Jeremaia 9:11 - Chuukese Bible

¹¹ Ewe Samol mi Lapalap a apasa, “Üpwe föri pwe Jerusalem epwe eu ioien mettoch mi tala, eu leni ia ekewe kolak mi mwacho ra nom ie. Üpwe pwal ataela ekewe telinimwen Juta pwe resap chüen so.”

Jeremaia 9:11 Iomraidhean Croise

Nehemia 4:2

o apasa me fän mesen chiechian kewe me ekewe sounfiun Samaria, “Met ekei chon Juta mi fokun apwangapwang ra föri? Ifa usun, repwe tongeni aüsefälietä ei telinimw? Ifa usun, ra ekieki pwe repwe tongeni föri ar asor o awesi ei angang lon eu chök rän? Ifa usun, repwe tongeni aeasefäl ekewe fau mi karala seni ewe ioien pipi?”

Kölfel 107:43

Iön mi tipachem epwe iseis ekei mettoch lon lelukan o ekieki usun än ewe Samol mi Lapalap tong ellet.

Kölfel 44:19

Nge en ka atatakisikem me lon lenien ekewe kolak mi mwacho o pwölükeemila ren rochokichin mäla.

Kölfel 79:1

Ai Kot, chon ekewe mwü ra tolong lon fanüom. Ra apiningaua pinin imwom we mi pin o atatakisi Jerusalem.

Aisea 13:22

Iwe, kolak mi mwacho repwe wörüwör me won ekewe imw tekia, nge wolif repwe nonom lon ekewe imwen king. Iwe, a arapoto än Papilon fansoun, nge ränin an feiengau esap mang le waroto.”

Aisea 25:2

Ka föri pwe ewe telinimw a wiliti eu ioien mettoch mi tatakis, ewe telinimw mi pöchökül tittin a tala. Ekewe imwen kingen chon ekis ra tala, esap wor eman epwe aüsefäliretä.

Aisea 34:13

Iwe, iräfölüföl repwe mämäritä won ekewe imwen king, pwal pötöwölingau lon ekewe imwen maun. Iwe, ewe fanü epwe wiliti eu lenien foks me fukuro.

Aisea 44:26

Nge lupwen nei chon angang a osuni och, lupwen üa tinala nei chon künö pwe epwe pwärätä mine üa akota, üpwe pwal fokun apwönüetä mine üa eäni kapas. Üa apasa usun Jerusalem pwe epwe sosefäl, pwal usun ekewe telinimwen Juta pwe repwe kaüsefäl, nge mine a ta me wor üpwe aüsefälietä.

Jeremaia 1:15

Pun üpwe körato chon ekewe mwün efeng meinisin pwe repwe feito. Ar kewe king repwe anomu ar lenien motun king lon ekewe asamalapen Jerusalem me pwelin ünükün tittin pwal ünükün ekewe telinimwen Juta meinisin.

Jeremaia 10:22

Oupwe aüseling pwe eu pworaus a war. A wor eu akürangen maun mi watte a feito seni ewe mwü mi nom efeng. An kewe sounfiu repwe ataela ekewe telinimwen Juta, pwe repwe wiliti eu leni ia ekewe kolak mi mwacho repwe nom ie.

Jeremaia 16:10

Iwe, lupwen kopwe üreni ekei aramas ekei kapas meinisin, repwe aisinuk, ‘Pwota ewe Samol mi Lapalap a apwüngala ei sokun feiengau mi watte ngenikem? Met äm föföringau? Met sokun tipis aia föri ngeni ewe Samol mi Lapalap äm we Kot?’,

Jeremaia 25:11

Unusen ei fanü epwe tala o pönüla, nge chon ekei mwü repwe angang ngeni ewe kingen Papilon lon ükükün fik ier.

Jeremaia 25:18

Üa aünü ngeni Jerusalem me ekewe telinimwen Juta, ngeni ar kewe king me nöür kewe nöüwis, pwe ekewe leni repwe wiliti eu leni mi ta o pöön, aramas repwe rükö rer, repwe turunufaseer o eäniir kapasen ottek, usun a chüen fis tori ei fansoun.

Jeremaia 26:18

“Mika seni Moroset a osuni lon fansoun Hiskia ewe kingen Juta o üreni ekewe aramasen Juta meinisin, ‘Iei alon ewe Samol mi Unusen Manaman: Sion epwe tutä usun eu mälämäl. Jerusalem epwe wiliti eu ioien pipi, nge ewe chuk ia ewe imwenfel a nom ie epwe wiliti eu wöllap.’

