Jeremaia 7:26 - Chuukese Bible

²⁶ Nge esap wor eman a aüselingaei ika aü selingan. Oua chök tipepöchökül o föri mine a ngau lap seni ämi kewe lewo.

Jeremaia 7:26 Iomraidhean Croise

1. King 14:22

Nge chon Juta ra föri mine a ngau me fän mesen ewe Samol mi Lapalap o asonga ren ar tipis ra föri lap seni mine ar kewe lewo ra föri.

1. King 14:9

En ka föri mine a ngau lap seni chokewe meinisin ra akom mwom. Ka föri fän itom pwal ekoch kot me uluulun anü seni piras, ka pwal kulu sökürum ngeniei. Ren ei ka asongaei.

2. King 17:14

Nge ekewe chon Israel resap aleasochis, pwe ra tipeförea, usun ar kewe lewo, ir chokewe resap lükü ewe Samol mi Lapalap ar we Kot.

2. King 17:15

Iwe, ra pöütala an kewe allük o atai ewe pwon a eäni ngeni ar kewe lewo, ra pwal aleasolap ngeni an kewe kapasen fön ngeniir. Ra fel ngeni ekewe uluulun anümwäl mi lomotongau o wiliti aramas mi lomotongau, ra pwal apirü föförün chon ekewe mwü mi nom pwelin ünükür, chokewe ewe Samol mi Lapalap a allük ngeniir pwe resap föri usun mine ir ra föri.

2. Kronika 30:8

Iei ousap tipeförea usun ämi kewe lewo, nge oupwe aleasochis ngeni ewe Samol mi Lapalap o feito ren imwan mi pin, i a apini tori feilfeilachök. Oupwe angang ngeni ewe Samol mi Lapalap ämi we Kot, pwe esap chüen song ngenikemi.

2. Kronika 33:10

Iwe, ewe Samol mi Lapalap a kapas ngeni Manasa me nöün aramas, nge ir resap mochen aüselinga.

2. Kronika 33:23

Nge esap atekisonätiu o kul ngeni ewe Samol mi Lapalap, usun Manasa saman we a föri. Nge ei mwän Amon a chök alapala an tipis.

Nehemia 9:29

Ka fönöör pwe repwe aleasochis ngeni om kewe allük. Nge ir ra chök lamalamtekia o aleasolap ngeniir. Iwe, ra tipis ren ar puri om kewe pwüüng, are eman epwe fen apwönüretä, epwe manau ren. Iwe, ra ülöförea o tipepöchökül, nge resap mochen aleasochis.

Än Salomon Fos 29:1

Eman mi angei apwüng fän chomong, nge a chök tipeförea, epwe müttir fisikai an feiengau, nge esap chüen chikarsefäl.

Aisea 48:4

Pokiten üa silei pwe en ka tipeförea, pwe lükün üom a pöchökül usun mächä, nge chamwom a usun chök piras,

Aisea 5:4

Ifa usun, a chüen wor och angang üsamwo föri fän iten ai tanipin wain? Pwota a chök afisätä ua mi ngau, lupwen üa witiwiti an epwe afisätä ua mi öch?

Jeremaia 11:8

Nge ir resap aleasochis ika aüseling, pwe iteiten eman me eman a ülöförea lelukan o föföringau. Iei mine üa atoto wor ewe anümamau a mak lon ei pwon, pokiten resap mochen apwönüetä kapasan kewe üa allük ngeniir.”

Jeremaia 16:12

Nge ämi oua fen föri föför mi ngau lap seni ämi kewe lewo. Oua en me chei ülöförean letipan mi ngau, nge ousap fokun aleasochisiei.

Jeremaia 17:23

Nge ir resap rongorong ika aüseling. Ra ülöförea, pun resap rongorong o angei ai öüröür.’”

Jeremaia 19:15

“Iei alon ewe Samol mi Unusen Manaman ewe Koten Israel: Üpwe awarato won ei telinimw, pwal won ekewe telinimw ünükün ekewe feiengau meinisin üa fen apwüngala fän iter, pun chon ekei telinimw ra ülöförea, resap mochen aüselinga ai kewe kapas.”

