Jeremaia 7:4 - Chuukese Bible

⁴ Ousap lükü ekei kapasen atuputup ra apasa, ‘Aisap feiengau. Iei än ewe Samol mi Lapalap imwenfel, än ewe Samol mi Lapalap imwenfel, än ewe Samol mi Lapalap imwenfel.’

Jeremaia 7:4 Iomraidhean Croise

1. King 9:7

mürin üpwe ärawu chon Israel seni lon ewe fanü üa ngeniir. Iwe, ei imwenfel üa apini fän itei üpwe aturawu me fän mesei, nge aramas repwe leaweni chon Israel ren kapsen ämängau me kapasen turunufas me lein chon ekewe mwü meinisin.

Aisea 48:2

Iwe, oua püsin aita ngenikemi chon ewe telinimw mi pin o apilükülükü ewe Koten Israel, itan ewe Samol mi Unusen Manaman.

Aisea 59:4

Esap wor eman a kapwüng ngeni aramas fän pwüng me wenechar. Iwe, ra lükülük won kapas mi lomotongau, ra chofana, ra pwal ekiekin fitikoko o föföringau.

Aisea 66:1

Pwal iei alon ewe Samol mi Lapalap, “Läng ai lenien mot, nge fanüfan lenien puun pechei. Met sokun imw oupwe aüetä fän itei are ifa lenien ai asösö?

Jeremaia 28:15

Mürin üa üreni ewe soufos Hanania, “Kopwe rongorong Hanania, ewe Samol mi Lapalap esap tinuk, nge en ka föri pwe ekei aramas ra lükü mine a chofana.

Jeremaia 29:23

Ei epwe fis ngeniir, pokiten ra föri eu tipis watte me lon Israel. Ra lisowu ngeni pwülüen chon arur, ra pwal eäni kapas chofana fän itan, nge esap üreniir pwe repwe kapas. Ewe Samol mi Lapalap a silei mine ra föri, i ewe chon pwärätä. Iei alon ewe Samol mi Lapalap.”

Jeremaia 29:31

“Kopwe tinala ei pworaus ngeni ekewe chon oola meinisin, ‘Iei alon ewe Samol mi Lapalap fänäsengesin Semaia seni Neelam: Pokiten Semaia a osuni ngenikemi, nge üsap tini, a pwal emwenikemi pwe oupwe lükü kapas chofana,

Jeremaia 6:14

Ra atupun säfeni kinasen nei aramas ren ar apasa, ‘A wor kinamwe, a wor kinamwe,’ ngei ese wor kinamwe.

Jeremaia 7:14

Iei mine met üa föri ngeni Silo üpwe pwal föri ngeni ei imw mi föü itei won, oua anomu ämi apilükülük won. Üpwe pwal föri iei usun ngeni ei leni üa ngenikemi me ämi kewe lewo.

Isikiel 13:19

Oua aitengauaei lein nei aramas fän iten fite kumwuch parli pwal fän iten ekoch sättin pilawa. Oua niela aramas esap ürürün repwe mäla, nge oua amanaua aramas ürürün resap manau, ren ämi chofana ngeni nei aramas mi rongokai ngeni kapas chofana.’

Mika 3:11

Ekewe souemwenin Jerusalem ra angei lifangen amichimich, lupwen ra eäni kapwüng, ekewe souasor ra awewei än Kot kewe allük fän iten ar repwe angei liwin, nge ekewe soufos ra föri pwee fän iten ar repwe angei moni. Nge ra pwal anomu ar apilükülük won ewe Samol mi Lapalap o üra, “Ewe Samol mi Lapalap a nom lefilach. Esor feiengau epwe torikich.”

Sefanaia 3:11

Lon ena fansoun ousap chüen säw pokiten oua ü ngeniei. Pun üpwe atowu seni me leimi chokewe mi lamalamtekia o tunosikesik, pwe ousap chüen ü ngeniei me won chuki mi pin.

Lukas 3:8

Oupwe föri sokun föför epwe pwärätä pwe oua aier seni ämi tipis, nge ousap popuetä le apasa lefilemi, ‘Äm mwirimwirin Apraham.’ Pun ngang üpwe ürenikemi, pwe Kot a tongeni angei ekei fau o föri seniir pwe repwe mwirimwirin Apraham.