Jeremaia 9:5 - Chuukese Bible

⁵ Iteiten eman me eman a atupu chiechian, nge esap wor eman a apasa mine a let. Ra aörüni ngeni chönawer kapas chofana, resap fokun mochen ükütiu le föri tipis.

Jeremaia 9:5 Iomraidhean Croise

Keneses 19:11

Mürin ra achuna ekewe mwän meinisin mi nonom lükün asamalapen ewe imw, seni alüal tori chinlap, pwe resap tongeni küna ewe asamalap.

Hiop 11:3

Ifa usun, om fospat epwe afanafanalai aramas? Nge lupwen ka eäni kapasen ämängau, ifa usun, esap wor eman epwe apwünguk?

Hiop 15:5

Pun om föföringau a pwä ren mine ka apasa, ka filätä kapasen atuputup.

Kölfel 140:3

Ra akkeni chönawer pwe a ken usun chönawen eman serepenit, nge ar kapas a usun chök poisonun serepenit.

Kölfel 50:19

Ka chök akapasa kapasingau, nge kosap aposa awom seni kapasen atuputup.

Kölfel 52:3

Ka efich mine a ngau lap seni mine a mürina, ka pwal efich kapas chofana lap seni kapas mi let.

Kölfel 64:3

Ra seimi chönawer pwe ra ken usun chök ketilas, ra awena ar kapas mi ngau usun chök föün esefich,

Kölfel 7:14

Nengeni, ekewe aramasangau ra chök ekiekietä mine a ngau, ra chök föri föför esepwüng o eäni kapas chofana.

Än Salomon Fos 12:5

Ekewe chon pwüng ra ekiekietä mine a pwüng, nge än ekewe aramasangau öüröür a atuputup.

Än Salomon Fos 4:16

Pun ekewe aramasangau resap tongeni annut ika resap föri mine a ngau, ra chök nennela ika resap likatupu eman.

Aisea 5:18

Feiengauemi, ämi mi förätä pwüngingau ren mochenin letipemi, oua pwal föri fän pöchökül mine oupwe tipis ren,

Aisea 57:10

Oua malülü pokiten ämi saitam, nge ousap apasa, “Esap wor lomotan.” Ousap achanü, pun oua pöchökülsefäl iteiten fansoun.

Jeremaia 12:13

Ra amwora föün wiich, nge ra kini iräfölüföl, ra olusumwäliir le angang, nge esap wor lomotan. Repwe säw ren mine ra kini pokiten ai song mi watte.”

Jeremaia 12:6

Pun püsin pwiüm kewe me chon leimwen semom ra afangamääk, ra tapweruk nge puchör. Kosap lüküür, inamwo ika ra kapas pwetete ngonuk.”

Jeremaia 13:23

Ifa usun, eman chon Itiopia a tongeni siwili anüanün ünüchan, ika ewe man itan lepart a tongeni siwili tiketikan? Ika ina, pwal en mi örüni föföringau, ka tongeni föri mine a mürina.

Jeremaia 4:22

Ewe Samol mi Lapalap a apasa, “Nei aramas ra umwes, resap sileei. Ra usun chök semirit mi tiparoch, resap mirit. Ra sipeöch le föri mine a ngau, nge resap silei ar repwe föri föför mi öch.”

Jeremaia 51:58

Tittin ewe telinimw Papilon mi chölap epwe tatiu tori pwül, nge asamalapan kewe mi tekia repwe karala. Än ekewe aramas angang a lomotmwäl, än chon ekewe mwü angang a chök mwüchün ekkei. Ngang ewe Samol mi Unusen Manaman üa kapas.”

Jeremaia 51:64

iwe, kopwe üra, ‘Iei usun än Papilon epwe kokotiu, nge esap chüen pisefälitä, pokiten ewe feiengau ewe Samol mi Lapalap epwe awarato won.’” Iei ükükün än Jeremaia kewe kapas.

Jeremaia 7:28

Kopwe üreniir, ‘Ämi chon eu mwü ousap aleasochisi ewe Samol mi Lapalap ämi we Kot, ousap etiwa an emirit. Kapas mi let ra morola, ra ükütiu seni lon awemi.

Jeremaia 9:3

Iei alon ewe Samol mi Lapalap, “Iteiten fansoun nei aramas ra chök kapas chofana. Chofana a chöchöla lon ewe fanü, nge sap let. Nei aramas ra chök föri föför mi ngau, nge resap alletä pwe ngang ar Kot.”

Jeremaia 9:8

Chönawer a usun chök efoch föün esefich mi poison, ra chök eäni kapasen atuputup. Iteiten eman me eman a eäni kapas pwetete ngeni chon arun, nge lon lelukan a ekiekietä usun an epwe sorongauei.

Isikiel 24:12

Nge a solap ai angang weires ngeni, pun ewe parang mi malül esap chü ren ewe ekkei.

Mika 6:12

Ekewe aramas mi pisekisek lon ewe telinimw ra föri chomong angangen mwänewüs, ekewe aramasen lon ra eäni kapas chofana me atuputup.

Mika 6:3

A apasa, “Ämi nei aramas, met üa föri ngenikemi? Ren met üa aweiresikemi? Oupwe pälüeniei.

Apakuk 2:13

Iei fän letipen ewe Samol mi Unusen Manaman, pwe än ekewe aramas angang epwe karala, nge än chon ekewe mwü angang weires epwe solapmwäl.

Malakai 2:10

Ifa usun, kich meinisin sisap semeni eman chök Sam? Ifa usun, sap eman chök Kot a förikich? Pwota chök sisap allükülük, eman ngeni eman, nge sia aücheangauei ewe pwon Kot a föri ngeni semelapach kewe?

Efisos 4:25

Iei mine ousap chüen kapas chofona. Oupwe eäni kapas wenechar ngeni pwimi kewe souläng, pun kich meinisin kifetin ewe inisin Kraist.

1. Timoty 4:2

Ekei sokun kapasen kait ra chöüfeil ren ekewe chon chofona mi atuputup, mwelien letiper a mä, ra usun itä nge ra kar ren efoch mächä mi fokun sarara.

Soukapwüng 2:10

Nge lupwen ewe pilon aramas meinisin ra pwal tapwela mürin semer kewe le mäla, a märitä eu pilon me mürir resap silei ewe Samol mi Lapalap, resap pwal silei ekewe föför a föri fän iten chon Israel.