Biblia Todo Logo
Bìoball air-loidhne

- Sanasan -




Jeremaia 8:19 - Chuukese Bible

19 Oupwe rongorong siön nei aramas mi nonom lon eu fanü toau. Ra apasa, “Ifa usun, ewe Samol mi Lapalap esap nom lon Sion? Ifa usun, ewe kingen Sion esap chüen nom lon?” Iwe, ewe Samol mi Lapalap a pälüeni, “Pwota chök oua asongaei ren ämi fel ngeni ämi kewe uluulun anümwäl me ämi kewe koten ekis?”

Faic an caibideil Dèan lethbhreac




Jeremaia 8:19
35 Iomraidhean Croise  

Oupwe mwareiti ewe Samol mi Lapalap seni lon Sion, i ewe mi imweimw lon Jerusalem. Ousipwe mwareiti ewe Samol mi Lapalap.


Iwe, ünükün ekewe chanpupun Papilon aia mottiu o kechü, lupwen aia chechemeni Sion.


Ewe Samol mi Lapalap epwe nemenem tori feilfeilachök. Chon Sion, ämi we Kot epwe nemenem won ekewe täppin aramas meinisin. Ousipwe mwareiti ewe Samol mi Lapalap.


Chon Israel repwe pwapwa ren ewe chon föriir. Ekewe aramasen Sion repwe mwänek ren ar king.


Ka oput chokewe mi fel ngeni anümwäl mi lomotongau, nge ngang üa anomu ai apilükülük womw.


Ämi eu täppin aramas mi tipis, oua fokun föföringau, nau mi lükümach chök. Oua pöütala ewe Samol mi Lapalap, oua turunufasei Ewe mi Pin lon Israel o kul seni.


Oupwe akapwas o köl fän pwapwa, ämi chon Sion, pun Ewe mi Pin lon Israel a tekia me lefilemi.”


Ra feito seni fanü toau, pwal seni apilen. Ewer, ewe Samol mi Lapalap a feito fän an song pwe epwe ataala unusen ewe fanü.


Iwe, ewe Samol mi Lapalap ach souapwüng, ewe Samol mi Lapalap ach sounemenem, ewe Samol mi Lapalap ach king, i epwe amanauakich.


Mürin, ewe soufos Aisea a feito ren ewe king Hiskia o aisini, “Met ekewe mwän ra apasa? Ia ra feito me ie?” Nge Hiskia a pälüeni, “Ra feito seni Papilon ewe fanü mi toau.”


Kopwe pwätä, kopwe pwätä, Jerusalem, kopwe angei pöchökül pwe kopwe pöchökülsefäl. Kopwe pwilitalong womw ufom mi ling, en Jerusalem ewe telinimw mi pin. Iwe, chokewe resap sirkomsais pwal chokewe mi limengau resap chüen tolong lomw.


Ra lomotongau o uretakir. Repwe tala, lupwen Kot epwe apwüngüür.


Äm Samol mi Lapalap, ifa usun, ka wesewesen likitala Juta? Ifa usun, ka oput ekewe aramasen Sion? Pwota ka awatakem pwe aisap chüen tongeni pöchökülsefäl? Äm aia ösüküsükü kinamwe, nge esor och mi mürina a torikem. Aia ösüküsükü eu fansoun aipwe pöchökülsefäl, nge a chök fis niuokus watte.


Pwota ka usun chök eman aramas mi rükö, ika usun chök eman sounfiu esap wor an tufichin amanaua aramas. Nge en äm Samol mi Lapalap ka nom rem, itom a föü wom. Kosap likitikeemila.’”


Iei alon ewe Samol mi Lapalap, “Met mwäli ämi kewe lewo ra küna, pwe ra feila toau seniei? Ra fel ngeni ekewe uluulun anümwäl mi lomotongau o wiliti aramas mi lomotongau.


Pun mine ra osuni ngenikemi a chofana, epwe aselipato ämi oupwe toau seni fanüemi. Ngang üpwe asükemiila pwe oupwe rosola.


Pun epwe war eu fansoun, lupwen ekewe chon mas repwe kökkö me won chukuchukutän ewe fanü Efraim, ‘Oupwe etto, ousipwe feila ngeni Sion ren ewe Samol mi Lapalap ach we Kot.’”


Pun ekewe chon Israel me chon Juta resap föri och, nge ra chök föri mine a ngau me fän mesei o asongaei ren angangen pöür, seni ewe fansoun a popuetä mwür.


Ifa usun, ngang ewe ra ariaföüü? Apwi, püsin ir, ra pwal püsin atoto säw wor.


Mürin ekewe aramas ra siö, “Fansoun pwichikar a wes, ewe fansoun kinikin a la, nge esap wor eman a amanauakem.”


Üpwe atoropaseer lein chon ekewe mwü, ir me ar kewe lewo resap sileer me mwan. Üpwe pwal tinala mürir mwichen sounfiu, pwe repwe maun ngeniir tori üpwe aroserela.”


Iwe, langatamen unusen tittin ewe telinimw ükükün engol ngeröü walik iach. Nge seni ei otun ewe telinimw epwe iteni: Ewe Samol mi Lapalap a nom ikenan.”


Iwe, epwe fis pwe iö epwe köri iten ewe Samol mi Lapalap epwe manau. Pun won ewe chuk Sion pwal lon Jerusalem repwe nom chokewe mi sü seni feiengau, usun ewe Samol mi Lapalap a apasa. Nge me lein ekewe mi chüen manau epwe wor chokewe ewe Samol mi Lapalap a afiliir.”


“Nge chokewe mi chüen manau me lein chon Israel repwe nom won ewe chuk Sion. Iwe, ewe chuk epwe eu leni mi pin, nge ekewe mwirimwirin Jakop repwe fanüeni püsin fanüer.


Pwota ka leüömong le puchör? Ifa usun, esap wor eman king a nom reöm? Ifa usun, ra mäla noum kewe chon öüröür, iei popun cheuch a cheruk usun cheuchen fam a cheri eman fefin?


Ewe Samol mi Lapalap a aükätiu ämi kewe apwüng o asüela chon oputemi. Ewe Samol mi Lapalap ewe Kingen Israel a nom remi, pwe ousap chüen niuokusiti och feiengau.


“Ngang üpwe aü pei o fiu ngeniir, nge chokewe mi angang ngeniir me lom repwe angei pisekir fän pöchökül.” Lupwen epwe fis ei, oupwe silei pwe ewe Samol mi Unusen Manaman a tiniei.


“Pwota oua föri ei sokun lapalap? Äm aramas chök usun chök ämi! Äm aia nom ikei, pwe aipwe aronga ngenikemi ewe Pworausen Manau, pwe oupwe kul seni ämi fel ngeni ekei kot mi lomotongau o fel ngeni ewe Kot mi manau, ewe mi föri läng me fanüfan me matau me meinisin mine a nom lor.


Lupwen epwe fis ei, üpwe fokun song ngeniir. Üpwe likitirela o amona mesei seniir pwe repwe rosola. Iwe, chomong feiengau me riaföü repwe toriir, pwe repwe ais lon ewe ränin, ‘Ifa usun, ekei feiengau ra torikich pokiten ach Kot esap nom lefilach?’


“Kopwe makkei ngeni ewe chon künöön ewe mwichefel lon Efisos: Iei alon ewe eman mi amwöchü ekewe füföü fü lon pöüifichin, ewe mi fetal lein ekewe fisu lenien atittin seni kolt.


Lean sinn:

Sanasan


Sanasan