Jeremaia 9:15 - Chuukese Bible

¹⁵ Iei mine oupwe aüselinga met ngang ewe Samol mi Unusen Manaman ewe Koten Israel üa apasa: Üpwe amongöü ngeni nei aramas mongö mi maras o aünü ngeniir koluk mi poison.

Jeremaia 9:15 Iomraidhean Croise

Kölfel 60:3

Ka ariaföüü noum aramas ren riaföü mi chou, ka aünü ngenikem wain pwe äm aia taroporopfetal ren.

Kölfel 69:21

Ra uwalong poison lon enei mongö, nge lupwen üa kaka, ra aünüei finikar.

Kölfel 75:8

Ewe Samol mi Lapalap a amwöchü eu kap lepöün, a ur ren wain mi pwichikar, iei än Kot song. A ninätiu, nge ekewe aramasangau meinisin won fanüfan ra ünümi. Ra ünümala meinisin tori amüchülan sosoon.

Kölfel 80:5

Ka amongöü ngenikem riaföü pwe enem mongö, ka pwal aünü ngenikem chönün mesem fän aükük watte.

Aisea 2:17

Lon ena rän chon tipetekia repwe küna tekison, än aramas lamalamtekia epwe kisikisitiu, nge ewe Samol mi Lapalap chök epwe tekia.

Aisea 2:22

Oupwe ükütiu le apilükülükü aramas, pun a chök mochomoch fansoun manauer. Met aüchear?

Jeremaia 23:15

Iei mine ngang ewe Samol mi Unusen Manaman üa apasa fänäsengesin ekewe soufosun Jerusalem: Üpwe amongö ngeniir mongö mi maras o aünü ngeniir koluk mi poison, pun ra achöfetalei ar föförün tipis lemenen unusen ewe fanü.”

Jeremaia 24:10

Üpwe tinato rer maun, lengita me mätter tori repwe fokun rosola seni lon ewe fanü üa ngeniir me ar kewe lewo.”

Jeremaia 25:15

Iei usun mine ewe Samol mi Lapalap ewe Koten Israel a üreniei, “Kopwe angei seni lepei ei kap mi ur ren wainin lingeringer. Kopwe aünü ngeni chon ekewe mwü meinisin üa tinukela rer.

Jeremaia 44:27

Üa mamasa pwe üpwe atoto womi feiengau, nge sap feiöch. Ämi aramasen Juta meinisin mi nom lon ei fanü Isip oupwe rosola lon maun pwal ren lengita tori esap chüen wor eman lusun.

Jeremaia 49:37

Üpwe föri pwe chon Elam repwe niueiti chon oputer, chokewe mi mochen nirela. Üpwe afeiengaua ekewe chon Elam lon ai song mi fokun watte o tinala mwichen sounfiu mürir tori üpwe aroserela.

Jeremaia 8:14

Nge ekewe aramas ra apasa, “Pwota sa chök momot? Ousipwe chufengen o sülong lon ekewe telinimw mi pöchökül tittir, pwe sipwe mäla ikenan. Pun ewe Samol mi Lapalap ach Kot a anümamauakich pwe sipwe mäla. A ngenikich koluk mi poison pwe sipwe ün, pun sia tipis ngeni ewe Samol mi Lapalap.

Kölün kechü 3:15

A auraei ren riaföü watte o aünü ngeniei koluk mi maras.

Kölün kechü 3:19

Üa chechemeni ai riaföü me ai siamü, iei och mi maras o kipwin ngeniei.

Isikiel 5:12

Iwe, eu leülüngat me leimi repwe mäla ren mätter me lengita me lon telinimwemi, eu leülüngat repwe mäla ren ketilas lükün telinimwemi, nge eu leülüngat üpwe atoropasafeiliir ekis meinisin o tapweriir fän nei ketilas.

Isikiel 5:2

Wesin om pwomwen maun ngeni ewe telinimw kopwe keni eu kinikinin meten mökürom lukalapen liosuom we telinimw. Aruuen kinikin kopwe pökü ngeni noum ketilas ünükün ewe telinimw, nge aülüngatin kinikin kopwe atoropasafeili, pwe asepwäl epwe ässala. Iwe, üpwe tapweriir fän nei ketilas.

Tuteronomi 28:36

Iwe, ewe Samol mi Lapalap epwe emwenikemiila me ämi king oua seikätä womi ngeni eu mwü, ämi me ämi kewe lewo ousap silei me mwan. Ikenan oupwe angang ngeni pwal ekoch kot mi för seni mwüch me fau.

Tuteronomi 29:18

Oupwe afälikemi pwe esap wor me leimi eman mwän ika fefin, eu famili ika eu ainang ikenai epwe tokola seni ewe Samol mi Lapalap ach we Kot, pwe epwe feila o fel ngeni koten ekewe mwü. Pun ika eman epwe föri iei usun, epwe usun chök waaren efoch irä pwennan a märitä o uani ua mi poison me maras,

Pwärätä 8:11

Iten ewe fü “Maras”. Iwe, eu leülüngatin ekewe koluk ra maras, nge chomong aramas ra mäla ren ar ün ewe koluk, pun a maras.