Jeremaia 26:9

Pwota ka osuni fän iten ewe Samol mi Lapalap o üra pwe ei imwenfel epwe wewe ngeni ewe lon Silo, nge ei telinimw epwe tala pwe esap so?” Iwe, ekewe aramas meinisin ra pweliela Jeremaia me lon imwen ewe Samol mi Lapalap.

Jeremaia 34:22

Üpwe allük ngeniir pwe repwe liwiniti ei telinimw, repwe maun ngeni, repwe liapeni o kenala. Üpwe föri pwe ekewe telinimwen Juta repwe pönüla, nge resap chüen so. Ngang ewe Samol mi Lapalap üa kapas.”

Jeremaia 4:27

Pun iei alon ewe Samol mi Lapalap, “Unusen ewe fanü epwe pönüla, nge üsap ataela unusan.

Jeremaia 44:2

Iei alon ewe Samol mi Unusen Manaman, ewe Koten Israel, “Ämi oua küna ekewe feiengau meinisin üa atoto won Jerusalem, pwal won ekewe telinimwen Juta meinisin. Nengeni, tori ikenai ra eu leni mi pönüla esap wor eman a asoor,

Jeremaia 49:33

Hasor epwe wiliti eu leni ia kolak mi mwacho ra nom ie, epwe pönüla tori feilfeilachök. Esap wor eman epwe imweimw ie, esap pwal wor eman epwe fetal lon. Ngang ewe Samol mi Lapalap üa kapas.”

Jeremaia 50:3

Pun chon eu mwü ra feito seni efeng pwe repwe maun ngeni Papilon. Repwe ataala ewe fanü pwe esap wor eman epwe nonom lon. Aramas me man repwe sü seni ewe fanü.”

Jeremaia 51:37

Papilon epwe wiliti eu ioien mettoch mi tala, eu leni ia kolak mi mwacho ra nom ie. Epwe och minen eniweniw me och minen turunufas, eu leni esap so.

Jeremaia 8:22

Ifa usun, esap wor och säfei lon Kiliat? Ifa usun, esap wor eman sousäfei ikenan? Pwota nei aramas resap chikarsefäl?

Kölün kechü 1:4

Ekewe al mi ale ngeni Sion ra pönüla, pun esap chüen wor eman mi fetal wor ngeni ekewe chulap mi kefil. Ekewe asamalapen Sion meinisin ra pöla. Nöün kewe souasor ra ngüngü, nöün kewe föpwül ra nom lon riaföü, nge ewe telinimw a fokun weires lon an riaföü.

Kölün kechü 2:2

Ewe Samol a ataela imwen ekewe mwirimwirin Jakop meinisin, nge esap eäni tong. A ataetiu ekewe imwen maun mi pöchökül me lon Juta lon an lingeringer. A awarato itengau won ewe mwü me nöün kewe sounemenem.

Kölün kechü 3:47

Kata me tatakis a torikem, aia nom lon feiengau me niuokus watte.

Lifitikos 26:32

Ewer, üpwe fokun ataela fanüemi, pwe chon oputakemi mi lefanüla lon repwe mairü ren.

Mika 1:6

Iei mine ewe Samol mi Lapalap a apasa, “Üpwe föri pwe Samaria epwe wiliti eu ioien pipi me lon eu maasies, pwal eu lenien fot irän wain. Üpwe asonätiu föün ewe telinimw lon ewe lemol o pwärawu longolongun.

Mika 3:12

Iei mine Sion epwe wiliti eu leni mi tu usun eu mälämäl pokitemi, Jerusalem epwe wiliti eu ioien mettoch mi tala, nge ewe chuk ia ewe imwenfel a nom ie epwe wiliti eu wöllap.

Mika 6:16

Ei epwe fis, pokiten oua apirü än Omri me chon leimwen Ahap föför mi ngau. Oua pwal sopwela le eäni örünier kewe. Iei mine üpwe ataala fanüemi, nge ekewe aramasen lon repwe och minen turunufas. Oupwe mwärelong fän itengau me ren chon ekewe mwü.”

Tuteronomi 29:23

Unusen ewe fanü epwe fokun tala o pönüla ren pirimston me salt, pwe esap wor eman a tongeni fotuki ika ämärätä och won, esap pwal pwük fetil won. Ewe fanü epwe usun chök Sotom me Komora, Atma me Sepoim, lupwen ewe Samol mi Lapalap a ataarala lon an song me lingeringer.

Pwärätä 18:2

A kökkö ren mwelian mi leüömong, “A tala, a tala Papilon mi lapalap. Iei a wiliti eu lenien anün rochopwak me ngün mi limengau. Sokopaten machang mi limengau me anioput ra nonom lon.