Johannes 3:3 - Chuukese Bible

³ Jesus a üreni, “Enlet, üpwe wesewesen ürenuk: Esap wor eman a tongeni küna Mwün Kot are esap upsefäl.”

Johannes 3:3 Iomraidhean Croise

Jeremaia 5:21

Oupwe rongorong ekei kapas, ämi aramas mi umwes o miritingau. A wor mesemi, nge ousap küna. A wor selingemi, nge ousap rongorong.

Isikiel 36:26

Iwe, üpwe ngenikemi eu leluk mi fö, üpwe pwal fangelong lomi eman ngün mi fö. Üpwe angei me leutumi ewe leluk mi pöchökül usun fau o ngenikemi eu leluk mi pwetete.

Mateus 16:17

Jesus a pölüeni, “Ka feiöch, Simon nöün Sona. Pun ei kapas mi let esap aitien eman aramas ngonuk, nge Semei lon läng a amefi ngonuk.

Mateus 19:24

Üpwe apasasefäli, a men fokun weires ngeni eman aramas mi pisekisek an epwe tolong lon Mwün Kot lap seni än eman kamel epwe tolong lon pwangen efoch tikek.”

Mateus 21:31

Iwe, iö lein ekewe ruoman nau a föri letipen saman?” Iwe, ra pölüeni, “Ewe mi watte.” Iei mine Jesus a üreniir, “Enlet, üpwe ürenikemi, pwe ekewe chon ioni takises me ekewe fin lisowu repwe tolong lon Mwün Kot mwemi.

Mateus 5:18

Enlet, ngang üpwe ürenikemi, pwe tori än läng me fanüfan repwe morola, esap wor och kükün mesen mak are och tik won eföü mesen mak epwe morola tori an epwe pwönüetä ekei mettoch meinisin.

Markus 10:14

Nge lupwen Jesus a küna mine ra föri, a letipechou o a üreni nöün kewe chon kaiö, “Oupwe mwüt ngeni ekewe semirit pwe repwe feito rei, nge ousap epetiir, pun iö a wewe ngeni ekei semirit epwe mwüni mwün Kot.

Markus 9:47

Are mesom a atupukelong lon tipis, kopwe alusawu. Epwe fen öch ngonuk om kopwe meseeföü le tolong lon manau esemüch, lap seni om kopwe meseruoföü le tolong lon hell,

Johannes 1:13

Resap wiliti nöün Kot usun än eman uputiu ngeni saman, pun resap uputiu won tipen fituk are tipen mwän, nge püsin Kot a föri pwe ir nöün.

Johannes 1:5

Ewe saram a tittin lon rochopwak, nge rochopwak esap tongeni akufu.

Johannes 1:51

Mürin a üreniir, “Enlet, üpwe wesewesen ürenikemi: Ämi oupwe küna pwe läng epwe sukula o nöün Kot kewe chon läng repwe feitä me feitiu won Nöün Aramas.”

Johannes 12:40

“Kot a achunala meser o aföüala letiper, pwe resap tongeni künakün ren meser ika wewe ren letiper, ika kul ngeniei, pwe üpwe apöchöküleretä.”

Johannes 3:4

Nikotemus a aisini, “Epwe ifa usun än eman aramas epwe tongeni upsefäl lupwen a chinlap? Enlet, esap tongeni tolongsefäl lon upwen inan o uputiu fän aruuan.”

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

2. Korint 5:17

Iei mine are eman a nonom lon Kraist, i eman förien Kot mi fö. Ewe manauen lom a wes, nge eu manau mi fö a fis.

Kalatia 6:15

Esap wor lomoten än eman sirkomsais ika esap sirkomsais, nge a chök lomot än eman epwe wiliti eman aramas mi fö.

Efisos 2:1

Me lom oua mäla lon pekin ngün pokiten ämi lükümach me tipis.

Tuteronomi 29:4

Nge tori ikenai ewe Samol mi Lapalap esap ngenikemi ekiek mi mirit, mas mi nenela me seling mi rongorong.

Titus 3:5

i a amanauakich, esap pokiten föriach föförün pwüng, nge pokiten an tong. A amanauakich ren ewe Ngünmifel, ewe mi aupusefälikich o ngenikich eu manau mi fö ren an limetikich.

James 3:17

Nge ewe tipachem seni läng a fokun limelimöch, a pwal akinamwe, tipepwetete me kirikiröch, a uren tong o awora chomong föför mi mürina, esap lifilifil aramas, esap pwal atuputup.

1. Petrus 1:3

Ousipwe mwareiti Kot ewe Semen ach Samol Jesus Kraist! Pun lon an tong mi lapalap a aupusefälikich ren än Jesus Kraist manausefäl seni mäla. Ei a aurakich ren eu apilükülük mi manau,

1. Johannes 2:29

Ämi oua silei pwe Kraist a pwüng, mürin oupwe pwal silei pwe aramas meinisin mi föri mine a pwüng, ir ra up seni Kot.

1. Johannes 3:9

Eman mi nöün Kot esap sopwela le föri tipis, pun manauen Kot a nonom lon. Iwe, esap tongeni sopwela le föri tipis, pun a up seni Kot.

1. Johannes 5:1

Eman mi lükü pwe Jesus ewe Kraist, i eman mi up seni Kot. Eman mi echeni eman sam a pwal echeni nöün.

1. Johannes 5:18

Sia silei pwe eman mi up seni Kot esap sopwela le föri tipis, pun ewe Nöün Kot a tümwünüöchü, pwe Ewe mi Ngau esap tongeni afeiengaua.

1. Johannes 5:4

pun chokana meinisin mi up seni Kot ra tongeni akufu fanüfan. Iwe, kich sia akufu fanüfan ren ach lükülük.

Pwärätä 3:14

“Kopwe makkei ngeni ewe chon künöön ewe mwichefel lon Laotisea: Iei alon ewe eman mi iteni Amen, ewe Chon Pwärätä mi allükülük o let, i popun förien Kot meinisin.