Jeremaia 8:3 - Chuukese Bible

³ Nge chokewe meinisin mi chüen manau me lein chon ei mwü mi ngau repwe efich mäla lap seni manau me lon ekewe leni ia üa asürela ie. Ngang ewe Samol mi Unusen Manaman üa kapas.”

Jeremaia 8:3 Iomraidhean Croise

1. King 19:4

Lupwen Elias a feila lon ewe fanüpö ükükün toauen sain eu rän, a tori efoch irä, a mottiu fan o älälei an epwe mäla. Iwe, a iotek, “Ai Samol mi Lapalap, a kon naf ngeniei ai weires, kopwe angei seniei manauei, pun ngang üsap mürina seni ai kewe lewo.”

Jeremaia 23:3

Nge üpwe achufengeni chokewe mi chüen manau me lein nei aramas seni ekewe fanü meinisin ia üa asürela ie. Üpwe emwenisefälireto ngeni lenier, repwe nöünöütiu o chomongola.

Jeremaia 23:8

nge repwe eäni ei akapel, ‘Mwo manauen ewe Samol mi Lapalap mi emwenawu ekewe mwirimwirin Israel seni ewe fanü efeng me ekewe fanü meinisin ia a asürela ie.’ Mürin repwe nom lon poputän fanüer.”

Jeremaia 29:14

Ewer, üa apasa pwe oupwe künaei, nge ngang üpwe aliwinisefälikemi ngeni fanüemi. Üpwe achufengenikemi seni ekewe mwü me ekewe leni meinisin ia üa atoropasakemiila ie o aliwinisefälikemi seni ewe leni ia üa tinikemiila ie pwe oupwe oola. Ngang ewe Samol mi Lapalap üa kapas.’

Jeremaia 29:28

Pun a tinala toropwe rem lon Papilon o üra: Ämi chon oola, ämi oupwe nonomotam lon Papilon. Iei mine oupwe aüetä imwemi o nonom lor. Oupwe pwal fotuki ämi tanipi o mongö uar.’”

Jeremaia 40:12

Mürin, ekewe chon Juta meinisin ra liwin seni ekewe leni meinisin ia ra toropas ie, o feila lon ewe fanü Juta ren Ketalia lon Mispa. Iwe, ra ionifengeni chomong, chomong föün irän wain me föün irän leres.

Jeremaia 44:2

Iei alon ewe Samol mi Unusen Manaman, ewe Koten Israel, “Ämi oua küna ekewe feiengau meinisin üa atoto won Jerusalem, pwal won ekewe telinimwen Juta meinisin. Nengeni, tori ikenai ra eu leni mi pönüla esap wor eman a asoor,

Jeremaia 44:6

Iei mine üa asasawu ai lingeringer me ai song won ekewe telinimwen Juta me ekewe alen Jerusalem o kenirela, pwe ra tatakis o pönüla usun a fis tori ikenai.”

Jeremaia 6:9

Iei alon ewe Samol mi Unusen Manaman ngeniei, “Kopwe elimelimala ekewe lusun mi chüen nom me lon Israel, usun eman a kiniela ekewe lusun föün irän wain, kopwe küttasefäli uän palan, usun eman mi kini föün irän wain.”

Taniel 9:7

En chök äm Samol ka unusen pwüng, nge äm aia chök atoto wom säw usun a pwä ikenai, äm me chon Juta, chon Jerusalem me chon Israel meinisin mi nom toau me arap, ia ka atoropasafeilikem ie pokiten tipisin äm likitukela.

Lifitikos 26:33

Iwe, üpwe awarato maun womi o atoropasafeilikemi lein ekewe mwü. Fanüemi epwe tala, nge ämi kewe telinimw repwe tatakis.

Amos 3:1

Ämi chon Israel, oupwe rongorong ekei kapas ewe Samol mi Lapalap a apasa usumi, ämi chon ewe mwü meinisin i a emwenawu seni ewe fanü Isip.

Sona 4:3

Iei mine, ai Samol mi Lapalap, üa fokun tüngor ngonuk pwe kopwe angei seniei manauei, pun üa efich ai üpwe mäla mwen ai üpwe manau.”

Mika 2:3

Iei mine ewe Samol mi Lapalap a apasa, “Üa ekiekietä pwe üpwe afeiengauakemi, nge ousap tongeni püsin amanauakemi. Ousap chüen tongeni fetal fan lamalamtekia, pun epwe torikemi eu fansoun feiengau.

Tuteronomi 30:1

“Iei üa mwüt ngenikemi pwe oupwe filätä lefilen feiöch me anümamau. Are ekei anümamau meinisin repwe fis ngenikemi, lupwen oua nom lein chon ekewe mwü ia ewe Samol mi Lapalap a asükemiila ie, ämi oupwe chechemeni pwe iei püsin filiemi.

Tuteronomi 30:4

Inamwo ika oua toropasfeil tori lesopun fanüfan, ewe Samol mi Lapalap ämi we Kot epwe achusefälikemi o angeikemi seni ikenan.

Pwärätä 6:16

Ra kökkö ngeni ekewe chuk me ekewe achau, “Oupwe turutiu wom o aopakem seni mesen ewe eman mi mot won ewe lenien motun king, pwal seni än ewe Lam song.

Pwärätä 9:6

Lon fansoun ekei limu maram aramas repwe äneänei ar repwe mäla, nge resap tongeni mäla. Repwe mochen mäla, nge mäla epwe sü seniir.