Jeremaia 9:25 - Chuukese Bible

²⁵ Iei alon ewe Samol mi Lapalap, “Epwe war ewe fansoun, lupwen üpwe apwüngü chokewe ra chök sirkomsais ren inisir:

Jeremaia 9:25 Iomraidhean Croise

Jeremaia 25:23

ngeni ekewe telinimw Tetan, Tema me Pus, pwal ngeni chokewe meinisin mi fichi mökürer.

Jeremaia 4:4

Ämi chon Juta me chon Jerusalem, oupwe apwönüetä ämi pwon ngeniei, ngang ämi Samol mi Lapalap, o apinikemi fän itei. Are ousap föri ei, ai lingeringer epwe towu usun ngetengeten ekkei, pokiten ekewe föför mi ngau oua föriir. Epwe ngetenget, nge esap wor eman epwe kunuela.”

Jeremaia 49:32

Oupwe liapeni nöür kamel, nöür pwiin sip epwe choon wokumi. Üpwe atoropasafeili chokewe mi fichi mökürer, üpwe awarato feiengau wor seni ekis meinisin.

Isikiel 28:10

Kopwe mäla usun chokewe resap sirkomsais ren ekewe chon ekis. Ngang Kot ewe Samol mi Lapalap üa kapas.”

Isikiel 31:18

Meni lein ekewe irän Eten ka wewe ngeni lon lingom me om itetekia? Nge pwal en kopwe eti ekewe irän Eten le turutiu leutun fanüfan, kopwe kon lein chokewe resap sirkomsais, pwal lein chokewe ra mäla lon maun. Iei usun mine epwe fis ngeni Farao me nöün mwicheichen aramas,” iei alon Kot ewe Samol mi Lapalap.

Isikiel 44:7

Pun oua mwüt ngeni chon ekis pwe repwe tolong lon ai leni mi pin o apiningaua, ir resap sirkomsais, resap pwal aleasochisiei. Iwe, lupwen ra nom, oua pwal eäni asoren mongö ngeniei, asoren kiris me cha. Ren ei oua awateela ämi föför mi anioput o ataela ämi pwon ngeniei.

Lifitikos 19:27

Ousap pwal fichi meten möküren asen selingemi ika amocha alüsemi.

Lifitikos 26:41

iei popun ngang üa pwal ü ngeniir o tinirela lon fanüen chon oputer. Iwe, lupwen leluker mi ülöförea epwe tekison pwe ra angei chappen ar tipis,

Amos 3:2

“Ämi chök üa filikemiitä seni lein chon ekewe mwü meinisin won fanüfan. Nge pokiten ämi kewe tipis ra kon fokun ngau, iei mine üpwe fokun apwüngükemi.”

Nöün Paulus Toropwe ngeni ekewe Souläng lon Rom 2:28

Iwe, iö wesewesen eman re Juta mi enletin sirkomsais? Sap eman re Juta mi chök sirkomsais ren inisin me lükün.

Nöün Paulus Toropwe ngeni ekewe Souläng lon Rom 2:29

Esap ina! Nge eman mi enletin re Juta i eman re Juta lon letipan, wewen a sirkomsais lon letipan. Iei angangen ewe Ngünün Kot, sap angangen ekewe Allük mi makketiu. Ei sokun aramas epwe angei iteüöchün seni Kot, sap seni aramas.

1. Samuel 14:6

Iwe, Jonatan a üreni ewe alüal mi uwei an pisekin maun, “Etto, sipwe feila pekila ren ewe mwichen sounfiu resap sirkomsais. Eli ewe Samol mi Lapalap epwe alisikich. Pun esap wor och a tongeni pinei än ewe Samol mi Lapalap alilis ren chomong ika chokükün.”

1. Samuel 17:26

Tafit a aisini ekewe mwän mi nom ünükün, “Met epwe fis ngeni ewe mwän mi niela ei re Filistia o uwei seni Israel ewe itengau? Pun iö ei re Filistia esap sirkomsais, pwe epwe apälüa ewe mwichen sounfiu nöün ewe Kot mi manau?”