Josua 1:6 - Chuukese Bible

⁶ Kopwe apöchökülok o tipepwora. Pun en kopwe afanüa ekei aramas ngeni ewe fanü üa pwon fän akapel ngeni ar kewe lewo pwe üpwe ngeniir.

Josua 1:6 Iomraidhean Croise

Keneses 12:7

Iwe, ewe Samol mi Lapalap a pwä ngeni Apram o üreni, “Ei fanü üpwe ngeni mwirimwirum kana.” Mürin, Apram a senätä eu rongen asor ikenan fän iten ewe Samol mi Lapalap mi pwä ngeni.

Keneses 26:3

Kopwe wasöla lon ei fanü, nge ngang üpwe etuk o afeiöchuk. Iwe, üpwe ngenikemi me mwirimwirum kana ei fanü meinisin, üpwe pwal apwonüetä mine üa pwon fän akapel ngeni Apraham semom we.

2. Samuel 10:12

Kopwe tipepwora. Sipwe tipen mwän fän iten nöüch aramas, pwal fän iten ekewe telinimwen ach we Kot. Nge ewe Samol mi Lapalap epwe föri mine a öch me ren.”

1. King 2:2

“Iei üpwe le mäla. Kopwe apöchökülok o etipemwäniik.

1. Kronika 22:13

Are kopwe tümwünüöchü le apwönüetä ekewe allük me pwüüng ewe Samol mi Lapalap a allük ngeni Moses fän iten chon Israel, mürin kopwefefeitä. Kopwe pöchökül o tipepwora, kosap niuokus, kosap pwal apilükingau.

1. Kronika 28:10

Kopwe anomu lon om ekiek pwe ewe Samol mi Lapalap a filuketä, pwe kopwe aüetä imwan mi pin. Kopwe apöchökülok o föri ewe angang.”

1. Kronika 28:20

Mürin, Tafit a üreni Salomon nöün we, “Kopwe pöchökül o tipepwora, pwe kopwe föri ei angang. Kosap niuokus, kosap pwal tipemwaramwar, pun Kot ewe Samol mi Lapalap ai we Kot epwe etuk. I esap tümwününgau ngonuk, esap pwal likituk tori angangen imwan imwenfel epwe wes.

2. Kronika 15:7

Nge ämi oupwe tipepwora, nge ousap apwangapwang, pun epwe wor liwinin ämi angang.”

2. Kronika 20:11

Nengeni, iei usun mine ra föri ngenikem. Ra feito, pwe repwe asükeemila seni ewe fanü en ka ngenikem pwe aipwe fanüeni.

2. Kronika 20:7

En äm Kot, ka asüela chon ei fanü, lupwen noum aramasen Israel ra tolong lon. Ka ngeni ekewe mwirimwirin Apraham chiechiom we ei fanü, pwe repwe fanüeni tori feilfeilachök.

Kölfel 27:14

Kopwe apilükülükü ewe Samol mi Lapalap, kopwe pöchökül o tipepwora. Ewer, kopwe apilükülükü ewe Samol mi Lapalap.

Taniel 10:19

Iwe, a apasa, “En eman mwän mi watte chenum me ren Kot. Kosap niuokus. Kinamwe epwe toruk. Kopwe apöchökülok o apworai letipom.” Nge lupwen a kapas ngeniei, üa pöchökülsefäl o apasa, “Ai samol, kose mochen kopwe kapas ngeniei, pun ka apöchökülaei.”

Akai 2:4

Nge iei oupwe apworachokemi, ämi Serupapel me Josua, pwal ämi aramasen ei fanü meinisin. Oupwe angang, pun ngang üpwe etikemi.

Sekaraia 8:9

Iei alon ewe Samol mi Unusen Manaman, “Ämi mi rongorong ekei kapas lon ekei rän seni ekewe soufos mi nom lon ewe rän, lupwen longolongun ewe Imwenfel a för, oupwe apöchökülakemi pwe ewe Imwenfel epwe kaüsefälitä.

Numperis 26:53

“Ewe fanü epwe ainet ngeni ekei aramas pwe repwe fanüeni, epwe alongolong won iteiter.

