Johannes 1:51 - Chuukese Bible

⁵¹ Mürin a üreniir, “Enlet, üpwe wesewesen ürenikemi: Ämi oupwe küna pwe läng epwe sukula o nöün Kot kewe chon läng repwe feitä me feitiu won Nöün Aramas.”

Johannes 1:51 Iomraidhean Croise

Keneses 28:12

Iwe, a tan pwe efoch latta a ititä seni won fanüfan, nge lesopun a tori läng. Iwe, nöün Kot kewe chon läng ra tötä o tötiu won.

Isikiel 1:1

Iwe, lupwen üa ierini ilik lon alimuen ränin ewe arüanün maram, ngang ewe souasor Isikiel nöün Pusi we mwän üa nom lein ekewe chon oola arun ewe chanpupu Kepar lon Papilon. Iwe, a fis pwe läng a sukula, nge a wor künaei seni Kot.

Sekaraia 13:7

Iei alon ewe Samol mi Unusen Manaman, “Kopwe pwök, en ketilas, o fiu ngeni nei chon mas, ngeni ewe aramas mi fokun kan ngeniei. Kopwe niela ewe chon mas, pwe ekewe sip repwe toropasfeil. Üpwe ü ngeni ekewe aramas mi kis.

Mateus 25:31

“Iwe, lupwen Nöün Aramas epwe war lon lingan o chon läng meinisin repwe eti, epwe mot won an lenien motun king mi ling.

Mateus 26:24

Nöün Aramas epwe mäla usun a fen mak lon ekewe Toropwe mi Pin, nge feiengauen ätewe mi afangamä Nöün Aramas! Epwe fen öch ngeni ei mwän are esap fen mwo nge uputiu!”

Mateus 3:16

Iwe, lupwen Jesus a wes me papatais, a müttir ütä me lon ewe koluk. Nge nengeni, läng a sukula ngeni o a küna ewe Ngünün Kot a feitiu won usun lapalapen eman lisom.

Mateus 4:11

Mürin ewe Tefil a likitala Jesus, nge nengeni, ekewe chon läng ra feito ren o tümwünü.

Mateus 8:20

Jesus a üreni, “Ekewe foks a wor pwanger fän pwül, ekewe mansüsü a wor faser, nge Nöün Aramas esap wor lenian ia epwe konola ie.”

Mateus 9:6

Iwe, ngang üpwe alükülükü ngenikemi, pwe Nöün Aramas a wor an pwüüng won fanüfan an epwe amusala tipis.” Iei mine a üreni ewe mwän mi mwök, “Kopwe ütä, angei kiom o feila lon imwom.”

Markus 1:10

Iwe, lon ewe chök otun a tütä o ütä lon ewe koluk, a küna pwe läng a sukula, iwe, Ngünmifel a feitiu won usun lapalapen eman lisom.

Markus 14:62

Jesus a pölüeni, “Ewer, ngang ätewe. Ämi oupwe küna Nöün Aramas epwe mot lepelifichin ewe mi Unusen Manaman, epwe feito won ekewe kuchun läng.”

Lukas 2:13

Lon ewe chök otun eu mwichen chomong chon läng ra nom ren ewe chon läng, ra mwareiti Kot o apasa,

Lukas 2:9

Iwe, nöün ewe Samol we chon läng a pwä ngeniir o lingen ewe Samol a tinetiu wor, iwe, ra fokun niuokus.

Lukas 22:43

Iwe, eman chon läng a pwä ngeni o apöchöküla.

Lukas 22:69

Nge seni iei Nöün Aramas epwe mot lepelifichin Kot ewe mi Manau.”

Lukas 24:4

Nge lupwen ar chüen ükütä o osukosuk ren mine ra küna, ruoman mwän mi üföüf üf mi saramaram ra ütä ünükür.

Lukas 3:21

Iwe, lupwen ekewe aramas meinisin ra papatais, Jesus a pwal papatais. Nge lupwen Jesus a iotek, läng a sukula

Johannes 1:50

Jesus a üreni, “Ifa usun, ka lükü pokiten üa ürenuk pwe üa künok lupwen ka nom fän ewe irä fiik? Kopwe küna chomong mettoch mi lap seni ei.”

Johannes 10:1

Iwe, Jesus a üra, “Enlet, üpwe wesewesen ürenikemi: Iö esap tolong lon asamen lenien sip, nge a tötä me ekis o tolong, i eman chon solä me eman chon achomau.

Johannes 10:7

Iei mine Jesus a apasasefäli, “Enlet üpwe wesewesen ürenikemi: Ngang ewe asam fän iten ekewe sip.

Johannes 13:16

Enlet, üa wesewesen ürenikemi: Eman chon angang esap lap seni an masta, nge eman chon künö esap lap seni ätewe mi tini.

Johannes 13:38

Jesus a pölüeni, “Ifa usun, ka wesewesen molotä om kopwe mäla fän itei? Enlet, üpwe wesewesen ürenuk: Mwen än ewe chuko epwe kökkö en kopwe amamäsiniei fän ülüngat.”

Johannes 14:12

Enlet, üpwe wesewesen ürenikemi: Iö a lüküei epwe föri ekewe föför ngang üa föriir, ewer, epwe pwal mwo nge föri föför mi lap seni ekei, pun ngang üpwe feila ren Semei.

