Jeremaia 9:10 - Chuukese Bible

¹⁰ Nge ngang üa apasa, “Üpwe ngüngüres fän iten ekewe chuk o kechüeiti ekewe lenien fetil me lon ewe fanüapö, pun ra pwasala. Iei mine esap wor eman a pwerela lor, esap pwal wor eman a rongorong wörüwörün kow me ie. Ekewe machang me ekewe manmwacho ra sü seniir.”

Jeremaia 9:10 Iomraidhean Croise

Aisea 41:15

Nengeni, üpwe föri senuk eu pisekin wichiwich umwun wiich, epwe minefö o ken, epwe pwal wor fölün. Kopwe wichi ekewe chukutekia o atatakisiir, kopwe pwal awili ekewe chukutekison ngeni pön wiich.

Aisea 49:19

Iwe, fanüom we mi tala o pön iei esap chüen naf ngeni ekewe aramas repwe choni. Nge chokewe mi atai fanüom repwe toau senuk.

Jeremaia 12:10

Chomong chon mas ra atai ai tanipin wain, ra purätiu fanüei. Ra föri pwe fanüei mi mürina a wiliti eu fanüapö.

Jeremaia 12:11

Ra awili ngeni eu fanüapö, a pöön o pwasapwas me fän mesei. Unusen ewe fanü a pö, nge esap wor eman a ekieki usun.

Jeremaia 12:4

Ifa ükükün fansoun än ewe fanü epwe pwasapwas, nge fetilin lon iteiten mälämäl epwe pwasala? Ekewe man me mansüsü ra ärela pokiten ekewe aramas mi nom lon ewe fanü ra föföringau, ir ekewe aramas mi apasa, “Kot esap küna mine sa föri.”

Jeremaia 14:6

Ekewe aas mi mwacho ra ütä won ungen ekewe chuk, ra mwiengas usun ekewe kolak mi mwacho. Meser a ton, pun esap wor ener fetil.

Jeremaia 2:15

Ra leüömong le wörüwör ngeni usun laion ra wörüwör. Ra ataela fanüan, an kewe telinimw ra tatakis, nge resap chüen so.

Jeremaia 2:6

Resap ekiekiei, nge ngang üa fen amanaueer seni ewe fanü Isip o emwenirela lon ewe fanüapö. Ei fanüapö eu fanü mi pön o pwokurokur, eu fanü esap püngütiu üt won, a chök wor feiengau lon, eu fanü esap wor eman a nom ie, esap pwal wor eman a mochen pwerela won.

Jeremaia 23:10

Ewe fanü a ur ren chon lisowu. Ekewe soufos ra chök föri föför mi ngau o aeangauei ar manaman. Pokiten ewe anümamau ewe fanü a sangang, nge än ekewe man lenien mongö fetil ra pwasala.

Jeremaia 50:3

Pun chon eu mwü ra feito seni efeng pwe repwe maun ngeni Papilon. Repwe ataala ewe fanü pwe esap wor eman epwe nonom lon. Aramas me man repwe sü seni ewe fanü.”

Jeremaia 7:29

Oupwe fichiela meten möküremi o pöütala. Oupwe ngüngüres me won ungen ekewe chuk, pun ewe Samol mi Lapalap a pöütala o asechala ei täppin aramas mi nom fän an lingeringer.’”

Jeremaia 8:18

Ai letipeta esap tongeni wes, pun a kon watte, lelukei a tatakis.

Kölün kechü 1:16

Üa kechü pokiten ekei mettoch, chönün mesei a fokun watte supun. Esap wor eman a nom pwe epwe achipaei, esap wor eman a apöchöküla lelukei. Nei kewe ra fokun riaföü, pun ewe chon oputaei a akufuei.

Kölün kechü 2:11

Mesei a tton ren kechü, leuti a fokun weires. Letipeta a sasewu me lon lelukei pokiten feiengauen nei aramas, pwal pokiten än ekewe semirit me mönükol aiengau won alen ewe telinimw.

Kölün kechü 5:18

pun ewe chuk Sion a tala, ekewe foks ra töfetal won.

Isikiel 14:15

“Are üpwe awora manmwacho pwe repwe nom won ewe fanü o niela chon, pwe ewe fanü epwe wiliti eu fanü mi pön ia esap wor eman aramas a tongeni fetal ie pokiten ekewe man,

Isikiel 27:2

“Nge en, nöün aramas, kopwe chietä echö kölün kechü usun Tirus.

Isikiel 29:11

Esap wor eman aramas ika man epwe fetal won, esap pwal so lon ükükün faik ier.

Isikiel 33:28

Üpwe awili ei fanü ngeni wesewesen fanüapö. Iwe, ar pöchökül ra aingaing won epwe wesila, nge ekewe chukun Israel repwe sön, pwe esap wor eman epwe tongeni fetal wor.

Isikiel 6:6

Ekis meinisin ia oua nom ie telinimwemi me ämi kewe lenien fel won ekewe leni tekia repwe tala, pwe ämi kewe rongen asor me ämi kewe uluulun anümwäl repwe mökküla o tatakisitiu, ämi rongen asoren ötüöt repwe sönüla, nge föriemi angang repwe mola.

Osea 4:3

Iei mine ewe fanü a pwasapwas, nge meinisin mi nonom won ra mäla fiti ekewe mönün lemäl me ekewe machang. Pwal ekewe ikenen leset ra mäla.

Sowel 1:13

Oupwe üföüf üf seni tuk o kechü, ämi souasor mi angang ngeni ewe rongen asor. Oupwe feito o ngüngüres lon üfemi seni tuk lon unusen pwin, ämi nöün ai we Kot chon angang. Pun asoren mongö me asoren ün esap chüen fis lon imwenfelin ämi we Kot.

Sowel 1:19

Ai Samol mi Lapalap, üa siö ngonuk, pun ekewe lenien fetil me ekewe irän lemäl meinisin ra pwasala, ra usun chök nge ekkei a kenirela.

Amos 5:1

Ämi chon Israel, oupwe rongorong kapasen ei kölün kechü üpwe eäni fän äsengesimi,

Amos 5:16

Nge pokiten ämi tipis, Kot ewe Samol mi Unusen Manaman a apasa, “Epwe wor ngüngüres lon ekewe lenien chulap me lon ewe telinimw me puchörün riaföü me lon ekewe al meinisin. Repwe köri ekewe chon angang lon tanipi pwe repwe feila o ngüngüres, fiti chokewe mi angei liwinir le eäni ekewe kölün kechü.

Mika 2:4

Lon ena fansoun aramas repwe eäni affa pworausen ämi feiengau o eäni echö kölün riaföü usun mine a fis ngenikemi. Repwe apasa: Aia wesewesen feiengau. Kot a angei senikem fanüem kewe o ngeni chokewe mi liapenikem.”

Mika 3:12

Iei mine Sion epwe wiliti eu leni mi tu usun eu mälämäl pokitemi, Jerusalem epwe wiliti eu ioien mettoch mi tala, nge ewe chuk ia ewe imwenfel a nom ie epwe wiliti eu wöllap.