Jeremaia 8:10 - Chuukese Bible

¹⁰ Iei mine üpwe fangala pwülüer ngeni chon ekis, pwal fanüer ngeni chokewe mi liapeniir. Pun seni ekewe mi kis tori ekewe mi lap, ir meinisin ra kütta ar win fän pwüngingau, pwal seni ekewe soufos tori ekewe souasor, ir meinisin ra atupu aramas.

Jeremaia 8:10 Iomraidhean Croise

Hiop 31:10

mürin pwülüei epwe üsüs föün wiich fän iten pwal eman mwän usun eman amanau, pwal ekoch mwän repwe annut ren.

Aisea 28:7

Iwe, pwal ekewe souasor me soufos ra kukuul ren wain, ra mwaroro ren sakau. Ra ünümong wain me sakau pwe ra mwaroro o umwesila. Iwe, ekewe soufos ra mwäl lon künaer, ekewe souasor ra pwal mwäl lon ar apwüng.

Aisea 57:17

Iwe, üa song ngeni nei aramas pokiten ar tipisin mochenia, iei mine üa apwüngüür o amona mesei seniir. Nge ir ra chök sopwela le föri letiper.

Jeremaia 14:14

Iwe, ewe Samol mi Lapalap a üreniei, “Ekewe soufos ra eäni itei lon ar osuni mine a chofana. Üsap akünöör, üsap allük ngeniir, üsap pwal kapas ngeniir. Ra kapas ngenikemi usun künaer mi chofana, ar pwee a lomotongau, pun ra püsin ekiekietä.

Jeremaia 14:18

Are üa feila ren ekewe mälämäl, üa küna chokewe mi mäla lon maun. Nge are üa tolong lon ewe telinimw, üa küna ekewe mi arap ngeni mäla ren lengita. Ekewe soufos me souasor ra feila lon eu fanü resap silei.’”

Jeremaia 17:11

Usun ewe machang itan patrik a aloppa sokul, nge esap püsin sokulun, iei usun ätewe mi pisekisekila fän pwüngingau. Lukalapen fansoun manauan wöün epwe pöüt seni, nge lesopolan manauan epwe eman mi umwes.

Jeremaia 22:17

Nge en ka chök ekieki usun om kütta win fän rikirik. Ka niela chokewe esap wor ar tipis o föri angangen ariaföü me mwänewüs ngeni noum aramas. Ewe Samol mi Lapalap a kapas.

Jeremaia 32:32

pokiten ekewe föföringau meinisin chon Israel me chon Juta ra föri pwe repwe asongaei, ir me ar kewe king, nöür kewe nöüwis, nöür kewe souasor me soufos, ekewe re Juta me ekewe chon Jerusalem.

Jeremaia 38:22

Üa küna pwe ra emwenawu ekewe fefin meinisin mi chüen nom lon imwen ewe kingen Juta ren nöün ewe kingen Papilon kewe nöüwis. Ekewe fefin repwe apasa ngonuk, ‘Chiechiom kewe ka lüküür ra atupuk, en king, ra pwal pworaituk. Iei pecheöm ra kokotiu lon pwakak, nge ir ra kul senuk.’

Jeremaia 42:1

Mürin ekewe meilapen ewe mwichen sounfiu meinisin me Johanan nöün Karea we, pwal Asaria nöün Hosaia we mwän me ekewe aramas meinisin seni ekewe mi kis tori ekewe mi lap ra feito

Jeremaia 5:31

Än ekewe soufos osuni a chofana, nge ekewe souasor ra nemenem fän püsin ar mochen. Nei aramas ra sani an epwe iei usun. Nge met repwe föri lon ewe fansoun sopolan?”

Kölün kechü 4:13

Ei a fis pokiten än nöün Jerusalem kewe soufos tipis, pwal pokiten än nöün kewe souasor föföringau. Ir chokewe mi niela ekewe chon pwüng.

Isikiel 33:31

Iwe, nei aramas repwe mwicheto reöm o mot me mwom pwe repwe aüselinga om kapas, nge resap aleasochis ngeni. Pun awer a pwärätä ar echeniei, nge letiper a chök mocheniaiti moni fän pwüngingau.

Amos 5:11

Oua ariaföüü ekewe chon wöüngau o eriani seniir ar kewe wiich. Iei mine, inamwo ika oua aüetä imw seni fau mi fal, nge ousap nonom lor. Inamwo ika oua fotuki tanipin wain mi fokun mürina, nge ousap ün wain seni.

Mika 2:4

Lon ena fansoun aramas repwe eäni affa pworausen ämi feiengau o eäni echö kölün riaföü usun mine a fis ngenikemi. Repwe apasa: Aia wesewesen feiengau. Kot a angei senikem fanüem kewe o ngeni chokewe mi liapenikem.”

Mika 3:11

Ekewe souemwenin Jerusalem ra angei lifangen amichimich, lupwen ra eäni kapwüng, ekewe souasor ra awewei än Kot kewe allük fän iten ar repwe angei liwin, nge ekewe soufos ra föri pwee fän iten ar repwe angei moni. Nge ra pwal anomu ar apilükülük won ewe Samol mi Lapalap o üra, “Ewe Samol mi Lapalap a nom lefilach. Esor feiengau epwe torikich.”

Mika 3:5

Iei alon ewe Samol mi Lapalap fänäsengesin ekewe soufos mi atoka nöün kewe aramas o eäni kökö ngeni chokewe mi amongöniir pwe epwe wor kinamwe, nge ra eäni eniweniw maun ngeni chokewe resap amongöniir,

Apakuk 1:6

Ngang üpwe äpwächa ekewe chon Papilon, ewe mwü mi rochongau o mwökütükai. Ra feila lemenen unusen fanüfan o liapeni lenien aramas sap lenier.

Sefanaia 1:13

Aramas repwe soläni ar kewe pisek, nge imwer kewe repwe tala. Inamwo ika ra aüetä imwer, resap fokun nonom lor. Inamwo ika ra fotuki tanipin wain, resap fokun ün wain seniir.”

Titus 1:11

Kopwe fokun aükätiu ar kapas, pun ra afitikokoi ekoch chon ekewe famili ren ar afalafala mine esap pwüng. Ra föri ei fän iten eu popun mi asäw, pun ra mochen angei moni.

Titus 1:7

Pokiten eman soumas epwe tümwünü än Kot angang, i epwe eman mi unusöch lon manauan, esap eman mi lamalamtekia are songokai, are eman mi ünüpuch, are rochongau are tipemong won moni.