Josua 1:5 - Chuukese Bible

⁵ Esap wor eman epwe tongeni ü ngonuk lon ränin manauom meinisin. Usun üa eti Moses, iei usun üpwe pwal etuk. Üsap tümwününgau ngonuk, üsap pwal likituk.

Josua 1:5 Iomraidhean Croise

Keneses 39:2

Nge ewe Samol mi Lapalap a eti Josef pwe a fisiöch an angang meinisin. Iwe, a nonom lon imwen an samol ewe re Isip.

1. King 1:37

Usun ewe Samol mi Lapalap a etuk, en ai samol me ai king, iei usun epwe pwal eti Salomon, epwe pwal alapala mwün seni mwumw.”

1. King 11:38

Are kopwe aüselinga meinisin mine üa allük ngonuk, are kopwe pwal aleasochisiei o föri mine a pwüng me fän mesei ren om apwönüetä ai kewe pwüüng me allük, usun Tafit nei we chon angang a föri, ngang üpwe etuk, üpwe pwal awisa ngonuk ewe wisen king lon Israel o fokun awora mwirimwirum lon ewe wis, usun üa awora mwirimwirin Tafit.

1. King 6:13

Iwe, üpwe imweimw lon ei imwenfel ka aüetä lein nei kewe aramasen Israel, nge üsap likitirela.”

1. King 8:57

Ewe Samol mi Lapalap ach Kot epwe etikich usun a eti ach kewe lewo. Amwo esap likitikichela ika pöütikichela.

1. Kronika 28:20

Mürin, Tafit a üreni Salomon nöün we, “Kopwe pöchökül o tipepwora, pwe kopwe föri ei angang. Kosap niuokus, kosap pwal tipemwaramwar, pun Kot ewe Samol mi Lapalap ai we Kot epwe etuk. I esap tümwününgau ngonuk, esap pwal likituk tori angangen imwan imwenfel epwe wes.

Kölfel 46:11

Ewe Samol mi Unusen Manaman a etikich, än Jakop we Kot i ach lenien op mi pöchökül.

Ekistos 3:12

Iwe, Kot a pälüeni, “Ngang üpwe etuk. Ei epwe eu asisil ngonuk pwe ngang üa tinuk: Are ka emwenawu ekewe aramas seni lon Isip, epwe fis pwe oupwe fel ngeniei won ei chuk.”

Aisea 42:16

Iwe, üpwe emweni chon mesechun won efoch al resap silei, üpwe afetaleer won ekewe al resamwo fetal won. Üpwe awili ewe rochopwak mi nom mwer ngeni saram, nge ekewe leni mi pwüküpwük üpwe awili ngeni leni mi sosonöch. Ekei mettoch üpwe apwonüetä, nge üsap likiti och.

Jeremaia 1:8

Kosap niuokusitiir, pun ngang üpwe etuk o tümwünuk. Ngang ewe Samol mi Lapalap üa kapas.”

Taniel 11:16

Iwe, ewe kingen Siria epwe föri ngeniir mine a mochen, nge esap wor eman epwe tongeni pälüeni. Epwe nonom lon ewe fanüen pwon o nemeni meinisin.

Mateus 28:20

Oupwe afalafaleer pwe repwe aleasochisi meinisin mine üa allük ngenikemi. Nge ngang üpwe etikemi fansoun meinisin tori lesopolan fanüfan.”

Nöün Paulus Toropwe ngeni ekewe Souläng lon Rom 8:31

Iwe, met sipwe tongeni apasa ren ekei mettoch? Are Kot a penikich, iö epwe tongeni pölüenikich?

Nöün Paulus Toropwe ngeni ekewe Souläng lon Rom 8:37

Apwi, nge lon ekei mettoch meinisin sia fokun pwora ren ewe mi echenikich!

