Josua 1:1 - Chuukese Bible

¹ Iwe, mürin än Moses nöün ewe Samol mi Lapalap chon angang mäla, ewe Samol mi Lapalap a üreni Josua nöün Nun we mwän, ätewe mi angang ngeni Moses,

Josua 1:1 Iomraidhean Croise

1. King 19:16

Kopwe epiti Jehu nöün Nimsi we mwän pwe epwe kingen Israel, kopwe pwal epiti Elisa nöün Safat we mwän seni Apel-mehola pwe epwe siwiliik lon ewe wisen soufos.

2. King 3:11

Nge king Jehosafat a ais, “Ifa usun, esap wor ikei eman nöün ewe Samol mi Lapalap soufos, pwe i epwe tongeni angei öüröürach me ren ewe Samol mi Lapalap?” Mürin, eman nöün ewe kingen Israel meilap a pälüeni, “A nom ikei Elisa nöün Sofat we mwän mi piin angang ngeni Elias.”

Nehemia 8:17

Iwe, ekewe aramas meinisin mi liwinto seni ar oola ra föri likachoch o nonom lor. Pun seni fansoun Josua nöün Nun we mwän tori ei rän ekewe aramasen Israel resap föri mwo iei usun. Iwe, a fis watten pwapwa.

Ekistos 24:13

Mürin, Moses a ütä me nöün chon angang Josua o feitä won ewe chukun Kot.

Numperis 11:28

Nge Josua nöün Nun mwän, nöün Moses we soualilis seni lealüalün, a apasa, “Ai samol Moses, kopwe aükätiu ar osuni.”

Numperis 12:7

Nge esap iei usun ren nei ei chon angang Moses. Pun üa lükü ngeni nei aramasen Israel meinisin.

Numperis 13:16

Ikkei ir ekewe mwän Moses a tinirela pwe repwe operi ewe fanü. Nge Hosea nöün Nun we mwän Moses a aita ngeni Josua.

Numperis 13:8

Hosea nöün Nun mwän seni ewe ainangen Efraim,

Lukas 16:10

Eman mi allükülük le tümwünü mettoch mi kisikis, epwe pwal allükülük le tümwünü mettoch mi watte. Nge eman esap allükülük le tümwünü mettoch mi kisikis, esap pwal allükülük le tümwünü mettoch mi watte.

Föför 7:45

Iwe, mürin ach kewe lewo mi angei ewe imwenfel seni mangaku seni semelaper kewe ra eki ei imwenfel lupwen ra eti Josua le feila o liapeni ewe fanü seni chon ekewe mwü Kot a fen asürela me mwer. Iwe, a nonom lon ewe fanü tori fansoun Tafit.

Nöün Paulus Toropwe ngeni ekewe Souläng lon Rom 1:1

Ngang Paulus, eman chon angangen Kraist Jesus, üa kö pwe üpwe eman soukünö mi imwüla fän iten ai üpwe arongafeili än Kot we Pworausen Manau.

Tuteronomi 1:38

Nge Josua nöün Jefune we mwän mi angang ngonuk epwe tolong. Kopwe apöchöküla lelukan, pun epwe atolonga chon Israel lon ewe fanü pwe repwe fanüeni.’

Tuteronomi 31:23

Mürin, ewe Samol mi Lapalap a awisa Josua nöün Nun we mwän ngeni wisan o apasa, “Kopwe apöchökülok o tipepwora, pun en kopwe emwenalong ekewe aramasen Israel lon ewe fanü üa pwon fän akapel pwe üpwe ngeniir. Ngang üpwe etuk.”

Tuteronomi 31:3

Iwe, ewe Samol mi Lapalap ämi we Kot epwe püsin feila mwemi pekila. Epwe arosala chon ekei mwü me mwemi, pwe oupwe angei seniir fanüer. Nge Josua epwe emwenikemi usun ewe Samol mi Lapalap a fen apasa.

Tuteronomi 33:1

Iei ewe kapasen feiöch Moses ewe aramasen Kot a afeiöchü ngeni ekewe aramasen Israel mwen an mäla.

Tuteronomi 34:12

Esap wor eman soufos a föri manaman mi pöchökül me föför mi lapalap o eniwokus usun Moses a föri me fän mesen ekewe chon Israel meinisin.

Tuteronomi 34:5

Iei usun Moses nöün ewe Samol mi Lapalap we chon angang a mäla ikenan lon ewe fanü Moap, usun mine ewe Samol mi Lapalap a apasa.

Tuteronomi 34:9

Iwe, Josua nöün Nun we mwän a ur ren tipachem, pun Moses a iseis pöün won. Iei mine ekewe aramasen Israel ra aleasochisi Josua o föri usun mine Moses a allük ngeniir fän alon ewe Samol mi Lapalap.

Titus 1:1

Kapong seni ngang Paulus, eman nöün Kot chon angang me eman nöün Jesus Kraist soukünö. Kot a filiei o tinieila, pwe üpwe alisi nöün Kot kewe mi fil lon ar lükülük o emweniir ngeni ar repwe silei ewe let sia kaiö seni ach lamalam.

James 1:1

Ngang James, eman nöün Kot me ach Samol Jesus Kraist chon angang, üa kapong ngeni ekewe engol me ruu ainang mi toropasfeil won unusen fanüfan.

Josua 1:15

tori ewe Samol mi Lapalap epwe asösöü pwimi usun chök ämi. Iwe, repwe fanüeni ewe fanü ewe Samol mi Lapalap ämi we Kot a ngeniir. Mürin oupwe liwiniti ewe fanü pwe oupwe fanüeni, ewe fanü Moses nöün ewe Samol mi Lapalap we chon angang a fen ngenikemi me ötiuen ewe chanpupu Jortan.”

Josua 1:2

“Nei chon angang Moses a mäla. Iei mine kopwe ütä iei o feila pekilan ei chanpupu Jortan, ämi me ekei aramas meinisin, pwe oupwe feila lon ewe fanü üpwe ngeni ekewe aramasen Israel.

Josua 12:6

Iwe, Moses nöün ewe Samol mi Lapalap we chon angang me ekewe aramasen Israel ra akufu ekei ruoman king. Nge Moses a ngeni chon ekewe ainangen Rupen me Kat pwal ewe esopun ainangen Manasa fanüer pwe repwe fanüeni.

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.