Johannes 10:3 - Chuukese Bible

³ Ewe chon masen ewe asamen lenien sip epwe suki ngeni ewe asam. Ekewe sip repwe rong mwelian lupwen epwe köri iten eman me eman nöün kewe sip, iwe, epwe emweniirewu lükün.

Johannes 10:3 Iomraidhean Croise

Kölfel 80:1

Kopwe aüselingakem, en än Israel chon mas, en mi emweni ekewe mwirimwirin Josef usun eu pwiin sip. En mi mot won om lenien motun king asen ekewe kerop,

Ekistos 33:17

Iwe, ewe Samol mi Lapalap a üreni Moses, “Üpwe fokun föri meinisin mine ka tüngor, pun üa sileek, ka pwal küna ümöümöch me rei.”

Än Salomon Fos 27:23

Kopwe mamasaöchü o tümwünüöchü noum pwiin sip me kow,

Än Salomon Köl 8:13

O en mi wor tongom me rei, ka nonom lon ekewe tanipi, chiechiom kewe ra aüselinga mweliom. Kose mochen üpwe pwal aüselinga mweliom.

Aisea 40:11

Iwe, epwe tümwünü nöün mwichen sip usun eman chon mas, epwe pwal achufengeni ekewe apanen sip o ekiretä fän mwärin, nge ekewe inelapen sip epwe emwenirela fän kinamwe.

Aisea 42:16

Iwe, üpwe emweni chon mesechun won efoch al resap silei, üpwe afetaleer won ekewe al resamwo fetal won. Üpwe awili ewe rochopwak mi nom mwer ngeni saram, nge ekewe leni mi pwüküpwük üpwe awili ngeni leni mi sosonöch. Ekei mettoch üpwe apwonüetä, nge üsap likiti och.

Johannes 10:14

Ngang ewe chon mas mi öch. Ngang üa silei nei sip kana o ir ra sileei,

Johannes 10:16

A pwal wor ekoch nei sip resap nonom lon ei lenien sip. Ngang üpwe pwal fokun emweniireto. Repwe aüseling ngeni mweliei. Mürin epwe wor eu chök mwichen sip me eman chon mas.

Johannes 10:4

Lupwen epwe emweniirewu lükün, epwe akom mwer. Iwe, ekewe sip repwe tapwela mürin, pun ra silei mwelian.

Johannes 10:9

Ngang ewe asam. Iö a tolong lon ei asam epwe küna manau. Epwe tolong o towu o küna anan.

Johannes 6:37

Chokewe meinisin Semei a ngeniei, repwe feito rei. Nge iö a feito rei, üsap fokun asüela.

Johannes 6:45

A fen mak lon puken ekewe soufos, ‘Aramas meinisin repwe kaiö me ren Kot.’ Chokewe meinisin mi aüseling ngeni alon ewe Sam o kaiö seni repwe feito rei.

Nöün Paulus Toropwe ngeni ekewe Souläng lon Rom 8:30

Iwe, chokewe Kot a aimwürela a pwal köriir, nge chokewe a köriir a föri pwe repwe küna pwüng me ren, nge chokewe mi küna pwüng me ren a pwal ngeniir lingan.

1. Korint 16:9

pun a wor eu asam mi suk chöchöla pwe üpwe föri ewe angang mi aüchea, nge a pwal wor chomong chon pinei ewe angang.

Filipi 4:3

Iwe, pwal en chienei chon angang mi allükülük, üa tüngor ngonuk pwe kopwe alisi ekei fefin, pun ra fokun angang weires o etiei le arongafeili ewe Pworausen Manau, irfengen me Klement me pwal ekewe ekoch mi etiei lon ewe angang, ir chokewe meinisin mi mak iter lon än Kot we puken iten chon manau.

Kolose 4:3

Oupwe pwal iotek fän item pwe Kot epwe suki eu asam ngenikem, pwe aipwe tongeni afalafala an kapas usun ewe monomonen Kraist. Pun iei popun pwe üa nom lon imwen fötek.

2. Timoty 2:19

Nge ewe longolong mi nükünük Kot a anomu esap tongeni mwökütüküt. A mak won ei longolong ekei kapas: “Ach Samol a silei chokewe ir nöün,” a pwal mak “Iö a apasa pwe i nöün ach Samol epwe fokun kul seni föföringau.”

1. Petrus 1:12

Kot a pwäri ngeni ekei soufos, pwe ar angang esap fän iten püsin ar feiöch, nge fän iten ämi feiöch, lupwen ar kapas usun ekewe mettoch oua rongorong iei seni ekewe chon künö mi aronga ngenikemi ewe Pworausen Manau ren manamanen Ngünmifel mi titito seni läng. Ikkei ekewe mettoch ekewe chon läng mwo nge ra mochen weweiti.

1. Johannes 4:6

Nge kich sia nöün Kot. Eman mi silei Kot a aüseling ngenikich, nge eman esap nöün Kot esap aüseling ngenikich. Iei usun sia tongeni esilla eman Ngün mi let me eman ngün mi chofona.

3. Johannes 1:14

Nge üa apilükülük ai üpwe müttir churuk, pwe sipwe püsin kapasfengen.

Pwärätä 20:15

Iö esap mak itan lon ewe puken iten chon manau a koturulong lon ewe nomun ekkei.

Pwärätä 3:20

Nengeni, üa ü lükün asam o fichifich. Are eman epwe rongorong mweliei o suki ewe asam, üpwe tolong ren o mongö ren, nge i epwe mongö rei.

Pwärätä 7:17

Pun ewe Lam mi nom lukalapan mwen ewe lenien motun king epwe nöür chon mas o emweniir ngeni ekewe puächen kolukun manau. Iwe, Kot epwe talüpwasei chönün mas seni won meser meinisin.”