Tuteronomi 20:1

“Iwe, lupwen oupwe feila maun ngeni chon oputakemi, nge oua küna oris me woken pwal eu mwichen sounfiu mi chomong senikemi, ousap niuokusitiir. Pun ewe Samol mi Lapalap ämi we Kot mi emwenikemiiwu seni ewe fanü Isip epwe etikemi.

Tuteronomi 20:4

Pun ewe Samol mi Lapalap ämi we Kot epwe etikemi o fiu fän itemi ngeni chon oputakemi, pwe epwe awinakemi.’

Tuteronomi 31:23

Mürin, ewe Samol mi Lapalap a awisa Josua nöün Nun we mwän ngeni wisan o apasa, “Kopwe apöchökülok o tipepwora, pun en kopwe emwenalong ekewe aramasen Israel lon ewe fanü üa pwon fän akapel pwe üpwe ngeniir. Ngang üpwe etuk.”

Tuteronomi 4:31

Pun ewe Samol mi Lapalap ämi we Kot eman Kot mi eäni ümöümöch, esap likitikemi ika nikemi, esap pwal manlükala an pwon fän akapel ngeni ämi kewe lewo.

Tuteronomi 7:24

Epwe pwal atolonga ar kewe king fän nemeniemi, nge ämi oupwe nirela pwe esap wor eman epwe chüen chechemeniir. Esap wor eman aramas epwe tongeni ü ngenikemi tori oupwe aroserela meinisin.

2. Timoty 4:17

Nge ach Samol a nom rei, a atufichiei pwe üpwe tongeni arongafeili unusen ewe Kapasen Kot, pwe ekewe chon lükün Israel meinisin repwe rongorong. Iwe, üa ngas seni ar apwüngüei ngeni mäla.

Ipru 13:5

Oupwe afälikemi pwe ousap manaueni eu manauen mochenian moni, nge oupwe menemenöch ren mine oua eäni. Pun Kot a apasa, “Ngang üsap fokun likituk, üsap pwal tümwününgau ngonuk.”

Josua 1:17

Äm aipwe aleasochisiik usun chök äm aia aleasochisi Moses lon mettoch meinisin. Eu chök, amwo ewe Samol mi Lapalap epwe etuk usun an eti Moses.

Josua 1:9

Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”

Josua 10:8

Iwe, ewe Samol mi Lapalap a üreni Josua, “Kosap niuokusiitir, pun üa fen awinnok. Esap wor eman me leir epwe tongeni ü ngonuk.”

Josua 21:44

Iwe, ewe Samol mi Lapalap a fang ngeniir kinamwe ekis meinisin, usun a fen pwon ngeni ar kewe lewo. Esap wor eman chon oputeer a tongeni ü ngeniir, pun ewe Samol mi Lapalap a awinner, pwe ra akufu chon oputeer meinisin.

Josua 3:7

Iwe, ewe Samol mi Lapalap a üreni Josua, “Ikenai üpwe popuetä le atekioketä me fän mesen chon Israel meinisin, pwe repwe silei pwe ngang üa etuk usun üa eti Moses.

Josua 6:27

Iei usun ewe Samol mi Lapalap a eti Josua, iwe, an iteüöch a chöfetal lon unusen ewe fanü.

Soukapwüng 2:18

Iwe, iteiten fansoun, lupwen ewe Samol mi Lapalap a filätä soukapwüng fän iter, a eti ewe soukapwüng o amanaua ekewe aramas seni chon oputeer lon ükükün ränin manauen ewe soukapwüng. Pun ewe Samol mi Lapalap a tongeäsiniir pokiten ar riaföü ren chokewe mi ariaföüür o aweiresiir.

Soukapwüng 6:16

Iwe, ewe Samol mi Lapalap a üreni, “Ngang üpwe etuk, nge en kopwe akufu chon Mitian usun chök om kopwe akufu eman chök aramas.”

1. Samuel 10:7

Lupwen ekei asisil repwe toruk, kopwe föri meinisin mine ka wisen föri, pun Kot epwe etuk.