Jeremaia 7:6 - Chuukese Bible

⁶ Oupwe ükütiu le ariaföüü ekewe chon ekis, ekewe mi mäsen ika ekewe fefin mi mä pwülüer. Oupwe ükütiu le niela chokewe esap wor ar tipis me lon ei leni. Oupwe ükütiu le fel ngeni pwal ekoch kot, pun ren ei oupwe chök atoto feiengau womi.

Jeremaia 7:6 Iomraidhean Croise

2. King 21:6

Iwe, a kenala nöün ät pwe eu asor, a pwal föri angangen souasisil me souwo o churi watawa me sourong. Manasa a föri chomong sokun föför mi ngau me fän mesen ewe Samol mi Lapalap o asonga i.

2. King 24:4

pwal pokiten än Manasa niela chomong aramas esap wor ar tipis, pwe Jerusalem a kula ren char. Iwe, ewe Samol mi Lapalap esap amusala an tipis.

Kölfel 106:38

Ra niela nöür kewe ät me nengin esap wor ar tipis, o eäniir asor ngeni ekewe uluulun anümwäl än chon Kanaan. Iwe, ewe fanü a limengau ren ei sokun föför.

Än Salomon Fos 23:10

Kosap amwökütü ekewe kiä minen lomlom ika tolong lon fanüen ekewe mi mäsen.

Aisea 59:7

Iwe, pecher ra fetalekai ngeni mine a ngau, ra müttir ngeni ni aramas esap wor ar tipis, ra chök ekiekingau lon letiper, nge ia ra feila ie a chök fis feiengau.

Jeremaia 13:10

Ekei aramas mi ngau, resap mochen aleasochisiei. Ra chök ülöförea le chei mochenin letiper. Ra fel ngeni pwal ekoch kot o angang ngeniir. Iei mine repwe wewe ngeni ei achök mi lomotongau.

Jeremaia 19:4

Üpwe föri ei, pun ekewe aramas ra likitieila. Ra apiningaua pinin ei leni ren ar keni apach mi pwokus ngeni pwal ekoch kot, sokun kot ir me ar kewe lewo pwal ekewe kingen Juta resap sileer. Ra aura ei leni ren chan chokewe esap wor ar tipis.

Jeremaia 2:30

Esor lomoten ai apwüngükemi, pun ousap mirit ren. Usun eman laion mi kütta ochan, iei usun ämi oua niela nöümi kewe soufos.

Jeremaia 2:34

A pwä me won ufom chan ekewe chon wöüngau esap wor ar tipis, nge ka küna pwe sap ir chon solä. Iei mwo an fis ekei föför meinisin,

Jeremaia 26:15

Nge oupwe chök silei pwe ika oua nieila, oupwe atoto womi pwal won ei telinimw me aramasen lon liwinin chan eman esap wor an tipis. Pun a let pwe ewe Samol mi Lapalap a tinieito remi pwe üpwe asile ngenikemi ekei kapas meinisin.”

Jeremaia 26:23

Iwe, ra turufi Uria me lon Isip o emwenala ren ewe king Jehoiakim. Ätei a niela Uria o moneela somän lon lenien peiasen ekewe aramas kis.)

Jeremaia 35:15

Üa soun tinala remi nei chon angang meinisin ekewe soufos pwe repwe ürenikemi, pwe oupwe en me kul seni an lapalap mi ngau o siwili an föför, ousap pwal fel ngeni pwal ekoch kot o angang ngeniir. Mürin, oupwe imweimw lon ewe fanü üa ngenikemi me ämi kewe lewo. Nge ämi ousap aleasochis ika aüselingaei.

Jeremaia 5:28

ra pwal kitinupula o lükümisimis. Ar föföringau esap wor aükükün. Resap alisi ekewe mi mäsen lon kapwüng pwe repwe win, resap pwal peni ekewe chon mwelele pwe epwe toriir ar pwüüng.

Jeremaia 7:5

Oupwe wesewesen siwili manauemi me ämi kewe föför o wesewesen eäni pwüng lefilemi.

Jeremaia 7:9

Oua solä, niela aramas, föri föförün lisowu, akapelmwäl, keni apach mi pwokus ngeni ewe anü Paal o fel ngeni pwal ekoch kot ousap sileer me mwan.

Kölün kechü 4:13

Ei a fis pokiten än nöün Jerusalem kewe soufos tipis, pwal pokiten än nöün kewe souasor föföringau. Ir chokewe mi niela ekewe chon pwüng.

Isikiel 18:6

Esap mongö föten anü lon ekewe lenien fel won ekewe chuk o fel ngeni än chon Israel kewe uluulun anümwäl. Esap lisowu ngeni pwülüen chon arun ika kon ren eman fefin mi samaun maram.

Isikiel 22:7

Iwe, ämi chon ei telinimw ousap meniniti sememi me inemi, oua kirikiringau ngeni ekewe chon ekis o ariaföüü chon mäsen me fefin mi mä pwülüer.

Lifitikos 19:33

Iwe, lupwen eman chon ekis a wasöla lon fanüemi, ousap kirikiringau ngeni.

Lifitikos 25:17

Ousap kirikiringaufengen lefilemi, nge oupwe meniniti ewe Samol mi Lapalap ämi we Kot.

Malakai 3:5

Iei alon ewe Samol mi Unusen Manaman, “Mürin, üpwe feito remi pwe üpwe apwüngükemi. Ngang üpwe eman chon pwärätä mi atipisi ekewe sourong, ekewe chon lisowu, ekewe mi akapelmwäl me ekewe mi angaua liwinin nöür chon angang, pwal chokewe mi ariaföüü ekewe fefin mi mä pwülüer, ekewe mi mäsen me ekewe chon siamü. Üpwe atipisi chokewe meinisin resap niuokusitiei.”

Mateus 27:25

Mürin ekewe aramas meinisin ra pölüeni, “Liwinin chaan epwe nonom wom me won nöüm kana!”

Mateus 27:4

A apasa ngeniir, “Ngang üa tipis ren ai afangamä eman mwän esap wor an tipis ngeni mäla.” Iwe, ra pölüeni, “Met wewen ngenikem, kopwe püsin ekiekik.”

Tuteronomi 11:28

Nge oupwe anümamau, are oua aleasolap ngeni än ewe Samol mi Lapalap ämi we Kot kewe allük, are oua tok seni ekei allük üa ngenikemi ikenai o fel ngeni pwal ekoch kot ousap sileer me lom.

Tuteronomi 24:17

Kosap sorei mine a pwüng ngeni eman chon ekis ika eman mi mäsen, kosap pwal angei üfen eman fefin mi mä pwülüan fän iten asisilen an liwinimang.

Tuteronomi 27:19

‘A anümamau eman mwän a sorei mine a pwüng ngeni eman chon ekis, eman mi mäsen me eman fefin mi mä pwülüan.’ Nge ekewe aramas meinisin repwe apasa, ‘Amen.’

Tuteronomi 8:19

Nge are oua manlükala ewe Samol mi Lapalap ämi we Kot o kul ngeni pwal ekoch kot pwe oupwe angang o fel ngeniir, üa fokun fönökemi ikenai pwe oupwe wesewesen rosola.

James 1:27

Än eman souläng limöch me pwüng mwen mesen Samach Kot a fis are epwe iei usun: epwe tümwünü ekewe mi mäsen me ekewe fefin mi mä pwülüer lon ar riaföü, epwe pwal püsin tümwünü i, pwe esap limengau ren ngauen ei fanüfan.