Jeremaia 7:2 - Chuukese Bible

² pwe epwe feila o ütä leasamalapen ewe imwenfel. Epwe aronga ekei kapas ngeni ekewe chon Juta meinisin mi feito pwe repwe fel ngeni ewe Samol mi Lapalap,

Jeremaia 7:2 Iomraidhean Croise

1. King 22:19

Mikaia a sopwela le kapas, “Iei kopwe aüselinga alon ewe Samol mi Lapalap: Üa küna ewe Samol mi Lapalap pwe a mot won an lenien motun king, nge unusen ewe mwichen chon läng ra ütä ünükün.

Kölfel 122:2

Iei äm aia tolong lon asamalapom kewe o ütä lon, en Jerusalem.

Aisea 1:10

Jerusalem, om kewe samol me aramasom kewe ra usun chök chon Sotom me chon Komora. Oupwe rongorong alon ewe Samol mi Lapalap. Oupwe aüselinga mine ach we Kot a mochen aiti ngenikemi.

Jeremaia 10:1

Oupwe rongorong mine ewe Samol mi Lapalap a ürenikemi ämi chon Israel.

Jeremaia 11:6

Iwe, ewe Samol mi Lapalap a üreniei, “Kopwe asilefeili ekei kapas me lon ekewe telinimwen Juta, pwal lon ekewe alen Jerusalem: Oupwe aüselinga kapasen ei pwon o apwönüetä.

Jeremaia 19:14

Mürin, Jeremaia a liwinto seni Tofet, ewe ia ewe Samol mi Lapalap a tinala ie pwe epwe osuni. Iwe, a ütä lon ewe leni lükün imwen ewe Samol mi Lapalap o üreni ekewe aramas meinisin,

Jeremaia 2:2

pwe üpwe feila o aronga ngeni chon Jerusalem alon, “Israel, üa chechemeni om angangöch ngeniei leföpwülum we, pwal om echeniei, lupwen sa kärän pwüpwülü. Üa chechemeni usun om etifeiliei lon ewe fanüapö, lon eu fanü esap wor eman a fofot ie.

Jeremaia 2:4

Oupwe aüseling alon ewe Samol mi Lapalap, ämi mwirimwirin Jakop, ämi chon ekewe ainangen Israel meinisin.

Jeremaia 26:2

“Kopwe ütä lon ewe leni lükün ewe imwenfel o kapas ngeni chon ekewe telinimwen Juta meinisin mi feito pwe repwe fel lon ewe imwenfel. Kopwe üreniir meinisin mine üa allük ngonuk, nge kosap likiti eu kapas.

Jeremaia 28:5

Mürin üa kapas ngeni ewe soufos Hanania me fän mesen ekewe souasor me ekewe aramas meinisin mi nom lon imwen ewe Samol mi Lapalap.

Jeremaia 34:4

Nge en Setekia kingen Juta, kopwe rong aloi fänäsengesum, ‘Kosap mäla ren ketilas,

Jeremaia 36:10

Mürin, Paruk a aleani än Jeremaia kewe kapas seni lon ewe toropwe, nge ekewe aramas meinisin ra rongorong. A aleani me lon imwen ewe Samol mi Lapalap lon rumwen Kemaria nöün Safan we mwän ewe seketeri. Ei rum a nom lon ewe leni asan ünükün ewe Asamalap mi Fö, asamen ewe imwenfel.

Jeremaia 36:6

Iei mine en kopwe wisen feila lon eu ränin echikefel. Kopwe aleani ewe toropwe ngeni ekewe aramas meinisin me lon ewe imwenfel, pwe repwe rongorong mine ewe Samol mi Lapalap a üreniei, nge üa niwowomönüür ngonuk. Kopwe pwal aleani ngeni ekewe aramasen Juta meinisin mi feito seni ar kewe telinimw, pwe repwe rongorong.

Jeremaia 44:24

Iwe, Jeremaia a üreni ekewe aramas me ekewe fefin meinisin, “Oupwe rongorong alon ewe Samol mi Lapalap, ämi chon Juta meinisin mi nom lon ei fanü Isip.

Jeremaia 7:1

Iwe, ewe Samol mi Lapalap a üreni Jeremaia,

Isikiel 37:1

Iwe, üa mefi pwe ewe Samol mi Lapalap a nom rei ren an manaman, nge Ngünün a panieila lukalapen eu lemol mi ur ren chün aramas.

Osea 5:1

“Ämi souasor, oupwe aüseling, ämi chon Israel, oupwe aü selingemi, nge ämi chon leimwen king, oupwe rongorong. Pun ewe apwüng epwe weneitikemi pokiten oua wewe ngeni eu likatup lon Mispa me eu cheew mi meresila won ewe chuk Tapor,

Amos 7:16

Iei kopwe rongorong mine ewe Samol mi Lapalap a üra. En ka apasa pwe üpwe ükütiu le osuni mine a ngau fän iten chon Israel, üsap pwal afalafala mine a ngau ngeniir.

Mika 1:2

Oupwe aüseling, ämi chon ekewe mwü meinisin. Oupwe aüseling, ämi meinisin mi nom won fanüfan. Kot ewe Samol mi Lapalap epwe eman chon pwärätä mi ü ngenikemi, epwe kapas seni imwan we mi pin.

Mika 3:1

Mürin, üa apasa, “Oupwe rongorong, ämi souemwen seni mwirimwirin Jakop, pwal ämi kewe samolun Israel. Ifa usun, sap ämi chon silei mine a pwüng?

Mika 3:9

Oupwe rongorong, ämi kewe mi emweni ekewe mwirimwirin Jakop pwal ämi mi nemeni ekewe chon Israel, ämi chokewe mi oput pwüng o atoka meinisin mine a wenechar,

Mateus 13:9

Mürin Jesus a sopwela le üreniir, “Iö a wor selingan epwe rongorong!”

Johannes 18:20

Jesus a pölüeni, “Fansoun meinisin üa kapas le pwäpwäla ngeni aramas meinisin. Üa afalafal lon ekewe imwen felikis pwal lon ewe imwenfel ia ekewe aramas meinisin ra mwichfengen ie. Üsap apasa och le monomon.

Föför 5:20

“Oupwe feila o ütä lon ewe imwenfel o afalafala ngeni ekewe aramas meinisin usun ei manau mi fö.”

Föför 5:42

Iwe, iteiten rän ra sopwela le afalafal lon ewe imwenfel pwal lon imwen aramas o aiti ngeni aramas ewe Pworausen Manau pwe Jesus ewe Kraist.

Pwärätä 2:11

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau esap küna feiengau ren ewe aruen mäla.”

Pwärätä 2:17

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe ngeni och seni ewe mana mi monomon, üpwe pwal ngeni eman me eman leir eföü fau mi pwechepwech a mak won eu it mi fö, esap wor eman epwe silei pwe ewe chök eman mi angei.”

Pwärätä 2:29

Are a wor selingen eman epwe rongorong mine Ngünmifel a üreni ekewe mwichefel!”

Pwärätä 2:7

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe mwütätä pwe epwe mongö seni ewe irän manau mi nom lon än Kot we tanipi.”

Pwärätä 3:13

Are a wor selingen eman epwe rongorong mine Ngünmifel a üreni ekewe mwichefel.”

Pwärätä 3:22

Are a wor selingen eman epwe rongorong mine Ngünmifel a üreni ekewe mwichefel!”

Pwärätä 3:6

Are a wor selingen eman, epwe rongorong mine Ngünmifel a üreni ekewe mwichefel!”