Jeremaia 8:4 - Chuukese Bible

⁴ Ewe Samol mi Lapalap a akünöüei pwe üpwe üreni nöün aramas, “Ifa usun, lupwen aramas ra turula, resap pwal ütäsefäl? Ifa usun, are eman a tok seni ewe al, esap pwal liwinsefäl?

Jeremaia 8:4 Iomraidhean Croise

1. King 8:38

kopwe aüseling ar iotek. Iwe, are eman chök aramas ika noum aramasen Israel meinisin ra tüngor o aitiela pöür ngeni ei imwenfel, ese lifilifil met sokun iotek ika tüngor ra eäni, pun iteiten eman me eman a silei riaföün püsin lelukan,

Än Salomon Fos 24:16

Pun inamwo ika eman chon pwüng a turula fän fisu, a chök pwätäsefäl. Nge feiengau epwe tori ekewe aramasangau.

Aisea 44:22

Üa amorala om tokotokongau usun eu kuchu, pwal om tipis kana usun och ötüöt. Kopwe liwinitiei, pun ngang üa angasok.”

Aisea 55:7

Chon föföringau repwe likitala ar föför, nge chon pwüngingau kana repwe siwili ar ekiek. Repwe liwiniti ewe Samol mi Lapalap pwe epwe tongeäsiniir. Repwe kuliti ach Kot, pun a müttir le amusala tipis.

Jeremaia 23:14

Nge üa küna ekewe soufosun Jerusalem, pwe ra fen ngau seniir. Ra föri föförün lisowu o eäni kapas chofana. Ra alisätä ekewe aramas lon ar föföringau, iei mine esap wor eman a kul seni an föför mi ngau. Ir meinisin ra ngau ngeniei usun chök ekewe aramasen Sotom me Komora.

Jeremaia 3:1

Iei alon ewe Samol mi Lapalap, “Are eman mwän a pöütala pwülüan, nge neminewe a feila o pwüpwülü ngeni pwal eman, ifa usun, ätewe epwe tongeni pwülüenisefäli neminewe? Ifa usun, ewe fanü esap fokun limengau ren? Nge en, Israel, a wor chomong noum kamwet. Ifa usun, kopwe chüen tongeni liwinitiei?

Jeremaia 3:22

Oupwe liwinto, ämi meinisin mi kul seni ewe Samol mi Lapalap, i epwe awesi ämi kirikiringau. Nge ämi oupwe apasa, “Ewer, äm aipwe liwinto ren ewe Samol mi Lapalap, pun i äm we Kot.

Jeremaia 36:3

Eli ika chon Juta repwe rongorong usun ekewe feiengau meinisin üa ekiekin föri ngeniir, repwe kul seni ar föför mi ngau. Mürin, ngang üpwe amusala ar föföringau me tipis.”

Jeremaia 4:1

Iei alon ewe Samol mi Lapalap, “Are oupwe liwinto, ämi chon Israel, oupwe fokun liwinitiei. Are oupwe atoauala ekewe uluulun anümwäl mi anioput me fän mesei, nge ousap chüen tokola,

Isikiel 18:23

Iwe, Kot ewe Samol mi Lapalap a ais, “Ifa usun, üpwe pwapwaiti än ewe aramasangau mäla? Ifa usun, üsap tipeni an epwe ükütiu seni an kewe föför mi ngau pwe epwe manau?

Osea 14:1

Ämi chon Israel, oupwe liwiniti ewe Samol mi Lapalap ämi we Kot. Oua chepetek o turula pokiten ämi kewe tipis.

Osea 6:1

Iwe, ekewe aramas ra apasa, “Ou etto, ousipwe liwiniti ewe Samol mi Lapalap. I a atatakisikich, epwe pwal apöchökülakich. I a akinasakich, epwe pwal filiti kinasach.

Osea 7:10

Än chon Israel lamalamtekia a püsin sape ngeniir. Iei mwo pwe a fis ngeniir ekei mettoch, nge resap liwinitiei ika küttaei ngang ewe Samol mi Lapalap ar we Kot.

Amos 5:2

“Ewe föpwül Israel a turula, nge esap fokun chüen üsefälitä. A katurula won püsin fanüan, nge esap wor eman a aütäi.”

Mika 7:8

Ämi chon oputaei, ousap meseik woi. Inamwo ika üa turula, üpwe pwal üsefälitä. Inamwo ika üa nom lon rochopwak, ewe Samol mi Lapalap epwe ai saram.