Jeremaia 9:16 - Chuukese Bible

¹⁶ Üpwe atoropaseer lein chon ekewe mwü, ir me ar kewe lewo resap sileer me mwan. Üpwe pwal tinala mürir mwichen sounfiu, pwe repwe maun ngeniir tori üpwe aroserela.”

Jeremaia 9:16 Iomraidhean Croise

Nehemia 1:8

Kopwe chechemeni ewe kapas ka eäni ngeni noum chon angang Moses, lupwen ka apasa, ‘Are ämi chon Israel ousap allükülük ngeniei, üpwe atoropasakemi lein chon ekewe mwü.

Kölfel 106:27

epwe atoropasafeili mwirimwirir lein chon ekewe mwü pwe repwe mäla lon ewe fanüen chon ekis.

Än Salomon Afalafal 12:5

Iwe, kopwe niuokus le feitä won chukuchukutä, kopwe pwal niuokus le fetal won al. Mökürom epwe üwan. Iwe, kopwe fokun weires le fetal, nge om mochen meinisin epwe ükütiu. Pun aramas repwe feila ngeni ar lenien asösö lon peiaser, nge chon ngüngüres repwe fetal won al.

Jeremaia 13:24

Iei mine ewe Samol mi Lapalap epwe atoropasok usun asepwäl seni fanüapö a atoropasa pöön wiich.

Jeremaia 24:10

Üpwe tinato rer maun, lengita me mätter tori repwe fokun rosola seni lon ewe fanü üa ngeniir me ar kewe lewo.”

Jeremaia 25:27

Mürin, ewe Samol mi Lapalap a üreniei, “Kopwe kapas ngeni ekewe aramas pwe iei alon ewe Samol mi Unusen Manaman, ewe Koten Israel, ‘Oupwe ün tori oupwe pulas o mus. Oupwe turula, nge ousap chüen ütäsefäl pokiten ewe maun üpwe tinala remi.’

Jeremaia 29:17

‘Iei alon ewe Samol mi Unusen Manaman: Üpwe awarato maun wor, pwal lengita me mätter, üpwe pwal föri pwe repwe usun chök ekewe föün fiik mi fokun ngau pwe esap wor eman a tongeni ocheer.

Jeremaia 44:27

Üa mamasa pwe üpwe atoto womi feiengau, nge sap feiöch. Ämi aramasen Juta meinisin mi nom lon ei fanü Isip oupwe rosola lon maun pwal ren lengita tori esap chüen wor eman lusun.

Jeremaia 7:29

Oupwe fichiela meten möküremi o pöütala. Oupwe ngüngüres me won ungen ekewe chuk, pun ewe Samol mi Lapalap a pöütala o asechala ei täppin aramas mi nom fän an lingeringer.’”

Jeremaia 8:19

Oupwe rongorong siön nei aramas mi nonom lon eu fanü toau. Ra apasa, “Ifa usun, ewe Samol mi Lapalap esap nom lon Sion? Ifa usun, ewe kingen Sion esap chüen nom lon?” Iwe, ewe Samol mi Lapalap a pälüeni, “Pwota chök oua asongaei ren ämi fel ngeni ämi kewe uluulun anümwäl me ämi kewe koten ekis?”

Isikiel 11:17

Iei mine kopwe üreniir, ‘Iei alon Kot ewe Samol mi Lapalap: Üpwe aliwinikemiito seni ekewe mwü o achufengenikemi seni ekewe fanü ia oua toropasfeil ie, üpwe pwal ngenisefälikemi ewe fanü Israel.’

Isikiel 12:15

Iwe, lupwen üpwe tinirela lein chon ekewe mwü o atoropasafeiliir won ekewe fanü, mürin repwe silei pwe ngang ewe Samol mi Lapalap.

