Jeremaia 9:6 - Chuukese Bible

⁶ Ra chök achukuchukätä ar ariaföüü aramas me ar föförün atuputup. Ewe Samol mi Lapalap a apasa pwe nöün aramas ra likitala i.

Jeremaia 9:6 Iomraidhean Croise

Än Salomon Fos 1:24

Üa fen körikemi, nge ousap mochen aüseling, üa äkänipökemi, nge ousap afäli.

Än Salomon Fos 1:29

Pokiten oua oput silelap, nge ousap mochen aleasochisi ewe Samol mi Lapalap,

Aisea 1:25

Ngang üpwe apwüngükemi, üpwe limetikemi usun mächä a limelim ren ekkei, pwe meinisin mine a ngau lomi epwe imwüla senikemi, üpwe pwal angei senikemi ämi limengau.

Aisea 1:3

Eman kow a silei an samol, nge eman aas a silei ewe sepi an samol a amongöü lon. Nge ar sile a kon lap seni än chon Israel sile, nei aramas kana esap wor ar wewe.”

Aisea 4:4

Ewe Samol epwe apwüngü o alimöchü chon ewe mwü ren an manaman, epwe talü än chon Jerusalem tipis me ewe cha mi ninitiu lon.

Jeremaia 11:10

Ra kulusefäliti än ar kewe lewo tipis, ir chokewe resap mochen apwönüetä ai kewe kapas. Ra fel ngeni pwal ekoch kot o angang ngeniir. Chon Israel me chon Juta ra atai ai we pwon üa eäni ngeni ar kewe lewo.

Jeremaia 11:19

Nge ngang üa usun chök eman apanen sip mi mosonoson, aramas ra emwenala ren ewe chon niela. Ngang üsap mefi pwe ra ekiekin rawangauaei, lupwen ra apasa, “Ousipwe ataala ewe irä fiti uan. Ousipwe ukufala i me lon fanüen chokewe mi manau, pwe esap chüen wor eman epwe chechemeni itan.”

Jeremaia 13:10

Ekei aramas mi ngau, resap mochen aleasochisiei. Ra chök ülöförea le chei mochenin letiper. Ra fel ngeni pwal ekoch kot o angang ngeniir. Iei mine repwe wewe ngeni ei achök mi lomotongau.

Jeremaia 18:18

Mürin, ekewe aramas ra apasa, “Ousipwe rawangauei Jeremaia. Pun a chüen wor ekewe souasor mi aiti ngenikich ekewe allük, ika ekewe soutipachem mi öüröürakich, ika ekewe soufos mi afalafalakich. Ousipwe atipisi, nge sisap afäli mine a apasa.”

Jeremaia 20:10

Üa rongorong möngününgünün chomong aramas, “Niuokus watte a nom ekis meinisin. Ousipwe aturu i, ousipwe aturu i.” Pwal chiechiei kewe meinisin ra witiwiti ai üpwe turula. Ra apasa, “Eli epwe tup, mürin sipwe liapeni o ngeni chappen an föför.”

Jeremaia 5:27

Usun eu tittin machang a ur ren machang, iei usun imwer kewe ra ur ren pisekin solä. Iei popun a wor maner, ra pisekisekila,

Jeremaia 8:5

Pwota chök ämi nei aramasen Jerusalem oua tokofochofochola, nge ousap fokun kulsefäl? Oua kamwöchünuk won ämi kewe uluulun anümwäl, nge ousap fokun mochen liwinsefäl.

Osea 11:8

Ifa usun ai üpwe tongeni fangatä, en Israel? Ifa usun ai üpwe tongeni likitukela? Ifa usun ai üpwe ataakela usun ai ataela Atma? Ifa usun ai üpwe tongeni föri ngonuk usun mine üa föri ngeni Sepoim? Letipei a siwil, ai tong a pwichikar o nüküchar.

Osea 4:6

Nei aramas ra feiengau, pun resap wesewesen sileei. Pokiten oua oput ämi oupwe sileei, ngang üpwe pwal oput ämi oupwe nei souasor. Pokiten oua manlükala ewe allük än ämi we Kot, ngang üpwe pwal manlükala nöümi kewe.

Sekaraia 13:9

Nge ewe eu leulüngatin mi chüen manau üpwe atolongeer lon ewe ekkeiin riaföü, pwe üpwe limetiir usun eman a limeti silifer lon ekkei, üpwe sotuniir usun eman a sotuni kolt won ekkei. Mürin repwe kökköri itei, nge ngang üpwe pälüeniir. Üpwe apasa, ‘Ämi nei aramas,’ nge ir repwe apasa, ‘Ewe Samol mi Lapalap i ach we Kot.’”

Nöün Paulus Toropwe ngeni ekewe Souläng lon Rom 1:28

Pokiten ekei aramas resap fokun mochen amwöchü lon letiper mine ra silei usun Kot, i a asechiirela lon ngauen letiper, pwe ra föri sokun föför esap pwüng.

1. Korint 15:34

Oupwe miritila, iwe, oupwe ükütiu le föri tipis. Pun ekoch me leimi resap silei Kot, üa pwärätä ei pwe oupwe säw ren.

1. Samuel 2:12

Nge nöün Eli kewe mwän ra aramasangau. Resap meniniti ewe Samol mi Lapalap,