Jeremaia 9:9 - Chuukese Bible

⁹ Ifa usun, üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför? Ngang ewe Samol mi Lapalap üa kapas.”

Jeremaia 9:9 Iomraidhean Croise

Aisea 1:24

Iei oupwe rongorong mine ewe Samol mi Unusen Manaman, ewe Koten Israel a apasa, “Ngang üpwe atoto ai song womi, ämi chon pälüeniei, üpwe pwal ngenikemi chappen ämi föför, ämi chon oputaei.

Aisea 10:3

Iwe, met oupwe föri lon ränin apwüng, lupwen feiengau epwe torikemi seni toau? Iö oupwe süla ren pwe epwe alisikemi, nge ia oupwe aopa wöümi ie?

Aisea 57:6

Oua angei fau mi motoutou seni lon öüwö o fel ngeniir pwe ämi Kot. Oua ninätiu wor asoren ün o uwato wor asoren mongö. Ifa usun, ngang üpwe pwapwaiti ei sokun föför?

Jeremaia 12:11

Ra awili ngeni eu fanüapö, a pöön o pwasapwas me fän mesei. Unusen ewe fanü a pö, nge esap wor eman a ekieki usun.

Jeremaia 12:4

Ifa ükükün fansoun än ewe fanü epwe pwasapwas, nge fetilin lon iteiten mälämäl epwe pwasala? Ekewe man me mansüsü ra ärela pokiten ekewe aramas mi nom lon ewe fanü ra föföringau, ir ekewe aramas mi apasa, “Kot esap küna mine sa föri.”

Jeremaia 4:25

Üa küna pwe esap wor eman aramas, pwal ekewe machang meinisin ra süla.

Jeremaia 5:29

Ifa usun, ngang ewe Samol mi Lapalap üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför.

Jeremaia 5:9

Ifa usun, üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför?

Osea 4:3

Iei mine ewe fanü a pwasapwas, nge meinisin mi nonom won ra mäla fiti ekewe mönün lemäl me ekewe machang. Pwal ekewe ikenen leset ra mäla.

Sowel 1:19

Ai Samol mi Lapalap, üa siö ngonuk, pun ekewe lenien fetil me ekewe irän lemäl meinisin ra pwasala, ra usun chök nge ekkei a kenirela.

Amos 5:1

Ämi chon Israel, oupwe rongorong kapasen ei kölün kechü üpwe eäni fän äsengesimi,

Amos 5:2

“Ewe föpwül Israel a turula, nge esap fokun chüen üsefälitä. A katurula won püsin fanüan, nge esap wor eman a aütäi.”