Nengeni, üa atolonga fän nemeniom ewe kingen Ai me nöün aramas, an telinimw me fanüan.

Soukapwüng 6:14

Iwe, ewe Samol mi Lapalap a kul ngeni o üreni, “Kopwe feila lon om na pöchökül o angasala chon Israel seni lepöün chon Mitian. Ngang üa tinukela.”

1. Samuel 10:7

Lupwen ekei asisil repwe toruk, kopwe föri meinisin mine ka wisen föri, pun Kot epwe etuk.