Johannes 1:11 - Chuukese Bible

¹¹ A tori fanüan, nge aramasan resap etiwa.

Johannes 1:11 Iomraidhean Croise

Mateus 15:24

Mürin Jesus a pölüeniir, “Kot a chök tinieila ren ekewe sip mi mwalechela, ir ekewe aramasen Israel.”

Lukas 19:14

Nge aramasen fanüan we ra oputa o tinala ekoch chon künö me mürin pwe repwe üreni, ‘Äm aisap mochen pwe ätei epwe nöüm king.’

Johannes 1:10

A nom lon fanüfan o fanüfan a för ren, nge fanüfan esap silei i.

Johannes 1:12

Nge iö kana ra etiwa o lükü i a ngeniir manaman pwe repwe wiliti nöün Kot.

Johannes 19:27

Mürin a üreni ewe chon kaiö, “Nengeni, iei i inom.” Iwe, seni lon ena otun ewe chon kaiö a angei Maria pwe epwe nom ren lon imwan.

Johannes 3:32

Iwe, a pwärätä usun mine a fen küna o rongorong, nge esap wor eman a etiwa an kapas.

Föför 13:26

Ämi pwii kana re Israel, ämi mwirimwirin Apraham me ämi chon lükün Israel meinisin mi fel ngeni Kot: Ei kapasen manau Kot a fen tinato ngenikich!

Föför 13:46

Mürin Paulus me Parnapas ra pölüeniir fän pwora, “A pwüng ngenikem äm aipwe akomwen afalafala ngenikemi ewe kapasen Kot. Nge pokiten ousap etiwa, ousap pwal ekieki pwe oua fich ngeni ewe manau esemüch, aipwe likitikemi o feila ngeni ekewe chon lükün Israel.

Föför 21:6

Mürin aia kapong ngeniir o tötä won ewe sip, nge ir ra liwiniti lenier.

Nöün Paulus Toropwe ngeni ekewe Souläng lon Rom 15:8

Pun üa ürenikemi pwe Kraist a wiliti eman chon angang fän iten ekewe chon Juta an epwe pwärätä pwe Kot a allükülük, o epwe apwönüetä än Kot kewe pwon ngeni ar kewe lewo,

Nöün Paulus Toropwe ngeni ekewe Souläng lon Rom 9:1

Ngang üpwe apasatä mine a let. Üsap chofona, pun ngang eman nöün Kraist. Mwelien letipei mi nom fän nemenien Ngünmifel a pwal anüküchara ngeniei, pwe üsap chofona,

Nöün Paulus Toropwe ngeni ekewe Souläng lon Rom 9:5

Ir mwirimwirin ar kewe lewo re Ipru mi iteföüla, pwal Kraist eman me leir lon an nom lon fituk. Sipwe mwareiti Kot tori feilfeilachök, ewe mi nemeni mettoch meinisin. Amen.

Kalatia 4:4

Nge lupwen a war ewe fansoun mi kapwüngüla, Kot a tinato püsin Nöün. A uputiu seni eman fefin o a nonom fän ekewe Allük,