Jeremaia 7:34 - Chuukese Bible

³⁴ Iwe, üpwe aükätiu kölün mweireir me pwapwa pwal apwapwan mongön apwüpwülü me lon ekewe telinimwen Juta pwal won ekewe alen Jerusalem. Pun ewe fanü epwe wiliti eu fanü mi pöön.

Jeremaia 7:34 Iomraidhean Croise

Hiop 3:7

Iwe, ei pwin epwe pön, esap wor eman epwe rong mweireiren pwapwa lon.

Kölfel 78:63

Nöür alüal ra mäla lon maun. Esap chüen wor alüal repwe pwüpwülü ngeni nöür föpwül.

Aisea 1:7

Fanüemi a tala, nge ämi telinimw ra karala. Chon ekis ra mongö uän fanüemi fän mesemi. Iwe, fanüemi a ta usun chök eu fanü chon ekis ra ataela.

Aisea 3:26

Iwe, epwe wor kechü me ngüngüres lon ekewe asamalapen Jerusalem, pun ewe telinimw a fokun tala, nge aramasen lon resap chüen nom.

Aisea 6:11

Mürin üa aisini, “Ai Samol, ifa ükükün fansoun an epwe fis ei?” Iwe, Kot a pälüeni, “Tori ekewe telinimw repwe tala o pön, pwal tori esap chüen wor aramas lon ekewe imw, nge ewe fanü epwe unusen pön.

Jeremaia 16:9

Kopwe rongorong mine ngang ewe Samol mi Unusen Manaman, ewe Koten Israel, üa apasa: Üpwe aükätiu kölün mweireir me pwapwa, pwal apwapwan mongön apwüpwülü me lon ei leni me fän mesom lon ränin manauom.

Jeremaia 22:6

Pun iei alon ewe Samol mi Lapalap fänäsengesin imwen ewe kingen Juta, ‘En ka mürina usun ewe fanü Kiliat me rei, ika usun ungen ewe chuk Lepanon, nge üpwe fokun föri pwe kopwe wiliti eu fanüapö, ika eu telinimw esap so.

Jeremaia 25:10

Üpwe aükätiu kölün mweireir me pwapwa, pwal pwapwan mongön apwüpwülü. Üpwe aükätiu püngüpüngün ewe lenien wüsüs o kunuela ewe lamp.

Jeremaia 27:17

Ousap fokun aüseling ngeniir. Oupwe angang ngeni ewe kingen Papilon pwe oupwe manau. Pwota ei telinimw epwe wiliti eu leni mi ta?

Jeremaia 33:10

Iei alon ewe Samol mi Lapalap, “Ämi oua apasa usun ei leni pwe eu fanü mi pön, esap wor aramas ika man ra nom ie. Mi pwüng pwe ekei telinimwen Juta, pwal ekewe alen Jerualem ra pönüla, esap wor aramas ika man ra nom ie. Nge lon ekei leni oupwe rongorongsefäl

Jeremaia 33:11

kölün mweireir me kölün pwapwa, apwapwan mongön apwüpwülü, pwal mwelien chokewe mi köl, lupwen ra uwato ar asoren kilisou lon imwei. Iwe, repwe apasa, ‘Ousipwe kilisou ngeni ewe Samol mi Unusen Manaman, pun i a kirikiröch, an tong ellet a nom tori feilfeilachök.’ Pun ngang üpwe aliwini wöün ewe fanü usun me mwan. Ngang ewe Samol mi Lapalap üa kapas.”

Jeremaia 4:26

Üa küna pwe ewe fanü mi mürina a wiliti eu fanüapö, nge ekewe telinimwen lon ra tatakisila pokiten än ewe Samol mi Lapalap song mi fokun watte.

Jeremaia 4:27

Pun iei alon ewe Samol mi Lapalap, “Unusen ewe fanü epwe pönüla, nge üsap ataela unusan.

Jeremaia 44:6

Iei mine üa asasawu ai lingeringer me ai song won ekewe telinimwen Juta me ekewe alen Jerusalem o kenirela, pwe ra tatakis o pönüla usun a fis tori ikenai.”

Kölün kechü 5:14

Ekewe mwän mi chinlap resap chüen mot lon asamalapen ewe telinimw, ekewe alüal resap chüen ettiki ar pisekin ettik.

Isikiel 26:13

Iwe, ngang üpwe aükätiu om köl, nge tikitikin om kitar esap chüen wor.

Isikiel 7:11

Föförün mwänewüs a mämäritä o afisätä föföringau. Ekewe aramas meinisin repwe rosola, esap pwal chüen wor wöür mi somwola me ar ling.

Osea 2:11

Üpwe aükätiu an kewe fansoun pwapwa meinisin, an kewe chulap mi watte me an kewe chulapen popun maram, an kewe ränin sapat me an kewe chulap meinisin mi kefilitä.

Osea 2:13

Üpwe apwüngü neminewe fän iten ekewe rän a keni apach mi pwokus lon ngeni ekewe anü Paal, pwal fän iten an foutei ngeni ring me sokopaten fout o tapwela mürin nöün kewe kamwet, nge a manlükieila. Ngang ewe Samol mi Lapalap üa kapas.

Lifitikos 26:33

Iwe, üpwe awarato maun womi o atoropasafeilikemi lein ekewe mwü. Fanüemi epwe tala, nge ämi kewe telinimw repwe tatakis.

Mika 7:13

Nge fanüfan epwe wiliti eu fanüapö pokiten föföringauen chokewe mi nonom won.

Pwärätä 18:23

Esap chüen wor eman epwe küna tinen eu lamp lon en, esap pwal chüen wor eman epwe rongorong möngüngün ekewe mwän apwüpwülü söfö me fin apwüpwülü söfö me lon en. Noumw kewe chon amömö a wor ar pöchökül won unusen fanüfan, nge ren om angangen rong ka atupu aramasen fanüfan meinisin!”