Jeremaia 8:22 - Chuukese Bible

²² Ifa usun, esap wor och säfei lon Kiliat? Ifa usun, esap wor eman sousäfei ikenan? Pwota nei aramas resap chikarsefäl?

Jeremaia 8:22 Iomraidhean Croise

Keneses 37:25

Mürin, ra mottiu pwe repwe mongö. Nge lupwen ra chimwetä, ra küna eu mwichen chon Ismael me nöür kewe kamel ra feito me Kiliat. Iwe, ekewe kamel ra uwou sokun apach mi pwokus me säfei mi aüchea itan mör, pwe repwe uwala Isip.

Keneses 43:11

Mürin, semer we a üreniir, “Are a ina usun, oupwe angei ekoch seni ekewe uän irä mi mürina seni lon ei fanü o uwalong lon ämi kewe tuk, pwe oupwe eäni lifang ngeni ewe mwän. Oupwe uwala ekis lö mi pwokus, ekis chönün chunen, irä mi mwiik, säfei mi aüchea itan mör, pwal ekoch föün irä iter pistachio me almont.

Jeremaia 14:19

Äm Samol mi Lapalap, ifa usun, ka wesewesen likitala Juta? Ifa usun, ka oput ekewe aramasen Sion? Pwota ka awatakem pwe aisap chüen tongeni pöchökülsefäl? Äm aia ösüküsükü kinamwe, nge esor och mi mürina a torikem. Aia ösüküsükü eu fansoun aipwe pöchökülsefäl, nge a chök fis niuokus watte.

Jeremaia 22:6

Pun iei alon ewe Samol mi Lapalap fänäsengesin imwen ewe kingen Juta, ‘En ka mürina usun ewe fanü Kiliat me rei, ika usun ungen ewe chuk Lepanon, nge üpwe fokun föri pwe kopwe wiliti eu fanüapö, ika eu telinimw esap so.

Jeremaia 46:11

Ämi aramasen Isip, oupwe feila Kiliat o angei säfei. Esap wor lomoten ämi oupwe eäni chomong säfei, pun ousap pöchökül ren.

Jeremaia 51:8

Lon eu chök otun Papilon a turutiu o tala. Oupwe kechüeiti, oupwe küt säfeen an metek, eli epwe tongeni pöchökülsefäl.

Jeremaia 6:7

Usun eu chönüttu a awora koluk mi fö, iei usun ewe telinimw a awora föföringau mi fö iteiten rän. Üa rongorong usun angangen mwäneson me kata a fis lon, üa chök küna chon samau me chon kinas.

Jeremaia 9:1

Amwo mökürei epwe eu lenien koluk, nge mesei epwe eu puächen chönün mas, pwe lerän me lepwin üpwe tongeni kechüeiti chokewe mi ninnila me lein nei aramas.

Jeremaia 9:11

Ewe Samol mi Lapalap a apasa, “Üpwe föri pwe Jerusalem epwe eu ioien mettoch mi tala, eu leni ia ekewe kolak mi mwacho ra nom ie. Üpwe pwal ataela ekewe telinimwen Juta pwe resap chüen so.”

Kölün kechü 2:13

En Jerusalem, met üpwe tongeni apasa usum? Ren met üpwe tongeni achipok? Esap wor eman a riaföü usum, en liewe Sion. Pun om tatakis a watte usun watten ewe matau. Iö a tongeni apöchökülasefäliik?

Isikiel 27:17

Chon Juta me chon Israel ra amömö ngonuk. Ra akasiwili om pisek ngeni wiich, föün olif me föün fiik, chönün chunen, apüra me sokun lö mi pwokus.

Numperis 32:1

Iwe, chon ekewe ainangen Rupen me Kat a wor chomong nöür pwiin kow. Iwe, ra küna pwe won ewe fanü Jaser pwal won ewe fanü Kiliat ra mürina le foleni kow.

Lukas 8:43

Iwe, a wor eman fefin a nom leir, a fokun riaföü ren an samaun fefin lon ükükün engol me ruu ier. Neminei a fangala meinisin mine a wor ren ngeni ekewe sousafei, nge esap wor eman a tongeni apöchöküla.