Jeremaia 8:1 - Chuukese Bible

¹ Lon ena fansoun chün ekewe king me nöüwisen Juta, chün ekewe souasor me soufos, pwal chün ekewe chon Jerusalem repwe katowu seni ekewe peias.

Jeremaia 8:1 Iomraidhean Croise

1. King 13:2

Ewe soufos a kökkö ngeni ewe rongen asor fän alon ewe Samol mi Lapalap o apasa, “Rongen asor, rongen asor, iei alon ewe Samol mi Lapalap: Eman ät epwe uputiu me lon ewe familien Tafit itan Josia. Ätewe epwe eäni asor womw ekewe souasor seni ekewe lenien fel won ekewe leni mi tekia, ir ätekewe ra föri ar asor womw. Nge chün aramas repwe kek womw.”

2. King 23:16

Mürin, Josia a nenefeil, nge lupwen a küna ekoch peias mi nom won ewe chuk, a tinala aramas pwe repwe uwato chün ekewe somä seni lon ekewe peias. Iwe, a kenala ekewe chü won ewe rongen asor. Iei usun a atai pinin ewe rongen asor, usun ewe soufos a fen apasa, lupwen a osuni ekewe mettoch fän alon ewe Samol mi Lapalap.

2. King 23:20

Iwe, a niela me won ekewe rongen asor ekewe souasor meinisin mi angang lon ekewe lenien fel won ekewe leni tekia, a pwal kenala chün aramas wor. Mürin a liwiniti Jerusalem.

2. King 9:37

Nge somän Isipel epwe toropas usun koiasi won kinikinin fanüen Jesrel, pwe esor eman epwe tongeni apasa: Iei i Isipel.”

Kölfel 53:5

Mürin a toriir niuokus watte, eu niuokus watte esamwo toriir me mwan. Pun Kot epwe atoropasafeili chün chokewe mi oput nöün aramas. Chon Israel repwe fokun akufuur, pun Kot a fen pöütirela.

Jeremaia 14:16

Nge ekewe aramas ir ra osuni ngeniir repwe ninnila usun chök ekewe soufos. Somär repwe koturulong lon ekewe alen Jerusalem, nge esap wor eman epwe peiaseniir. Ei epwe fis ngeniir meinisin fiti pwülüer me nöür mwän me fefin. Pun üpwe awarato wor liwinin püsin ar föföringau.

Isikiel 37:1

Iwe, üa mefi pwe ewe Samol mi Lapalap a nom rei ren an manaman, nge Ngünün a panieila lukalapen eu lemol mi ur ren chün aramas.

Isikiel 6:4

Ekewe rongen asor repwe tatakisitiu, nge ekewe rongen asoren ötüöt repwe mökküla. Iwe, üpwe niela ekewe aramas fän mesen ar kewe uluulun anümwäl.

Isikiel 6:5

Üpwe anomu somän ekewe chon Israel fän mesen ar kewe uluulun anümwäl, üpwe pwal atoropasafeili chür ünükün ekewe rongen asor.

Amos 2:1

Iei alon ewe Samol mi Lapalap, “Chon Moap ra chök sopwela le föri tipis, iei mine üpwe fokun apwüngüür. Ra kenala chün ewe kingen Etom tori ra wiliti falang.