Johannes 4:3 - Chuukese Bible

³ Iei mine lupwen a rongorong met ra apasa, a feila seni Jutea o liwinsefäliti Kalilea.

Johannes 4:3 Iomraidhean Croise

Mateus 10:23

Iwe, lupwen repwe ariaföüükemi lon eu telinimw, oupwe süla lon pwal eu. Üpwe fokun ürenikemi, pwe ousamwo wes le föri ämi angang lon ekewe telinimwen Israel meinisin mwen ewe Nöün Aramas epwe liwinsefäl.

Markus 3:7

Iwe, Jesus me nöün kewe chon kaiö ra feila ngeni ewe nomun Kalilea, nge eu mwichen aramas mi chomong ra tapwela mürin. Ra feito seni Kalilea me Jutea,

Lukas 17:11

Iwe, lupwen Jesus a fetal ngeni Jerusalem, a pwerela le kiänin Samaria me Kalilea.

Johannes 1:43

Iwe, sorotän ewe rän Jesus a filätä pwe epwe feila Kalilea. A küna Filip o üreni, “Kopwe tapweto müri.”

Johannes 10:40

Mürin Jesus a liwinsefälila pekilan ewe chanpupu Jortan lon ewe leni ia Johannes a fen papataisi aramas ie me mwan. Iwe, a nonom ikenan.

Johannes 11:54

Iei mine Jesus esap chüen saifetal lon Jutea le pwäpwäla lein ekewe chon Juta, nge a feila ngeni eu leni arap ngeni ewe fanüapö lon eu telinimw itan Efraim. A nonom ikenan fiti nöün kewe chon kaiö.

Johannes 2:11

Iei aeuin manaman Jesus a föri lon Kana lon Kalilea, iwe, nöün kewe chon kaiö ra lükü i.

Johannes 3:22

Mürin ei pworaus, Jesus me nöün kewe chon kaiö ra feila lon ewe fanü Jutea. Ikenan a nonom rer eu fansoun o papataisi aramas.

Johannes 3:32

Iwe, a pwärätä usun mine a fen küna o rongorong, nge esap wor eman a etiwa an kapas.

Johannes 4:47

Lupwen a rong pwe Jesus a feito seni Jutea tori Kalilea, a feila ren o tüngormau ngeni pwe epwe feila Kapernaum o apöchöküla nöün we ät mi arap ngeni mäla.

Johannes 7:1

Mürin ei pworaus, Jesus a chök saifetal lon Kalilea, pun esap mochen saifetal lon Jutea, pokiten ekewe nöüwisen chon Juta ra mochen niela i.