Josua 1:11 - Chuukese Bible

¹¹ pwe repwe pwerefetal lemenen ewe leni ia ekewe aramas ra nonom ie, o allük ngeniir, “Oupwe amolätä amötümi. Pun mürin ülüngat rän oupwe pwerela pekilan ewe chanpupu Jortan o pwerelong lon ewe fanü ewe Samol mi Lapalap a ngenikemi pwe oupwe fanüeni.”

Josua 1:11 Iomraidhean Croise

2. King 20:5

“Kopwe liwiniti Hiskia ewe samolun nei aramas o üreni pwe iei aloi ngang ewe Samol mi Lapalap, än an we lewo Tafit we Kot, ‘Üa rong om iotek, üa pwal küna om kechü. Üpwe apöchökülok, nge mürin ülüngat rän kopwe feila lon ewe imwenfel.

Ekistos 19:11

o amoleretä ngeni ewe aülüngatin rän. Pun lon ewe aülüngatin rän ngang ewe Samol mi Lapalap üpwe feitiu won ungen ewe chuk Sinai mwen mesen ekewe aramas meinisin.

Osea 6:2

Mürin ruu ika ülüngat rän epwe amanauakich o aliwinisefälikich pwe sipwe nom fän mesan.

Tuteronomi 11:31

Ämi oupwe le feila pekilan ewe chanpupu Jortan, pwe oupwe fanüeni ewe fanü ewe Samol mi Lapalap ämi we Kot epwe ngenikemi. Iwe, lupwen oupwe fanüeni o nonom lon,

Tuteronomi 3:18

Lon ena fansoun üa allük ngenikemi, ‘Ewe Samol mi Lapalap ämi we Kot a ngenikemi ei fanü pwe oupwe fanüeni. Ekewe mwän meinisin mi sip le maun me leimi repwe angei pisekin maun o akomwola pekilan ewe chanpupu Jortan mwen pwimi kewe aramasen Israel.

Tuteronomi 9:1

“Oupwe aüseling ämi chon Israel: Iei oupwe feila pekilan ewe chanpupu Jortan pwe oupwe fanüeni fanüen chon ekewe mwü mi watte o pöchökül senikemi, chor ra imweimw lon telinimw mi watte o tit tori läng.

Josua 1:10

Mürin Josua a allük ngeni ekewe meilapen ekewe aramas,

Josua 1:2

“Nei chon angang Moses a mäla. Iei mine kopwe ütä iei o feila pekilan ei chanpupu Jortan, ämi me ekei aramas meinisin, pwe oupwe feila lon ewe fanü üpwe ngeni ekewe aramasen Israel.

Josua 3:2

Mürin ülüngat rän, ekewe meilap ra fetalfeil lemenen ewe ia ekewe aramas ra nonom ie.