Josua 1:14 - Chuukese Bible

¹⁴ Pwülüemi, nöümi semirit me nöümi pwiin man repwe chök nonom lon ei fanü Moses a ngenikemi ötiuen ewe chanpupu Jortan. Nge ekewe sounfiu meinisin me leimi repwe akomwola mwen pwimi fän pisekin maun o alisiir,

Josua 1:14 Iomraidhean Croise

Ekistos 13:18

Iei mine Kot a emwenirela lükün ewe fanü won efoch al mi alelong lon fanüapö tori ewe Setipar. Iwe, ekewe aramasen Israel ra towu seni Isip fän ar pisekin maun.

Numperis 32:26

Nöüm semirit me pwülüem, pwal nöüm pwiin sip me kow meinisin repwe chök nonom lon ekewe telinimwen Kiliat.

Tuteronomi 20:8

Mürin, ekewe meilap repwe pwal üreni ekewe sounfiu, ‘Ifa usun, epwe wor eman mwän ikei mi niuokus o kükün letipan? Ätewe epwe liwiniti imwan, pwe leluken chienan kewe resap apwangapwangala usun lelukan.’

Tuteronomi 3:19

Nge pwülüemi me nöümi semirit pwal nöümi pwiin man repwe nonom lon ekewe telinimw üa fen ngenikemi, pun üa silei pwe a wor chomong nöümi pwiin man.

Tuteronomi 33:21

Ra filätä eu fanü mi mürina seni meinisin pwe repwe fanüeni, pun wisen eman chon nemenem a iseis fän iter. Iwe, lupwen mwänirelan ekewe aramas ra mwichefengen, ra apwönüetä än ewe Samol mi Lapalap allük me pwüüng.”

Josua 1:13

“Oupwe chechemeni ekewe kapas Moses nöün ewe Samol mi Lapalap we chon angang a ürenikemi, pwe ewe Samol mi Lapalap ämi we Kot epwe amolätä eu lenien asösö fän itemi o ngenikemi ei fanü.

Josua 1:15

tori ewe Samol mi Lapalap epwe asösöü pwimi usun chök ämi. Iwe, repwe fanüeni ewe fanü ewe Samol mi Lapalap ämi we Kot a ngeniir. Mürin oupwe liwiniti ewe fanü pwe oupwe fanüeni, ewe fanü Moses nöün ewe Samol mi Lapalap we chon angang a fen ngenikemi me ötiuen ewe chanpupu Jortan.”

Josua 4:12

Iwe, chon ekewe ainangen Rupen me Kat pwal esopun ewe ainangen Manasa ra pwerela pekila mwen ekewe aramasen Israel fän ar pisekin maun, usun Moses a amwirimwir ngeniir.

Pwärätä 17:4

Ei fefin a üföüf üf mi parachol me parapar, a pwal foute ngeni sokopaten fout seni kolt, fau mi aüchea me föün pwei. A amwöchü lepöün eu kap seni kolt mi ur ren sokopaten mettoch mi anioput me limengauen an föförün lisowu.