Jeremaia 7:3 - Chuukese Bible

³ “Iei alon ewe Samol mi Unusen Manaman, ewe Koten Israel: Oupwe siwili manauemi me ämi kewe föför, pwe üpwe mwüt ngenikemi pwe oupwe nonom lon ei leni.

Jeremaia 7:3 Iomraidhean Croise

2. King 17:13

Nge ewe Samol mi Lapalap a tinala nöün kewe soukünö me soufos ren ekewe chon Israel me chon Juta, pwe repwe üreniir, “Oupwe likitala ämi föför mi ngau o aleasochisi ai kewe allük me pwüüng, ekewe allük meinisin üa allük ngeni ämi kewe lewo, üa pwal tinala remi nei kewe chon angang ekewe soufos, pwe repwe asile ngenikemi.”

Esra 10:11

Iei oupwe pwärätä ämi tipis ngeni ewe Samol mi Lapalap än ämi kewe lewo we Kot o föri letipan. Oupwe imwü seni ekewe aramas lon ei fanü, pwal seni pwülüemi kewe ekewe fin ekis.”

Än Salomon Fos 28:13

Eman aramas mi aopala an tipis esap fefeitä lon manauan, nge eman mi pwärätä o likitala, Kot epwe ümöümöch ngeni.

Aisea 55:7

Chon föföringau repwe likitala ar föför, nge chon pwüngingau kana repwe siwili ar ekiek. Repwe liwiniti ewe Samol mi Lapalap pwe epwe tongeäsiniir. Repwe kuliti ach Kot, pun a müttir le amusala tipis.

Jeremaia 17:25

mürin ämi kewe king repwe tolong lon asamalapen ei telinimw o mot won än Tafit lenien motun king. Repwe wawa woken fiti oris, ir me nöür kewe nöüwis, ekewe chon Juta me chon Jerusalem. Nge ei telinimw epwe so tori feilfeilachök.

Jeremaia 18:11

Iei mine kopwe üreni ekewe re Juta me chon Jerusalem, ‘Iei alon ewe Samol mi Lapalap: Nengeni, üpwe awarato feiengau ngenikemi o ekiekin ü ngenikemi. Ämi meinisin oupwe kul seni ämi föför mi ngau o siwili alemi me ämi kewe föför.’

Jeremaia 18:8

Nge are chon ewe mwü üa kapas usun ra kul seni ar föför mi ngau, ngang üpwe siwili ai ekiekin afeiengaueer.

Jeremaia 26:13

Iei mine oupwe siwili ämi kewe lapalap me ämi kewe föför o aleasochis ngeni alon ewe Samol mi Lapalap ämi we Kot, mürin ewe Samol mi Lapalap epwe siwili an ekiekin afeiengauakemi usun a fen apasa.

Jeremaia 35:15

Üa soun tinala remi nei chon angang meinisin ekewe soufos pwe repwe ürenikemi, pwe oupwe en me kul seni an lapalap mi ngau o siwili an föför, ousap pwal fel ngeni pwal ekoch kot o angang ngeniir. Mürin, oupwe imweimw lon ewe fanü üa ngenikemi me ämi kewe lewo. Nge ämi ousap aleasochis ika aüselingaei.

Jeremaia 35:16

Mwirimwirin Jonatap kewe ra aleasochisi ewe allük semelaper we a ngeniir. Nge ämi nei aramas ousap aleasochisiei.

Jeremaia 4:1

Iei alon ewe Samol mi Lapalap, “Are oupwe liwinto, ämi chon Israel, oupwe fokun liwinitiei. Are oupwe atoauala ekewe uluulun anümwäl mi anioput me fän mesei, nge ousap chüen tokola,

Jeremaia 6:16

Iei alon ewe Samol mi Lapalap, “Oupwe ütä ünükün ekewe al o katol, oupwe ais usun ekewe alen lom ifan ewe al mi mürina. Oupwe fetal won o küna kinamwe.” Nge ir ra apasa, “Äm aisap mochen fetal won.”

James 4:8

Oupwe arap ngeni Kot, iwe, epwe arap ngenikemi. Oupwe limeti pöümi, ämi chon tipis kana, oupwe limeti lelukemi, ämi chon tipekinikin kana.