Jeremaia 9:12 - Chuukese Bible

¹² Iwe, üa ais, “Ai Samol mi Lapalap, pwota ewe fanü a tala o pönüla usun eu fanüapö, pwe esap wor eman a pwerela lon? Iö a tipachem pwe epwe tongeni weweiti ei? Nge iö ka awewe ngeni, pwe epwe tongeni awewe ngeni aramas?”

Jeremaia 9:12 Iomraidhean Croise

Kölfel 107:34

A awili eu fanü mi pwülüöch ngeni eu fanüapö mi uren salt, pun chon ewe fanü ra föföringau.

Kölfel 107:43

Iön mi tipachem epwe iseis ekei mettoch lon lelukan o ekieki usun än ewe Samol mi Lapalap tong ellet.

Aisea 42:23

Iö leimi epwe aüseling ngeni ekei kapas, nge iö epwe aüselingafichi lon kan fansoun repwe feito?

Jeremaia 23:10

Ewe fanü a ur ren chon lisowu. Ekewe soufos ra chök föri föför mi ngau o aeangauei ar manaman. Pokiten ewe anümamau ewe fanü a sangang, nge än ekewe man lenien mongö fetil ra pwasala.

Jeremaia 23:16

Iei alon ewe Samol mi Unusen Manaman ngeni ekewe aramasen Jerusalem, “Ousap aüselinga än ekewe soufos kapas, ir ätekewe mi osuni ngenikemi pwe oupwe apilükülük mwäl. Ra fos usun künaer seni püsin ar ekiek, nge sap fän aloi.

Jeremaia 23:22

Nge are repwe nom lon ai mwichen pwüngüpwüng, mürin repwe tongeni asilefeili ai kewe kapas ngeni nei kewe aramas, repwe pwal tongeni akuluur seni ar kewe lapalap mi ngau, pwal seni ar kewe föför mi ngau.

Jeremaia 23:28

Eman soufos mi eäni eu tan epwe apworausa ewe tan, nge ätewe mi rongorong ai kapas epwe pwärätä ai kapas fän allükülük. Met wewefengenin fetilipwas me wiich?

Jeremaia 9:20

Iwe, üa üra, “Ämi kana fefin, oupwe rongorong alon ewe Samol mi Lapalap, oupwe aüselinga an kewe kapas. Oupwe aiti ngeni nöümi kewe föpwül usun ar repwe ngüngüres, nge iteiten eman me eman epwe aiti ngeni chon arun echö kölün kechü.

Isikiel 14:23

Iwe, oupwe chipela, lupwen oupwe küna manauer me ar föföringau, pun oupwe mefi pwe ekewe feiengau meinisin üa föri ngeni Jerusalem mi wor popun,” iei alon Kot ewe Samol mi Lapalap.

Osea 14:9

Iö mi tipachem epwe weweiti mine a mak ikei, iö mi mirit epwe ekieki usun lon lelukan. Pun än ewe Samol mi Lapalap kewe al ra wenechar, ekewe chon pwüng ra fetal wor, nge ekewe chon tipis ra chepetek wor o turula.

Osea 4:10

Repwe mongö, nge resap möt. Repwe föri angangen lisowu, nge resap chomongola, pokiten ra likitieila ngang ewe Samol mi Lapalap, pwe repwe fangala inisir ngeni angangen lisowu.

Sowel 1:11

Oupwe rükö, ämi chon tu pwül, oupwe pwal kechü, ämi chon tanipini irän wain. Oupwe kechüeiti ekewe irän wiich me parli, pun esap chüen wor resin fanüemi.

Sefanaia 3:6

Iei alon ewe Samol mi Lapalap, “Ngang üa ärala chon ekewe mwü. Ar kewe imw tekia o pöchökül ra tala. Üa föri pwe ekewe al ra pön, pwe esap wor eman a fetal wor, pwal ar kewe telinimw ra tala, pwe esap wor eman aramas a nonom lor.

Mateus 24:15

“Iwe, ämi oupwe küna ewe ‘Mettoch mi Eniweniw’, ewe soufos Taniel a kapas usun. Epwe nom lon ewe leni mi pin. (Ewe chon aleani epwe weweiti met wewen ei.)

Tuteronomi 32:29

Are epwe wor ar tipachem, repwe wewe ren o ekieki usun sopolar.

Pwärätä 1:3

A feiöch eman mi aleani ei puk, ra pwal feiöch chokewe mi rongorong ngeni ekei kapasen pwärätä o aleasochis ngeni mine a mak lon. Pun ewe fansoun a arap än ekei mettoch meinisin repwe fisitä.