Jeremaia 8:14 - Chuukese Bible

¹⁴ Nge ekewe aramas ra apasa, “Pwota sa chök momot? Ousipwe chufengen o sülong lon ekewe telinimw mi pöchökül tittir, pwe sipwe mäla ikenan. Pun ewe Samol mi Lapalap ach Kot a anümamauakich pwe sipwe mäla. A ngenikich koluk mi poison pwe sipwe ün, pun sia tipis ngeni ewe Samol mi Lapalap.

Jeremaia 8:14 Iomraidhean Croise

2. Samuel 20:6

Iwe, ewe king a üreni Apisai, “Iei Sepa nöün Pikri we mwän epwe afeiengauakich lap seni Apsalom. Kopwe angei nei sounfiu o tapweri, pwe esap tolong lon ekewe telinimw mi wor tittir o sü senikich.”

Kölfel 39:2

Üa mosonoson o fanafanala, üsap mwo nge apasa och mi mürina. Nge ai riaföü a chök wattela.

Kölfel 69:21

Ra uwalong poison lon enei mongö, nge lupwen üa kaka, ra aünüei finikar.

Aisea 47:5

Ewe Samol mi Lapalap a apasa, “Kopwe mottiu o fanafanala, kopwe pwal feila lon rochopwak, en telinimw Papilon. Pun kosap chüen iteni samol fefin seni ekewe mwü.

Jeremaia 14:20

Äm Samol mi Lapalap, äm aia tipis ngonuk. Aia pwärätä äm föföringau me än äm kewe lewo föföringau.

Jeremaia 14:7

Nei aramas ra siö ngeniei o apasa, ‘Äm Samol mi Lapalap, kopwe alisikem usun ka pwon ngenikem, inamwo ika äm föföringau ra atipisikem. Ellet, äm aia tokola fän chomong o tipis ngonuk.

Jeremaia 23:15

Iei mine ngang ewe Samol mi Unusen Manaman üa apasa fänäsengesin ekewe soufosun Jerusalem: Üpwe amongö ngeniir mongö mi maras o aünü ngeniir koluk mi poison, pun ra achöfetalei ar föförün tipis lemenen unusen ewe fanü.”

Jeremaia 3:25

Aipwe chapala lepwül fän säw, nge itengau epwe pwölükem. Pun aia tipis ngeni ewe Samol mi Lapalap äm we Kot, äm me äm kewe lewo seni lesäräföm tori ikenai. Äm aisap aleasochis ngeni ewe Samol mi Lapalap äm we Kot.”

Jeremaia 35:11

Nge lupwen Nepukatnesar ewe kingen Papilon a feito pwe epwe maun ngeni ewe fanü, äm aia tipeeufengen pwe aipwe feila Jerusalem, pun aia niuokusiti ekewe sounfiun Papilon me ekewe sounfiun Siria. Iei popun äm aia nom lon Jerusalem.”

Jeremaia 9:14

Nge ra ülöförea o chei mochenin leluker, ra fel ngeni ekewe anü Paal usun ar kewe lewo ra aiti ngeniir.

Jeremaia 9:15

Iei mine oupwe aüselinga met ngang ewe Samol mi Unusen Manaman ewe Koten Israel üa apasa: Üpwe amongöü ngeni nei aramas mongö mi maras o aünü ngeniir koluk mi poison.

Kölün kechü 3:19

Üa chechemeni ai riaföü me ai siamü, iei och mi maras o kipwin ngeniei.

Lifitikos 10:3

Mürin, Moses a üreni Aaron, “Iei usun wewen mine ewe Samol mi Lapalap a apasa: Üpwe pwärätä pwe ngang üa pin me lein chokewe ra kan ngeniei, nge üpwe pwal alinga ai ling fän mesen aramas meinisin.” Iwe, Aaron a chök fanafanala.

Amos 6:10

Mürin, märärin ewe aramas mi mäla, ätewe mi wisen föri angangen peias, epwe uwawu ewe somä seni lon ewe imw. Iwe, epwe kökkölong ren ewe mi chüen manau lon ewe imw, “Ifa usun, mi chüen wor eman a nom reöm?” Nge ätewe epwe pälüeni, “Apwi.” Mürin epwe üralong ren, “Kopwe fanafanala. Pun sisap fokun föüni iten ewe Samol mi Lapalap.”

Apakuk 2:20

Ewe Samol mi Lapalap a nom lon imwan mi pin, nge chon fanüfan meinisin repwe mosonosonola me fän mesan.

Sekaraia 2:13

Oupwe mosonosonola fän mesen ewe Samol mi Lapalap, ämi aramas meinisin, pun i a feito seni lenian mi pin.

Mateus 27:34

Ikenan ra aünü ngeni Jesus wain mi nofitfengen me och mettoch mi maras. Nge mürin an neni, esap mochen ünümi.

Tuteronomi 29:18

Oupwe afälikemi pwe esap wor me leimi eman mwän ika fefin, eu famili ika eu ainang ikenai epwe tokola seni ewe Samol mi Lapalap ach we Kot, pwe epwe feila o fel ngeni koten ekewe mwü. Pun ika eman epwe föri iei usun, epwe usun chök waaren efoch irä pwennan a märitä o uani ua mi poison me maras,

Tuteronomi 32:32

Iwe, ar irän wain a feito seni ekewe irän wain lon Sotom, pwal seni ekewe tanipi lon Komora. Ar kewe föün irän wain ra poison, umwur ra maras.