Jeremaia 9:18 - Chuukese Bible

¹⁸ Iwe, ekewe aramas ra üra, “Repwe müttir feito o ngüngüres woch, pwe epwe sürütiu chönün mesach, nge apwölün mesach repwe chöchön ren kechü.”

Jeremaia 9:18 Iomraidhean Croise

Kölfel 119:136

Chönün mesei ra pupu usun chanpupu, pun aramas resap aleasochisi om kewe allük.

Aisea 22:4

Iei mine üa apasa, “Ousap nenengeniei, nge oupwe chök mwüt ngeniei pwe üpwe kekechü. Ousap pwal sotuni le achipaei, pun üa kechüeiti nei aramas kana mi küna feiengau.”

Jeremaia 13:17

Nge are ousap mochen aüseling, üpwe chök kechü lemonomon pokiten ämi lamalamtekia. Üpwe kechüangau, nge chönün mesei repwe suputiu, pun nöün ewe Samol mi Lapalap aramas ra oola.

Jeremaia 14:17

Nge en, Jeremaia, kopwe üreni ekei aramas usun om lolilen o apasa, ‘Amwo chönün mesei epwe suputiu lepwin me lerän, nge esap ükütiu, pun nei aramas ra feiengau ren eu kinas mi alolol, ren eu kawet mi fokun watte.

Jeremaia 3:24

Nge ren äm fel ngeni ewe anü Paal mi ässäw, aia lus won meinisin mine äm kewe lewo ra angang ngeni seni me lom. Aia lus won nöüm pwiin sip me kow, pwal nöüm alüal me föpwül.

Jeremaia 3:25

Aipwe chapala lepwül fän säw, nge itengau epwe pwölükem. Pun aia tipis ngeni ewe Samol mi Lapalap äm we Kot, äm me äm kewe lewo seni lesäräföm tori ikenai. Äm aisap aleasochis ngeni ewe Samol mi Lapalap äm we Kot.”

Jeremaia 4:20

Feiengau a chök afaün, unusen ewe fanü a tala. Imwei kewe imw mangaku ra müttir tatiu, pwölüpwöli ra kamwetiu lon eu chök otun.

Jeremaia 6:26

Ewe Samol mi Lapalap a üreni nöün aramas, “Oupwe üföüf üf seni tuk o asokopelakemi lon falangen ekkei. Oupwe ngüngüres usun eman a ngüngüres won nöün aleman, oupwe fokun kechüangau, pun ewe chon kata epwe müttir wareitikemi.

Jeremaia 7:29

Oupwe fichiela meten möküremi o pöütala. Oupwe ngüngüres me won ungen ekewe chuk, pun ewe Samol mi Lapalap a pöütala o asechala ei täppin aramas mi nom fän an lingeringer.’”

Jeremaia 9:1

Amwo mökürei epwe eu lenien koluk, nge mesei epwe eu puächen chönün mas, pwe lerän me lepwin üpwe tongeni kechüeiti chokewe mi ninnila me lein nei aramas.

Jeremaia 9:10

Nge ngang üa apasa, “Üpwe ngüngüres fän iten ekewe chuk o kechüeiti ekewe lenien fetil me lon ewe fanüapö, pun ra pwasala. Iei mine esap wor eman a pwerela lor, esap pwal wor eman a rongorong wörüwörün kow me ie. Ekewe machang me ekewe manmwacho ra sü seniir.”

Jeremaia 9:20

Iwe, üa üra, “Ämi kana fefin, oupwe rongorong alon ewe Samol mi Lapalap, oupwe aüselinga an kewe kapas. Oupwe aiti ngeni nöümi kewe föpwül usun ar repwe ngüngüres, nge iteiten eman me eman epwe aiti ngeni chon arun echö kölün kechü.

Kölün kechü 1:2

A selingüngü lepwin, chönün mesan ra suputiu won sapan. Esap wor eman me lein chokewe mi tongei me lom a achipa. Chiechian kewe meinisin ra kirikiringau ngeni, ra wiliti chon oputan.

Kölün kechü 2:11

Mesei a tton ren kechü, leuti a fokun weires. Letipeta a sasewu me lon lelukei pokiten feiengauen nei aramas, pwal pokiten än ekewe semirit me mönükol aiengau won alen ewe telinimw.

Kölün kechü 2:13

En Jerusalem, met üpwe tongeni apasa usum? Ren met üpwe tongeni achipok? Esap wor eman a riaföü usum, en liewe Sion. Pun om tatakis a watte usun watten ewe matau. Iö a tongeni apöchökülasefäliik?

Kölün kechü 2:18

En Jerusalem, kopwe leüömong le siö ngeni ewe Samol. Chönün mesom repwe suputiu lerän me lepwin usun chök eu chanpupu. Kosap asösö, kosap ükütiu le kechü.

Kölün kechü 3:48

Chönün mesei a pupu usun pupun eu chanpupu pokiten feiengauen nei aramas.

Amos 5:16

Nge pokiten ämi tipis, Kot ewe Samol mi Unusen Manaman a apasa, “Epwe wor ngüngüres lon ekewe lenien chulap me lon ewe telinimw me puchörün riaföü me lon ekewe al meinisin. Repwe köri ekewe chon angang lon tanipi pwe repwe feila o ngüngüres, fiti chokewe mi angei liwinir le eäni ekewe kölün kechü.

Lukas 19:41

Iwe, Jesus a feila o arap ngeni ewe telinimw Jerusalem. Nge lupwen an küna, a kechüeiti.