Jeremaia 7:19 - Chuukese Bible

¹⁹ Ifa usun, ngang ewe ra ariaföüü? Apwi, püsin ir, ra pwal püsin atoto säw wor.

Jeremaia 7:19 Iomraidhean Croise

Esra 9:7

Seni fansoun äm kewe lewo tori ikenai äm aia föri chomong tipis. Nge pokiten äm kewe föföringau, äm me äm kewe king pwal äm kewe souasor aia sechilong lepöün kingen ekewe fanü. Iwe, aia küna ninni, aia oola, ra soläni pisekim fän pöchökül, aia pwal fokun säw, usun a fis tori ikenai.

Hiop 35:6

Ifa usun, are ka tipis, met epwe fis ngeni Kot? Are om pupungau a chomongola, met ka föri ngeni i?

Aisea 1:20

Nge are oua lükümach o ü ngeniei, oupwe mäla lon maun. Ngang ewe Samol mi Lapalap üa kapas.”

Aisea 1:24

Iei oupwe rongorong mine ewe Samol mi Unusen Manaman, ewe Koten Israel a apasa, “Ngang üpwe atoto ai song womi, ämi chon pälüeniei, üpwe pwal ngenikemi chappen ämi föför, ämi chon oputaei.

Aisea 45:16

Ir meinisin mi ü ngonuk repwe küna säw o itengau, nge chokewe mi falei uluulun anümwäl repwe lichipüng.

Jeremaia 15:9

Neminewe mi nöüni füman mwän, nge ra mäla, a apwangapwangala o kükünüla an ngasangas. An saram a wiliti rochopwak, a säw o itengau. Nge ekewe ekoch mi chüen manau, üpwe föri pwe chon oputer repwe nirela. Ngang ewe Samol mi Lapalap üa kapas.”

Jeremaia 2:17

Ifa usun, sap püsin en Israel ka awarato womw ei feiengau ren om likitieila ngang ewe Samol mi Lapalap, lupwen üa emwenukela won ewe al?

Jeremaia 2:19

Püsin om kewe föföringau repwe apwünguk, nge om kul seniei epwe atipisuk. Kopwe mefi pwe a ingau o weires ngonuk om kopwe likitieila, ngang ewe Samol mi Lapalap om we Kot. Esap wor menini me reöm. Ngang ewe Samol mi Lapalap, ewe Kot mi Unusen Manaman üa kapas.”

Jeremaia 20:11

Nge en, ai Samol mi Lapalap, ka nom rei usun chök eman sounfiu mi pöchökül. Iei mine ekewe chon ariaföüüei repwe chepetek, resap tongeni akufuei. Repwe fokun säw, pun esap pwönüetä ar mochen. Ar itengau esap tongeni manlüküla tori feilfeilachök.

Jeremaia 22:22

Asepwäl epwe pönala nöümi kewe chon emwen meinisin, nge peliemi kewe repwe oola. Mürin oupwe säw o itengau pokiten ämi kewe föföringau meinisin.

Jeremaia 25:7

Nge ewe Samol mi Lapalap a püsin apasa pwe ousap aüselinga i, nge oua fen asonga ren ämi kewe uluulun anümwäl oua föri o atoto womi feiengau.”

Jeremaia 3:25

Aipwe chapala lepwül fän säw, nge itengau epwe pwölükem. Pun aia tipis ngeni ewe Samol mi Lapalap äm we Kot, äm me äm kewe lewo seni lesäräföm tori ikenai. Äm aisap aleasochis ngeni ewe Samol mi Lapalap äm we Kot.”

Jeremaia 44:3

pokiten ekewe föför mi ngau ekewe aramas ra föriir. Ra asongaei ren ar keni apach mi pwokus, pwal ren ar fel ngeni pwal ekoch kot, ir me ämi pwal ämi kewe lewo ousap fel ngeniir me mwan.

Jeremaia 8:19

Oupwe rongorong siön nei aramas mi nonom lon eu fanü toau. Ra apasa, “Ifa usun, ewe Samol mi Lapalap esap nom lon Sion? Ifa usun, ewe kingen Sion esap chüen nom lon?” Iwe, ewe Samol mi Lapalap a pälüeni, “Pwota chök oua asongaei ren ämi fel ngeni ämi kewe uluulun anümwäl me ämi kewe koten ekis?”

Jeremaia 9:19

Oupwe aüseling ngeni och ngüngüres seni Sion, “Sa fokun feiengau, sa unusen itengau, pun sa likiti fanüach, pokiten aramas ra ataetiu imwach kewe.”

Isikiel 16:26

Iwe, ka amömö inisum ngeni chon Isip, chon arum mi mocheisou, ka pwal alapala om angangen lisowu, pwe üa song ren.

1. Korint 10:22

Ika sia mochen asonga ach Samol? Ifa usun, sia pöchökül seni i?

Tuteronomi 32:16

Iwe, chon Israel ra kupeti leluken Kot ren ekewe koten lükün, ra asonga ren ar uluulun anümwäl mi anioput.