Jeremaia 22:21

Üa kapas ngenikemi, lupwen oua chüen pisekisek, nge oua üra, “Aisap mochen aüseling.” Iei lapalapemi seni me lom, pwe ousap aleasochis ngeni ai kewe kapas.

Jeremaia 25:3

“Lon ükükün rüe me ülüngat ier, seni ewe engol me ülüngatin ierin mwün Josia ewe kingen Juta nöün Amon we mwän tori ikenai ewe Samol mi Lapalap a kapas ngeniei. Iwe, üa asile ngenikemi ekei kapas iteiten fansoun, nge ämi ousap aüseling.

Jeremaia 25:7

Nge ewe Samol mi Lapalap a püsin apasa pwe ousap aüselinga i, nge oua fen asonga ren ämi kewe uluulun anümwäl oua föri o atoto womi feiengau.”

Jeremaia 26:5

are ousap afäli alon nei kewe chon angang ekewe soufos, chokewe üa soun tinirela remi, nge ämi ousap aüselingeer,

Jeremaia 29:19

Ei epwe fis ngeniir pokiten resap aleasochisi ai kewe kapas üa tinikisiela rer ren nei chon angang ekewe soufos. Nge resap mochen aüselinga. Ngang ewe Samol mi Lapalap üa kapas.’

Jeremaia 3:13

Oupwe chök pwärätä ämi tipis, pwe oua ü ngeniei ngang ewe Samol mi Lapalap ämi we Kot. Oupwe pwärätä pwe oua chiechi ngeni ekewe koten ekis fän ekewe irä mi mwuresires, ousap pwal aleasochisi ai kapas. Ngang ewe Samol mi Lapalap üa kapas.

Jeremaia 32:23

Nge lupwen ra tolong lon ei fanü o fanüeni, resap aleasochis ngonuk ika föri pwüngün om allük. Resap fokun föri och usun mine ka allük ngeniir pwe repwe föri. Iei mine ka awarato wor ekei feiengau meinisin.

Jeremaia 34:14

‘Lesopolan iteiten wonu ier ämi meinisin oupwe angasa pwimi chon Ipru oua möniir, ra angang ngenikemi lon ükükün wonu ier. Ämi oupwe fokun angaserela seni ar angang ngenikemi.’ Nge ämi kewe lewo resap aleasochisi aloi ika aüselingaei.

Jeremaia 35:15

Üa soun tinala remi nei chon angang meinisin ekewe soufos pwe repwe ürenikemi, pwe oupwe en me kul seni an lapalap mi ngau o siwili an föför, ousap pwal fel ngeni pwal ekoch kot o angang ngeniir. Mürin, oupwe imweimw lon ewe fanü üa ngenikemi me ämi kewe lewo. Nge ämi ousap aleasochis ika aüselingaei.

Jeremaia 35:17

Iei mine ngang ewe Samol mi Unusen Manaman, ewe Koten Israel üa apasa: Üpwe awarato womi, ämi chon Juta me chon Jerusalem, ekewe feiengau meinisin üa fen apwüngawu ngenikemi. Üpwe föri ei, pokiten üa fen kapas ngenikemi, nge ousap aüseling, üa fen kökkörikemi, nge ousap päpälüen.”

Jeremaia 44:16

“Äm aisap mochen aüselinga ewe pworaus ka apworausa ngenikem fän alon ewe Samol mi Lapalap.

Jeremaia 5:3

Ai Samol mi Lapalap, ifa usun, kosap kütta aramas mi wenechar? En ka niir, nge ir resap mefi riaföü. Ka afeiengaueer, nge ir resap mochen miritila ren. Ra tipepöchökül, nge resap fokun mochen ekieksefäl.