Numperis 33:53

Iwe, oupwe angei ewe fanü o nonom lon, pun üa ngenikemi ewe fanü pwe oupwe fanüeni.

1. Korint 16:13

Oupwe mamasa, oupwe üppos lon ämi lükülük, oupwe eäni sokun mwän, oupwe pöchökülela.

Efisos 6:10

Iwe, iei ai kapasen lesopolan: Oupwe apöchökülakemi lon ach Samol pwal lon pöchökülen an we manaman.

Tuteronomi 1:21

Nengeni, ewe Samol mi Lapalap ämi we Kot a ngenikemi ewe fanü. Oupwe feitä o fanüeni, usun ewe Samol mi Lapalap än ämi kewe lewo we Kot a ürenikemi. Ousap niuokus, ousap pwal apilükingau.’

Tuteronomi 1:8

Nengeni, üa ngenikemi ewe fanü. Oupwe tolong o fanüeni ewe fanü ngang ewe Samol mi Lapalap üa pwon fän akapel pwe üpwe ngeni ämi kewe lewo Apraham, Isaak me Jakop, pwal ngeni mwirimwirir kana.’”

Tuteronomi 11:8

“Iwe, oupwe aleasochisi ekewe allük üa allük ngenikemi ikenai, pwe oupwe pöchökül le feila pekilan ewe chanpupu Jortan o tolong lon ewe fanü oupwe le pwerelong lon pwe oupwe fanüeni.

Tuteronomi 31:23

Mürin, ewe Samol mi Lapalap a awisa Josua nöün Nun we mwän ngeni wisan o apasa, “Kopwe apöchökülok o tipepwora, pun en kopwe emwenalong ekewe aramasen Israel lon ewe fanü üa pwon fän akapel pwe üpwe ngeniir. Ngang üpwe etuk.”

2. Timoty 2:1

Iwe, en nei, kopwe pöchökül ren ewe ümöümöch mi nom lon Kraist Jesus.

Josua 1:18

Nge iö a ü ngeni om allük o aleasolap ngeni alom, ese lifilifil met ka allük ngeni, ätewe epwe ninnila. Kopwe chök apöchökülok o tipepwora.”

Josua 1:7

Kopwe chök apöchökülok o tipepwora, kopwe pwal tümwünüöchü om kopwe apwönüetä ekewe allük meinisin Moses nei we chon angang a allük ngonuk. Kosap fokun aleasolap ngeniir, pwe kopwe fefeitä lon meinisin mine kopwe föri.

Josua 1:9

Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”

Josua 10:25

Iwe, Josua a üreniir, “Ousap niuokus ika rükö. Oupwe apöchökülakemi o tipepwora. Pun iei usun ewe Samol mi Lapalap epwe föri ngeni chon oputemi meinisin, chokewe oupwe maun ngeniir.”

Josua 13:6

pwal ekewe fanüen chon Siton meinisin mi chukuchukutä lefilen Lepanon me Misrefot-maim. Ngang üpwe püsin asüela me mwen ekewe aramasen Israel chon ekewe fanü meinisin. Nge kopwe chök ineti ewe fanü ngeni ekewe chon Israel pwe repwe fanüeni, usun üa fen allük ngonuk.

Josua 18:3

Iei mine Josua a üreni ekewe aramasen Israel, “Pwota ina saromangemi le feila o fanüeni ewe fanü ewe Samol mi Lapalap än ämi kewe lewo we Kot a ngenikemi?

Josua 21:43

Iei usun ewe Samol mi Lapalap a ngeni chon Israel unusen ewe fanü a fen pwon fän akapel ngeni ar kewe lewo. Iwe, ra angei fanüer o nonom lon.

Josua 5:6

Pun a pwon fän akapel ngeniir, pwe esap mwüt ngeniir pwe repwe küna ewe fanü mi pwülüöch o fanüeräs a pwon ngeni ar kewe lewo, pwe epwe ngeniir.

1. Samuel 4:9

Oupwe tipepwora o atipemwänikemi, ämi chon Filistia, pwe ekewe chon Ipru resap nöünikemi amanau, usun ämi oua nöüniir amanau. Oupwe atipemwänikemi le fiu.”