Johannes 16:20

Enlet, üpwe wesewesen ürenikemi: Ämi oupwe kechü o ngüngüres, nge fanüfan epwe fokun pwapwa. Ämi oupwe lolilen, nge ämi lolilen epwe wiliti pwapwa.

Johannes 16:23

Lon ena rän ämi ousap chüen aisiniei och. Enlet, üpwe wesewesen ürenikemi: Semei epwe ngenikemi meinisin mine oua tüngor fän itei.

Johannes 21:18

Enlet, üpwe wesewesen ürenuk: Lupwen om alüal ka soun ri lukalapom o feila ia ka mochen feila ie. Nge lupwen kopwe chinlap, kopwe aitiela poumw, nge eman epwe ri lukalapom o emwenukela ia kosap mochen feila ie.”

Johannes 3:3

Jesus a üreni, “Enlet, üpwe wesewesen ürenuk: Esap wor eman a tongeni küna Mwün Kot are esap upsefäl.”

Johannes 3:5

Iwe, Jesus a üreni, “Enlet, üpwe wesewesen ürenuk: Esap wor eman a tongeni tolong lon Mwün Kot are esap up ren koluk me Ngün.

Johannes 5:19

Iwe, Jesus a pölüeniir, “Enlet, üpwe wesewesen ürenikemi: Ewe Nau esap tongeni föri och ren püsin i, a chök föri met a küna pwe Saman a föri. Pun mine ewe Sam a föri, pwal ina chök mine ewe Nau a föri.

Johannes 5:27

Iwe, a ngeni ewe Nau ewe wis pwe epwe souapwüng, pun i ewe Nöün Aramas.

Johannes 6:26

Jesus a pölüeniir, “Enlet, üpwe wesewesen ürenikemi: Oua küttaei pokiten oua mongö ewe pilawa tori oua mötüla, nge ousap küttaei pokiten oua weweiti ai kewe manaman.

Johannes 6:32

Mürin Jesus a üreniir, “Enlet, üpwe wesewesen ürenikemi: Esap Moses ewe mi ngenikemi ewe mongö seni läng, nge Semei i ewe mi ngenikemi ewe enletin mongö seni läng.

Johannes 6:47

Enlet, üpwe wesewesen ürenikemi: Iö a lüküei a eäni manau esemüch.

Johannes 6:53

Iei mine Jesus a üreniir, “Enlet, üpwe wesewesen ürenikemi: Are ousap mongö fituken Nöün Aramas o ünümi chaan, esap wor manau lomi.

Johannes 8:34

Nge Jesus a üreniir, “Enlet, üpwe wesewesen ürenikemi: Aramas meinisin mi föri tipis ra nonom fän nemenien tipis usun eman amanau.

Johannes 8:51

Enlet ngang üpwe wesewesen ürenikemi: Iö a aleasochisi ai kewe kapas esap fokun mäla.”

Johannes 8:58

Jesus a pölüeniir, “Enlet üpwe wesewesen ürenikemi: Me mwen än Apraham esamwo uputiu, ngang üa fen nom.”

Föför 10:11

A küna pwe läng a sukula, nge och mettoch mi wewe ngeni echö chenikam mi watte a ürütiu me läng, nge a föfö pwokukun me rüanü.

Föför 7:56

Iwe, a üra, “Nengeni, üa küna pwe läng a suk o Nöün Aramas a ütä lepelifichin Kot!”

2. Tesalonika 1:7

epwe pwal angasakemi ämi mi riaföü, epwe pwal angasakem. Ei epwe fis lupwen ach Samol epwe feito seni läng fiti nöün kewe chon läng mi pöchökül,

2. Tesalonika 1:9

Ir repwe riaföü ren ewe apwüngün feiengau esemüch, repwe imwü seni mwen mesen ach Samol pwal seni an we pöchökül mi amwarar,

1. Timoty 3:16

Kich sia pwärätä pwe a fokun lapalap monomonen ach lükülük: I a pwäla lon fituk, a pwä pwe a pwüng me ren Ngünmifel, chon läng kana ra küna i, chon fanüfan ra rongorong pworausan, won fanüfan mi wor chon lükü itan, Kot a angeatä lon lingan.

Ipru 1:14

Iwe, nge met ren ekewe chon läng? Ir meinisin ngün mi angang ngeni Kot. Kot a tiniirela pwe repwe alisi chokewe repwe küna manau.

Jutas 1:14

Iwe, Enok ewe afümanün täppin aramas seni Atam a osuni usur me lomlom, “Ewe Samol epwe feito fiti ngeröün chon läng mi pin

Pwärätä 19:11

Mürin üa küna pwe läng a suk, iwe, a wor eman oris mi pwechepwech. Ewe chon wawa a iteni Allükülük me Let, a eäni kapüng fän wenechar o maun fän pwüng.

Pwärätä 4:1

Mürin ei a pwal wor künaei, üa küna eu asam mi suk lon läng. Iwe, mwelien eman mi wewe ngeni tikin efoch rappwa, üa fen rongorong me mwan, a üreniei, “Kopwe feito ikei, pwe üpwe aiti ngonuk met epwe fokun fis mürin ei.”