Jeremaia 8:16 - Chuukese Bible

¹⁶ Ekewe chon oputakich ra fen feito ren ewe telinimw Tan. Sia rongorong tikin nöür oris. Unusen ewe fanü a chech ren tikin nöür kewe oris mi pöchökül. Ekewe chon oputakich ra feito pwe repwe ataela fanüach me masouan meinisin, repwe pwal ataela ach kewe telinimw o niela meinisin mi imweimw lor.”

Jeremaia 8:16 Iomraidhean Croise

Hiop 39:20

Ifa usun, en ka amwetemweta pwe a mwetemwet usun lifichimas o aniuokusu aramas ren torotoran?

Kölfel 24:1

Fanüfan me masouan meinisin än ewe Samol mi Lapalap, pwal meinisin mi nonom won ir nöün.

Jeremaia 10:25

Nge kopwe atoto om song won chon ekewe mwü resap sileek, pwal won ekewe aramas resap köri itom. Pun ra niela noum aramas, ra wesewesen nirela o ataela fanüer.

Jeremaia 3:24

Nge ren äm fel ngeni ewe anü Paal mi ässäw, aia lus won meinisin mine äm kewe lewo ra angang ngeni seni me lom. Aia lus won nöüm pwiin sip me kow, pwal nöüm alüal me föpwül.

Jeremaia 30:16

Nge iei chokewe meinisin mi arosakemiila repwe pwal rosola, ekewe chon ü ngenikemi meinisin repwe oola, chokewe mi ariaföüükemi repwe riaföü, nge chokewe mi angei pisekimi fän pöchökül, aramas repwe pwal angei pisekir fän pöchökül.

Jeremaia 30:5

“Üa rongorong eu puchörün rükö me niuokus, nge sap mweireiren kinamwe.

Jeremaia 4:24

Üa nengeni ekewe chuk o küna pwe ra chechech, ekewe chukutekison meinisin ra mwarorofeil.

Jeremaia 4:7

Usun eman laion a towu seni pwangan, iei usun ewe chon atai mwü a feiliwu. A likitala lenian pwe epwe ataela fanüemi, ämi kewe telinimw repwe tatakisitiu, pwe resap chüen so.

Jeremaia 47:3

Ekewe semelap resap nenesökür pwe repwe alisi nöür, pöür ra chök ititiu, lupwen ra rongorong chopuchopun pechen ekewe oris, akürangen ekewe wokenin maun me üngüngün willer kewe.

Jeremaia 5:17

Repwe enala enemi mongö pwal mine oua kini, o niela nöümi mwän me fefin. Repwe ochei nöümi pwiin sip me kow, pwal uän ämi irän wain me fik. Repwe pwal ataala ämi kewe telinimw mi pöchökül tittir oua eäniir apilükülük.”

Jeremaia 50:42

Ra uwou esefich me siles, ra fokun ariaföüü aramas, nge resap sile tong. Ngüngür a usun chök ngüngün lematau, lupwen ra sä won nöür kewe oris. Ra wewe ngeni sounfiu mi tettel pwe repwe maun ngeni Papilon.

Jeremaia 51:29

Iwe, fanüfan a chechech o mwaroro, pokiten a fisitä mine ewe Samol mi Lapalap a akota fän iten Papilon. Epwe ataala ewe fanü Papilon pwe esap chüen so.

Jeremaia 6:23

Ra amwöchü nöür esefich me wokur siles, ra ariaföüü aramas nge resap eäni tong. Ngüngün ar feito a usun ngüngün noon lematau. Ra wawa oris o tettel pwe repwe mauneek en, Jerusalem.”

Nahum 3:2

Oupwe rongorong chöröüngüün ewe selin wichiwich, ngüngün willen ekewe woken, chopuchopun pechen ekewe oris me akürangen ekewe wokenin maun.

Apakuk 3:10

Ekewe chuk ra künok o chechech, üt a püngümongetiu seni läng. Ewe matau mi alolol a pwotä, nge nonoon kewe ra püngümong.

1. Korint 10:26

Pun iei usun a mak lon ekewe Toropwe mi Pin, “Fanüfan me masouan meinisin än ewe Samol.”

1. Korint 10:28

Nge are eman a ürenikemi, “Ei mongö aramas ra fen asor ngeni uluulun anümwäl,” mürin ousap mongö, pokiten ätewe mi asile ngenikemi, pwal pokiten mengiringirin leluken eman.

Soukapwüng 18:29

Iwe, ra aita ngeni ewe telinimw Tan, iten mwirimwirin ar we lewo nöün Israel we. Nge iten ewe telinimw me mwan Lais.

Soukapwüng 20:1

Mürin, ekewe aramasen Israel meinisin ra feito seni ewe telinimw Tan mi nom efeng me Persepa mi nom ör, pwal seni ewe fanü Kiliat mi nom ötiu. Ra chufengen fän tipeeu fän mesen ewe Samol mi Lapalap me lon Mispa.

Soukapwüng 5:22

Mürin, chopuchopun pechen ekewe oris ra chopumong ren ar sässä, pokiten chon wawa ra süsüla.