Jeremaia 9:23 - Chuukese Bible

²³ Iei alon ewe Samol mi Lapalap, “Eman aramas mi tipachem esap aingaing fän an silelap, eman mi pöchökül esap aingaing fän an pöchökül, nge eman mi pisekisek esap aingaing lon an wöü.

Jeremaia 9:23 Iomraidhean Croise

Hiop 32:13

Ousap apasa, ‘Äm aia küna tipachem. Kot echök epwe apälüa Hiop, nge sap aramas.’

Hiop 41:15

Pwal won sökürün a wor telin ililin mi fokun kanefengen o pöchökül usun fau.

Kölfel 33:5

Ewe Samol mi Lapalap a sani pwüng me let, fanüfan a ur ren an tong ellet.

Kölfel 34:3

Oupwe etiei le asilefeili än ewe Samol mi Lapalap manaman, ousipwe mwareitifengeni itan.

Kölfel 44:9

Nge iei ka pöütikeemila o föri pwe aipwe kuf, kosap pwal chüen eti äm mwichen sounfiu le feila ngeni maun.

Kölfel 62:10

Ousap anomu ämi apilükülük won pisek oua angemwäli fän pöchökül, ousap pwal eäni apilükülük pisek oua soläni. Inamwo ika oua pisekisekila, ousap apilükülükü.

Än Salomon Fos 11:4

Än eman aramas wöümong esap alisi lon ewe ränin apwüng, nge pwüng a angasala eman seni mäla.

Än Salomon Fos 21:30

Än aramas tipachem, mirit me kapasen öüröür resap tongeni üpalü ngeni ewe Samol mi Lapalap.

Än Salomon Fos 3:5

Kopwe lükü ewe Samol mi Lapalap ren unusen lelukom, nge kosap lükülükü püsin om sile.

Än Salomon Afalafal 2:19

Nge iö a silei ika ewe eman epwe tipachem ika epwe tiparoch? Inamwo, epwe chök nemeni meinisin mine üa förätä o anganga won fanüfan fän ai weires me ai tipachem. Pwal ei pön chök.

Än Salomon Afalafal 9:11

Iwe, üa pwal küna och lapalap won fanüfan: Eman mi müttir le kitir esap tongeni win fansoun meinisin, nge eman mi pwora esap pwal wiwin chök lon maun. Iwe, eman mi mirit a tongeni osupwang ren anan mongö, nge eman mi tipachem esap pwal pisekisek chök. Iwe, sap meinisin mi silelap repwe tolong lon wis tekia, nge a chök tongeni fis ngeniir lupwen a tori fansoun.

Aisea 10:8

Pun a apasa lon an sikesik, “Ifa usun nei samolun sounfiu, ir resap king meinisin?

Aisea 20:5

Iwe, chokewe mi anomu ar apilükülük won Itiopia o aingaing won Isip repwe lichipüng o apilükingau.

Aisea 47:10

Iwe, ka lükülükü om föföringau o apasa, ‘Esap wor eman a künaei.’ Om tipachem me silelap ra atokokola pwe ka ekieki lon letipom, ‘Ngang chök, esap wor eman lüki.’

Aisea 5:21

Feiengauemi, ämi mi lükü püsin ämi mirit, oua pwal ekieki pwe ämi chon tipachem.

Jeremaia 31:34

Esap wor eman epwe chüen aiti ngeni chon arun ika pwiin an epwe sileei, pun ir meinisin repwe sileei seni ewe mi kis tori ewe mi lap. Iwe, üpwe amusala ar föföringau, nge üsap chüen chechemeni ar tipis. Ngang ewe Samol mi Lapalap üa kapas.”

Jeremaia 48:14

Ämi re Moap, pwota oua apasa pwe ämi sounfiu me mwän mi pwora lon maun?

Jeremaia 48:7

Pokiten oua anomu ämi apilükülük won ämi imwen maun mi pöchökül me won wöümi, ämi oupwe pwal kuf. Iwe, Kemos epwe oola fiti nöün kewe souasor me nöüwis.

