Josua 1:15 - Chuukese Bible

¹⁵ tori ewe Samol mi Lapalap epwe asösöü pwimi usun chök ämi. Iwe, repwe fanüeni ewe fanü ewe Samol mi Lapalap ämi we Kot a ngeniir. Mürin oupwe liwiniti ewe fanü pwe oupwe fanüeni, ewe fanü Moses nöün ewe Samol mi Lapalap we chon angang a fen ngenikemi me ötiuen ewe chanpupu Jortan.”

Josua 1:15 Iomraidhean Croise

1. Korint 12:26

Are eu kifet a riaföü, ekewe lusun kifet meinisin ra eti le riaföü, nge are eu kifet a iteüöch, ekewe lusun kifet meinisin ra eti lon an pwapwa.

1. Korint 13:5

Chen esap föri mine a asäw, esap kütta püsin an, esap koum, esap ekieki o chechemeni mine eman a mwäl ngeni won.

Kalatia 5:13

Nge ämi pwii kana, Kot a körikemi pwe oupwe ngas. Nge pokiten oua ngas, ousap ekieki pwe oua tongeni mwüt ngeni mochenian fitukemi epwe chüen nemenikemi, nge oupwe angangfengen lefilemi fän tong.

Kalatia 6:2

Oupwe mwärelong fän wosen chiechiemi wosochou, ika oupwe föri ei, oupwe aleasochisi än Kraist allük.

Tuteronomi 3:18

Lon ena fansoun üa allük ngenikemi, ‘Ewe Samol mi Lapalap ämi we Kot a ngenikemi ei fanü pwe oupwe fanüeni. Ekewe mwän meinisin mi sip le maun me leimi repwe angei pisekin maun o akomwola pekilan ewe chanpupu Jortan mwen pwimi kewe aramasen Israel.

Tuteronomi 3:20

Oupwe eti pwimi kewe chon Israel le maun tori ewe Samol mi Lapalap a asösöör, usun ämi oua pwal asösö. Iwe, ir repwe fanüeni ewe fanü ewe Samol mi Lapalap epwe ngeniir me lotoun ewe chanpupu Jortan. Mürin, eman me eman epwe liwiniti püsin fanüan üa fen ngeni.’

Tuteronomi 9:1

“Oupwe aüseling ämi chon Israel: Iei oupwe feila pekilan ewe chanpupu Jortan pwe oupwe fanüeni fanüen chon ekewe mwü mi watte o pöchökül senikemi, chor ra imweimw lon telinimw mi watte o tit tori läng.

Filipi 2:4

Ousap chök ekieki en me an feiöch, nge oupwe pwal ekieki feiöchün chienemi.

Josua 1:1

Iwe, mürin än Moses nöün ewe Samol mi Lapalap chon angang mäla, ewe Samol mi Lapalap a üreni Josua nöün Nun we mwän, ätewe mi angang ngeni Moses,

Josua 1:14

Pwülüemi, nöümi semirit me nöümi pwiin man repwe chök nonom lon ei fanü Moses a ngenikemi ötiuen ewe chanpupu Jortan. Nge ekewe sounfiu meinisin me leimi repwe akomwola mwen pwimi fän pisekin maun o alisiir,

Josua 1:16

Iwe, ra üreni Josua, “Meinisin mine ka allük ngenikem aipwe föri, nge ia ka tinikeemila ie aipwe feila.

Josua 22:1

Mürin, Josua a körifengeni chon ekewe ainangen Rupen me Kat pwal esopun ewe ainangen Manasa.