Jeremaia 8:6 - Chuukese Bible

⁶ Ngang üa afäli ämi kewe kapas o aüselingeer, nge ousap eäni kapas wenechar. Esap wor eman aramas a ekieksefäl seni an föföringau o apasa, ‘Pwota üa föri ei sokun föför mi mwäl?’ Iteiten eman me eman a chök fetal won püsin alan, usun eman oris mi purefochofocholong lon maun.

Jeremaia 8:6 Iomraidhean Croise

Hiop 10:2

Üpwe üreni Kot: Kosap atipisiei. Kopwe asile ngeniei popun om apwüngüei.

Hiop 34:31

A mürina än eman aramas epwe pwäri ngeni Kot, ‘Üa tipis, üsap chüen föri och mi mwäl.

Hiop 34:32

Kopwe aiti ngeniei mine üsap küna. Are üa föföringau, üsap chüen förisefäli.’

Kölfel 14:2

Ewe Samol mi Lapalap a nenetiu seni läng won aramas meinisin, pwe epwe küna ika a wor eman mi mirit, ika eman mi kütta Kot.

Aisea 30:18

Nge ewe Samol mi Lapalap a witiwiti chök an epwe kirikiröch ngenikemi, a pwal molotä pwe epwe ümöümöch ngenikemi. Pun ewe Samol mi Lapalap eman Kot mi unusen pwüng. Feiöchün chokewe meinisin ra anomu ar apilükülük won.

Aisea 57:17

Iwe, üa song ngeni nei aramas pokiten ar tipisin mochenia, iei mine üa apwüngüür o amona mesei seniir. Nge ir ra chök sopwela le föri letiper.

Aisea 59:16

A küna pwe esap wor eman mi alisi chokewe mi riaföü, a pwal weitifengeni pwe esap wor eman mi peniir. Iei mine a püsin aea an manaman pwe epwe angaseer, nge püsin an pwüng a atufichi.

Jeremaia 23:25

Üa rongorong mine ekewe soufos mi osuni mine a chofana fän itei ra apasa, ir mi üra pwe üa fos ngeniir lon ar tan.

Jeremaia 3:5

Ifa usun, kopwe song fochofoch ngeniei? Ifa usun, kopwe lingeringeritiei tori feilfeilachök?’ Iei usun om kapas, nge ka chök föri ekewe föför mi ngau meinisin ka tongeni föri.”

Jeremaia 5:1

Oupwe akaliwin won ekewe alen Jerusalem, oupwe nenefetal o katol. Oupwe ouwasacha ekewe lenien amwicheich, are oupwe tongeni küna eman chök aramas mi föri mine a pwüng o kütta mine a wenechar, pwe ewe Samol mi Lapalap epwe amusala än chon ei telinimw tipis.

Isikiel 18:28

Are a mefi an pupungau o ükütiu le föri tipis, epwe fokun manau, nge esap mäla.

Isikiel 22:30

Iwe, üa kütta ika epwe wor eman aramas leir mi tongeni senätä ewe tit o ütä ngeni pwangan me fän mesei fän iten ewe fanü, pwe üsap ataela. Nge üsap fokun küna eman.

Taniel 9:11

Chon Israel meinisin ra puri om allük o kul senuk, pun resap aleasochisi alom. Äm aia tipis ngonuk, iei mine ka atoto wom ekewe anümamau mi fis fän akapel, ekewe mi mak lon ewe puken allük än Moses noum we chon angang.

Mika 7:2

Esap chüen wor eman aramas mi pwüng lon ewe fanü, esap pwal chüen wor eman mi wenechar me lein ekewe aramas. Meinisin ra op pwe repwe ni aramas, ra en me chei pwin pwe repwe likatupur.

Sefanaia 3:7

Üa apasa, ‘Amwo itä nei aramas repwe meninitiei, repwe etiwa ai kapasen emirit, pwe imwer esap tala, esap pwal toriir ewe apwüng üa amolätä fän iter.’ Nge ir ra chök achocho le alapala ar föför mi ngau.”

Akai 1:5

Iei mine oupwe ekieki usun mine a fis ngenikemi.

Akai 1:7

Iei alon ewe Samol mi Unusen Manaman, “Oupwe ekieki usun mine a fis ngenikemi.

Malakai 3:16

Mürin, chokewe mi niuokusiti ewe Samol mi Lapalap ra kapasfengen lefiler, nge ewe Samol mi Lapalap a afäliir o aüselinga ar kapas. A wor eu puken achechem me fän mesan, a makelong iten chokewe mi niuokusiti i, ewe Samol mi Lapalap, o chechemeni itan.

2. Petrus 3:9

Ewe Samol esap mang le apwönüetä an pwon usun ekoch ra ekieki, pwe a mosonotam ngenikemi, pun esap mochen pwe eman epwe pöütmwälila, nge a fen mochen pwe meinisin repwe ekieksefäl.

Pwärätä 9:20

Iwe, ekewe lusun aramas resap mäla ren ekei feiengau resap aier seni mine ra föri ren pöür. Resap ükütiu le fel ngeni ekewe anün rochopwak me ekewe uluulun anümwäl mi för seni kolt, silifer, piras, fau me mwüch, ir ekewe uluulun anümwäl resap tongeni küna ika rongorong ika fetal.