Jeremaia 49:4

Pwota oua aingaing won ämi kewe lemol, ämi aramas ousap allükülük? Oua anomu ämi apilükülük won wöümi o apasa, ‘Iö epwe tongeni maun ngenikich?’

Isikiel 29:9

Iwe, ewe fanü Isip epwe wesewesen wiliti eu fanüapö. Mürin oupwe silei pwe ngang ewe Samol mi Lapalap. Iwe, ka apasa, ‘Ai we chanpupu Nil, ngang üa föri.’

Isikiel 7:19

Repwe moneela ar silifer me kolt won ekewe al, usun mettoch mi limengau. Pun ar silifer me kolt resap tongeni amanaueer lon ränin än ewe Samol mi Lapalap song, resap pwal tongeni aura luker o amötüür lon ar echik. Pun ar echeni silifer me kolt iei popun ar tipis.

Taniel 3:15

Iwe, are oupwe rong tikin rappwa, aangün, kitar, keseng, faiolin me sokun pisekin ettik o chapetiu pwe oupwe fel ngeni ai we uluulun aramas mi för seni kolt, meinisin epwe mürina ngenikemi. Nge are ousap fel ngeni, oupwe koturulong lon ewe lenien ekkei mi fokun sarara lon ewe chök otun. Ifa usun, epwe wor eman kot mi tongeni amanauakemi seni lepei?”

Taniel 4:37

Iei mine ngang Nepukatnesar üpwe mwareiti o asamolu ewe Kingen Läng, üpwe pwal alinga i. An föför ra let o pwüng, nge a atekisona chokewe mi eäni lamalamtekia.”

Mika 6:8

En aramas, ewe Samol mi Lapalap a aiti ngonuk mine a mürina. Met a mochen pwe kopwe föri? A mochen pwe kopwe föri mine a pwüng o eäni kirikiröch, kopwe pwal tipetekison fän mesen om we Kot.

Sefanaia 1:18

Sap ar silifer ika ar kolt epwe tongeni angaseer lon ewe ränin än ewe Samol mi Lapalap lingeringer. Unusen fanüfan epwe karala ren ekkeiin an lingeringer, pun epwe müttir le awesi manauen chon fanüfan meinisin.

Markus 10:24

Iwe, ekewe chon kaiö ra mairü ren ekei kapas. Nge Jesus a kapassefäl ngeniir, “Ämi nei kana, a men fokun weires an eman epwe tolong lon Mwün Kot.

Nöün Paulus Toropwe ngeni ekewe Souläng lon Rom 1:22

Ra apasa pwe ra tipachem, nge ra tiparoch.

1. Korint 1:31

Pun iei usun a mak lon ekewe Toropwe mi Pin, “Iö a mochen aingaing epwe aingaing won ach Samol.”

Tuteronomi 8:17

Iei mine oupwe afälikemi pwe ousap ekieki lon lelukemi: Äm pöchökül me äm tufich ra atoto äm pisekisek.

Filipi 3:10

Üa fokun mochen ai üpwe silei Kraist o mefi manamanen an manausefäl, üpwe pwal eti i lon an riaföü, pwe üpwe wewe ngeni i lon an mäla.

Filipi 3:8

Nge sap ikei chök. Ngang üa ekieki pwe mettoch meinisin ra fokun aücheangau fän iten ewe eu mi fokun aüchea seni meinisin, iei ai silei Kraist Jesus ai Samol. Pun fän itan üa pöütala meinisin, üa ekieki pwe meinisin ra usun chök pipi lon lenien koturula, pwe üpwe eäni Kraist

1. Timoty 6:10

Pun mochenian moni iei popun sokopaten ngau meinisin. Ekoch mi ekieki ar repwe pisekisek ra mwalech seni ar lükülük o ra püsin aworato wor chomong riaföü mi fokun aweires.

1. Samuel 17:42

Nge lupwen a nenengeni Tafit, a küna pwe Tafit a chüen eman alüalät, a woparapar o äteöch.