Josua 1:17 - Chuukese Bible

¹⁷ Äm aipwe aleasochisiik usun chök äm aia aleasochisi Moses lon mettoch meinisin. Eu chök, amwo ewe Samol mi Lapalap epwe etuk usun an eti Moses.

Josua 1:17 Iomraidhean Croise

2. Samuel 14:17

Iwe, ngang noum chon angang fefin üa pwal ekieki pwe om kewe kapas repwe akinamweei. Pun en, ai samol me ai king, ka usun chök eman nöün Kot chon läng, ka silei lefilen öch me ngau. Ewe Samol mi Lapalap om we Kot epwe etuk.”

1. King 1:37

Usun ewe Samol mi Lapalap a etuk, en ai samol me ai king, iei usun epwe pwal eti Salomon, epwe pwal alapala mwün seni mwumw.”

1. Kronika 28:20

Mürin, Tafit a üreni Salomon nöün we, “Kopwe pöchökül o tipepwora, pwe kopwe föri ei angang. Kosap niuokus, kosap pwal tipemwaramwar, pun Kot ewe Samol mi Lapalap ai we Kot epwe etuk. I esap tümwününgau ngonuk, esap pwal likituk tori angangen imwan imwenfel epwe wes.

Kölfel 20:1

Amwo ewe Samol mi Lapalap epwe pälüeni om tüngor lon ränin om riaföü. Amwo än Jakop we Kot epwe tümwünuk.

Kölfel 20:4

Amwo Kot epwe ngonuk mochenin letipom o apwönüetä om kewe ekiek meinisin.

Kölfel 20:9

Äm Samol mi Lapalap, kopwe awinna ewe king, kopwe pälüenikem, lupwen aia kökköruk.

Numperis 27:18

Iwe, ewe Samol mi Lapalap a üreni Moses, “Kopwe emwenato Josua nöün Nun we mwän o iseis poum won, pun Ngüni a nom won.

Numperis 27:20

Kopwe isetä won ekis om nemenem, pwe ekewe aramasen Israel meinisin repwe aleasochisi.

Mateus 21:9

Iwe, ekewe chomongun aramas mi akom mwen Jesus, pwal chokewe mi tapweto mürin ra popuetä le kökkö, “Sipwe mwareiti Nöün Tafit! Kot epwe afeiöchü ätewe mi feito fän iten ewe Samol! Ousipwe mwareiti Kot!”

Tuteronomi 34:9

Iwe, Josua nöün Nun we mwän a ur ren tipachem, pun Moses a iseis pöün won. Iei mine ekewe aramasen Israel ra aleasochisi Josua o föri usun mine Moses a allük ngeniir fän alon ewe Samol mi Lapalap.

Josua 1:16

Iwe, ra üreni Josua, “Meinisin mine ka allük ngenikem aipwe föri, nge ia ka tinikeemila ie aipwe feila.

Josua 1:18

Nge iö a ü ngeni om allük o aleasolap ngeni alom, ese lifilifil met ka allük ngeni, ätewe epwe ninnila. Kopwe chök apöchökülok o tipepwora.”

Josua 1:5

Esap wor eman epwe tongeni ü ngonuk lon ränin manauom meinisin. Usun üa eti Moses, iei usun üpwe pwal etuk. Üsap tümwününgau ngonuk, üsap pwal likituk.

Josua 1:9

Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”

Josua 4:14

Lon ewe rän, ewe Samol mi Lapalap a atekiatä Josua me fän mesen chon Israel meinisin. Iwe, ra meniniti Josua lon ränin manauan meinisin, usun ar meniniti Moses.

1. Samuel 17:37

Ewe Samol mi Lapalap mi amanauaei seni ewe laion me ewe pear epwe pwal amanauaei seni ei re Filistia.” Saul a üreni Tafit, “Kole feila, ewe Samol mi Lapalap epwe etuk.”

1. Samuel 20:13

Nge are semei a ekiekin afeiengauok, ewe Samol mi Lapalap epwe nieila, are üsap pwäri ngonuk o tinukela pwe kopwe feila fän kinamwe. Ewe Samol mi Lapalap epwe etuk usun a eti semei.