Jeremaia 9:7 - Chuukese Bible

⁷ Iei mine ewe Samol mi Unusen Manaman a apasa, “Nengeni, üpwe limeti nei aramas usun eman chon ketel a limeti mächä, üpwe sotuniir. Pun met echök üpwe tongeni föri ren nei aramas mi föri mine a ngau.

Jeremaia 9:7 Iomraidhean Croise

2. Samuel 13:26

Mürin, Apsalom a üra, “Are kose mochen feila, üa tüngor ngonuk kopwe mwüt ngeni Amnon pwii we pwe epwe etikem.” Nge ewe king a aisini, “Pwota epwe etuk?”

2. Kronika 36:15

Nge ewe Samol mi Lapalap än ar kewe lewo we Kot a chök sopwela le tinala nöün chon künö pwe repwe uwei an kapasen fön ngeniir, pun a tongei nöün aramas me imwan we imwenfel.

Kölfel 120:4

Epwe apwüngükemi ren än eman sounfiu föün esefich mi ken, ren moochen chia mi sarara.

Kölfel 55:22

Kopwe monätä won ewe Samol mi Lapalap om weires, pwe i epwe tümwünuk. Esap fokun mwütätä pwe ewe chon pwüng epwe kuf.

Kölfel 62:5

Üa likitü le witiwiti Kot echök, pun üa anomu ai apilükülük won.

Aisea 1:25

Ngang üpwe apwüngükemi, üpwe limetikemi usun mächä a limelim ren ekkei, pwe meinisin mine a ngau lomi epwe imwüla senikemi, üpwe pwal angei senikemi ämi limengau.

Aisea 48:10

Nengeni, üa limetuk, nge esap usun än eman limeti silifer won ekkei. Üa sotunuk ren riaföü mi watte, a wewe ngeni eu um mi fokun pwichikar.

Aisea 59:3

Pun pöümi a limengau ren ämi niela aramas me ämi föföringau, awemi a chofana o kapasingau.

Jeremaia 31:20

Ifa usun, Israel esap nei mwän mi achengicheng? Ifa usun, sap i nei üa pwapwa ren? Inamwo ika üa kulu söküri ngeni, nge üa chüen chechemeni. Iei mine lelukei a positi i, üpwe fokun eäni ümöümöch ngeni. Ngang ewe Samol mi Lapalap üa kapas.

Jeremaia 5:1

Oupwe akaliwin won ekewe alen Jerusalem, oupwe nenefetal o katol. Oupwe ouwasacha ekewe lenien amwicheich, are oupwe tongeni küna eman chök aramas mi föri mine a pwüng o kütta mine a wenechar, pwe ewe Samol mi Lapalap epwe amusala än chon ei telinimw tipis.

Jeremaia 6:27

Üa awisok, Jeremaia, pwe kopwe sotuni nei aramas usun eman a sotuni mächä. Kopwe sotuniir o küna ar kewe föför.

Osea 4:1

Ämi chon Israel, oupwe rongorong än ewe Samol mi Lapalap kapas. Pun iei an kapasen atipisi chon ewe fanü: Esap wor allükülük ika tong me lon ewe fanü, esap pwal wor ar silei pwe ngang ar Kot.

Sekaraia 13:9

Nge ewe eu leulüngatin mi chüen manau üpwe atolongeer lon ewe ekkeiin riaföü, pwe üpwe limetiir usun eman a limeti silifer lon ekkei, üpwe sotuniir usun eman a sotuni kolt won ekkei. Mürin repwe kökköri itei, nge ngang üpwe pälüeniir. Üpwe apasa, ‘Ämi nei aramas,’ nge ir repwe apasa, ‘Ewe Samol mi Lapalap i ach we Kot.’”

Malakai 3:3

I epwe mot usun eman chon ketel mächä me eman chon limelim silifer. Epwe limeti chon ewe ainangen Lefi o alimöchüür usun eman a limeti kolt me silifer, tori repwe uwato ekewe asor mi fich ngeni ewe Samol mi Lapalap.

1. Petrus 1:7

Popun ämi tolong lon sosot, pwe epwe pwä enletin ämi lükülük. Kolt mi tongeni tala, nge a ketel lon ekkei pwe epwe pwä ewe enletin kolt. Iei usun ämi lükülük mi aüchea seni kolt epwe fokun küna sosot, pwe epwe nükücharala. Mürin oupwe küna iteüöch me ling me itetekia lon ewe Rän lupwen Jesus Kraist epwe pwä.

1. Petrus 4:12

Ämi chienei mi achengicheng, ousap weitifengenikemi ren pwichikaren ewe riaföü a torikemi, pwe oupwe sosot ren. Ousap ekieki pwe iei och mine esap öch ngenikemi.