Isikiel 14:17

Are üpwe awarato maun won ewe fanü o tinala efoch ketilas lemenen ewe fanü, pwe üpwe arosala aramas me man,

Isikiel 20:23

Iwe, lon ewe fanüapö üa pwal pwon fän akapel ngeniir, pwe üpwe atoropaseer lein chon ekewe mwü won fanüfan,

Isikiel 27:2

“Nge en, nöün aramas, kopwe chietä echö kölün kechü usun Tirus.

Isikiel 5:12

Iwe, eu leülüngat me leimi repwe mäla ren mätter me lengita me lon telinimwemi, eu leülüngat repwe mäla ren ketilas lükün telinimwemi, nge eu leülüngat üpwe atoropasafeiliir ekis meinisin o tapweriir fän nei ketilas.

Isikiel 5:2

Wesin om pwomwen maun ngeni ewe telinimw kopwe keni eu kinikinin meten mökürom lukalapen liosuom we telinimw. Aruuen kinikin kopwe pökü ngeni noum ketilas ünükün ewe telinimw, nge aülüngatin kinikin kopwe atoropasafeili, pwe asepwäl epwe ässala. Iwe, üpwe tapweriir fän nei ketilas.

Lifitikos 26:33

Iwe, üpwe awarato maun womi o atoropasafeilikemi lein ekewe mwü. Fanüemi epwe tala, nge ämi kewe telinimw repwe tatakis.

Amos 5:16

Nge pokiten ämi tipis, Kot ewe Samol mi Unusen Manaman a apasa, “Epwe wor ngüngüres lon ekewe lenien chulap me lon ewe telinimw me puchörün riaföü me lon ekewe al meinisin. Repwe köri ekewe chon angang lon tanipi pwe repwe feila o ngüngüres, fiti chokewe mi angei liwinir le eäni ekewe kölün kechü.

Mika 2:4

Lon ena fansoun aramas repwe eäni affa pworausen ämi feiengau o eäni echö kölün riaföü usun mine a fis ngenikemi. Repwe apasa: Aia wesewesen feiengau. Kot a angei senikem fanüem kewe o ngeni chokewe mi liapenikem.”

Sekaraia 7:14

Iwe, üa atoropaserela lein chon ekewe mwün lükün meinisin, usun eu mölümöl a atoropasa mettoch, nge ewe fanü ra likitala a pönüla, pwe esap wor eman a tongeni nonom lon. Iei usun ewe fanü mi mürina a pönüla.”

Tuteronomi 28:25

Iwe, ewe Samol mi Lapalap epwe föri pwe oupwe kuf ren chon oputemi. Oupwe feila won efoch al pwe oupwe maun ngeniir, nge oupwe sü me mwer won fufoch al. Chon ekewe mwü meinisin won fanüfan repwe fokun niuokus, lupwen repwe küna mine a fis ngenikemi.

Tuteronomi 28:36

Iwe, ewe Samol mi Lapalap epwe emwenikemiila me ämi king oua seikätä womi ngeni eu mwü, ämi me ämi kewe lewo ousap silei me mwan. Ikenan oupwe angang ngeni pwal ekoch kot mi för seni mwüch me fau.

Tuteronomi 28:64

Mürin, ewe Samol mi Lapalap epwe atoropasafeilikemi lein chon ekewe mwü meinisin seni esopun fanüfan tori esopun. Ikenan oupwe angang ngeni pwal ekoch kot mi för seni mwüch me fau, ämi me ämi kewe lewo ousap sileer me mwan.

Tuteronomi 32:26

Pwüngün ai ekiek pwe üpwe aroserela, pwe esap wor eman epwe chüen chechemeniir.

Tuteronomi 4:27

Iwe, ewe Samol mi Lapalap epwe atoropasafeilikemi lein chon ekewe mwü, nge ekoch echök me leimi repwe manau lon ekewe fanü ia ewe Samol mi Lapalap epwe asükemiila ie.

James 1:1

Ngang James, eman nöün Kot me ach Samol Jesus Kraist chon angang, üa kapong ngeni ekewe engol me ruu ainang mi toropasfeil won unusen fanüfan.