Jeremaia 6:10

Nge üa apasa, “Iö üpwe fos ngeni o eäni kapasen fön ngeni? Iö epwe rongorong? Nengeni, ra pineela selinger pwe resap mochen rongorong om kapas. Ra takiri mine ka akünö ngeniei pwe üpwe üreniir.

Jeremaia 6:17

Mürin ewe Samol mi Lapalap a awisa chon mas womi o apasa, “Oupwe aüseling ngeni tikin ewe rappwan asilesil.” Nge ir ra apasa, “Äm aisap mochen aüseling.”

Jeremaia 7:24

Iwe, resap aleasochis ika aü selinger, nge ra chei püsin ar öüröür me ülöförean leluker mi ngau. Ra fen ingauala, nge resap öchüla.

Jeremaia 9:13

Iwe, ewe Samol mi Lapalap a pälüeni, “Ei a fis pokiten nei aramas ra likitala ai allük üa ngeniir. Resap aleasochisiei ika föri mine üa üreniir.

Isikiel 12:2

“Nöün aramas, ka nonom lein eu täppin aramas mi lükümach o ü ngeniei. A wor meser pwe repwe küna, nge resap künökün, a pwal wor selinger pwe repwe rongorong, nge resap rongorong, pun ir eu täppin aramas mi lükümach o ü ngeniei.

Isikiel 12:3

Iei mine, nöün aramas, kopwe amolätä om pwotou usun eman chon oola a föri. Lerän, lupwen ekewe aramas ra nenengenuk, kopwe feila seni leniom o feila ngeni pwal eu leni. Eli repwe wewe ren, inamwo ika ir eu täppin aramas mi lükümach o ü ngeniei.

Isikiel 20:30

Iwe, kopwe üreni ekewe chon Israel, ‘Iei alon Kot ewe Samol mi Lapalap: Pwota oua chök föri ekewe tipis semelapemi kewe ra föri o mocheisou ngeni ar kewe uluulun anümwäl mi anioput?

Taniel 9:6

Äm aisap aüselinga alon ekewe soufos noum kewe chon angang, ra kapas fän itom ngeni äm kewe king me samol, pwal ngeni äm kewe lewo me aramasen ewe fanü meinisin.

Osea 11:7

Nei aramas ra oucho le kul seniei. Inamwo ika ra siö ngeniei, üsap fokun angaseer.

Sekaraia 7:11

Nge ir resap mochen rongorong, ra kulu sökürür o pinei selinger pwe resap tongeni rongorong.

Malakai 3:7

Usun ämi kewe lewo ra tok seni ai kewe allük, ina usun ämi oua tok seni ai kewe allük, nge ousap aleasochisiir. Oupwe liwinto rei, pwe ngang üpwe liwin ngenikemi. Nge ämi oua ais, ‘Ifa usun lapalapen äm liwinsefäl?’

Mateus 21:38

Nge lupwen ekewe chon mälämäl ra küna ewe nau, ra kapasfengen lefiler, ‘Iei i alemürin ätewe mine an ei tanipi. Ou etto, ousipwe niela, pwe sipwe angei mine an me ren saman!’

Mateus 23:32

Oupwe chök sopwela le awesala mine ämi kewe lewo ra popuetä!

Föför 7:51

Iwe, Stefanus a sopwela le kapas ngeniir, “Ämi aramas mi tipeförea! Letipemi ra usun chök chokewe resap lükü Kot, oua rongomang ngeni kapasen Kot! Ämi oua usun chök ämi kewe lewo: Pwal ämi oua ü ngeni Ngünmifel fansoun meinisin.

Nöün Paulus Toropwe ngeni ekewe Souläng lon Rom 2:5

Nge lelukom a tipepöchökül o ülöförea. Iei mine ka püsin alapala om liwiningau lon ewe rän lupwen Kot epwe pwärala an song me an apwüngüwen.

Tuteronomi 8:20

Are ousap mochen aleasochisi alon ewe Samol mi Lapalap ämi we Kot, oupwe wesewesen rosola usun chök chon ekewe mwü ewe Samol mi Lapalap epwe arosala me mwemi.”