Josua 1:4 - Chuukese Bible

⁴ Kiän fanüemi epwe seni ewe fanüapö mi nom ör tori ewe chuk Lepanon mi nom efeng, seni ewe chanpupu watte itan Oifrat mi nom ötiu, unusen ewe fanüen chon Hit tori ewe matau watte mi nom lotou.

Josua 1:4 Iomraidhean Croise

1. King 10:29

Iwe, ra kamö efoch woken seni Isip won ükükün wonopükü föün moni silifer, nge eman oris won ükükün ipükü lime föün moni silifer. Nge nöün ewe king chon amömö ra pwal amömösefäliela ekewe woken me oris ngeni ekewe kingen chon Hit me ekewe kingen Siria meinisin.

1. King 4:21

Nge Salomon a nemeni ekewe mwü meinisin seni ewe chanpupu Oifrat tori fanüen ekewe chon Filistia, pwal tori kiännin Isip. Ra uwato ar takises ren o angang ngeni Salomon lon unusen ränin manauan.

1. Kronika 18:3

Tafit a pwal akufu Hatateser kingen Sopa mi kan ngeni Hamat, lupwen ätewe a feila, pwe epwe anüküchara an nemenem won ewe fanü arun ewe chanpupu Oifrat.

1. Kronika 5:9

Ra pwal nonom ötiuen ewe fanü tori ewe fanüapö mi chöüla ngeni ewe chanpupu Oifrat, pun nöür pwiin man ra chomongola lon ewe fanü Kiliat.

Esra 4:20

Iwe, mi wor king mi pwora ra nemenem me lon Jerusalem pwal lon unusen ewe fanü lotoun ewe chanpupu Oifrat, nge aramas ra mönätiu sokopaten takises ngeniir.

Ekistos 23:31

Iwe, ngang üpwe föri kiän fanüemi seni ewe Setipar tori ewe matau watte, pwal seni ewe fanüapö tori ewe chanpupu Oifrat. Üpwe atolonga fän nemeniemi chon ewe fanü, nge ämi oupwe asürela seni mwemi.

Tuteronomi 1:7

Iei oupwe kul o sai. Oupwe sai ngeni fanüen chon Amor mi chukuchukutä, pwal ngeni fanüen chon aruur lon ewe lemolun Jortan. Oupwe sai ngeni ewe fanü mi chukuchukutä me ewe fanü mi maasies, ngeni ewe fanü Nekep me ewe fanü aroset, ewe fanüen chon Kanaan me Lepanon tori ewe chanpupu watte itan Oifrat.

Tuteronomi 11:24

Ekewe leni meinisin ia pechemi repwe ipwelong ie epwe fanüemi. Iwe, kiännin fanüemi epwe seni ewe fanüapö mi nom ör tori ewe chuk Lepanon mi nom efeng, pwal seni ewe chanpupu Oifrat mi nom ötiu tori ewe matau watte mi nom lotou.

Tuteronomi 3:25

Üa tüngor ngonuk pwe kopwe mwüt ngeniei üpwe pwerela pekilan ewe chanpupu Jortan o küna ewe fanü mi mürina, ewe fanü mi chukuchukutä o fokun mürina, pwal ewe chuk Lepanon.’

Pwärätä 9:14

Ewe möngüngü a apasa ngeni ewe awonomanün chon läng mi wor an rappwa, “Kopwe apichala ekewe föman chon läng mi fötek arun ewe chanpupu mi watte Oifrat.”