Jeremaia 7:18 - Chuukese Bible

¹⁸ Ekewe semirit ra os mwüch, ekewe sam ra soni ewe ekkei, nge ekewe fefin ra öüwa pilawa pwe repwe föri nokop fän iten ewe anü fefin ra aita ngeni kiwinen läng. Ra pwal ninätiu asorun ün ngeni pwal ekoch kot, pwe repwe ariaföüüei.

Jeremaia 7:18 Iomraidhean Croise

1. King 14:9

En ka föri mine a ngau lap seni chokewe meinisin ra akom mwom. Ka föri fän itom pwal ekoch kot me uluulun anü seni piras, ka pwal kulu sökürum ngeniei. Ren ei ka asongaei.

1. King 16:2

“Üa aüüketä seni lepwül o seikuketä pwe kopwe emweni nei kewe aramasen Israel. Nge en ka tipis usun chök Jeropoam o emweni nei kewe aramasen Israel ngeni tipis. Iwe, ar tipis a asongaei.

Kölfel 16:4

Ekewe aramas mi filätä pwal ekoch kot ra achomonga ar riaföü. Üsap fokun etiir, lupwen ra asor, üsap pwal fel ngeni ar kewe kot.

Aisea 3:8

Iwe, Jerusalem a fetal ngeni an epwe feiengau, nge Juta epwe turula, pun chor ra pälüeni ewe Samol mi Lapalap ren ar kapas me ar föför, ra pwal ü ngeni ewe Kot mi ling.

Aisea 57:6

Oua angei fau mi motoutou seni lon öüwö o fel ngeniir pwe ämi Kot. Oua ninätiu wor asoren ün o uwato wor asoren mongö. Ifa usun, ngang üpwe pwapwaiti ei sokun föför?

Aisea 65:11

Nge ämi oua pöütieila, ousap pwal chüen ekieki chuki mi pin. Iei oua soun asor mongö ngeni ewe kot a iteni ‘Feiöch’, oua pwal alolöü ngeni wain ewe kapen asor än ewe kot itan ‘Akota mine epwap fis me mürin.’

Aisea 65:3

Ir eu mwichen aramas ra afifi lemesei iteiten fansoun, ra föri ar asor ngeni ekewe anümwäl lon ekewe tanipi o keni apach mi pwokus won ekewe rongen asor seni fau mi fal.

Jeremaia 1:16

Üpwe apwüngü nei aramas pokiten ar föföringau meinisin. Ra likitieila, ra asor ngeni pwal ekoch kot o fel ngeni mine ra püsin föri ren pöür.

Jeremaia 11:17

Ngang ewe Samol mi Unusen Manaman, üa fotuki Israel me Juta. Nge iei üpwe awarato feiengau wor pokiten ekewe föför mi ngau ra föri. Ra asongaei ren ar asor ngeni ewe anü Paal.”

Jeremaia 17:2

Nöür kewe ra fel mwen ar kewe rongen asor, pwal ngeni ar kewe uluulun ewe anüfefin Asera ünükün iteiten irä mi mwuresires, won ekewe chukutekison,

Jeremaia 19:13

Ekewe imw lon Jerusalem pwal imwen ekewe kingen Juta repwe limengau usun ewe leni Tofet, fokun ekewe imw meinisin aramas ra keni apach mi pwokus wor ngeni ekewe fün läng, ra pwal ninätiu asoren ün ngeni pwal ekoch kot.’”

Jeremaia 25:7

Nge ewe Samol mi Lapalap a püsin apasa pwe ousap aüselinga i, nge oua fen asonga ren ämi kewe uluulun anümwäl oua föri o atoto womi feiengau.”

Jeremaia 32:29

Ekewe chon Papilon mi maun ngeni ei telinimw repwe tolong lon o kenala. Repwe kenifengeni me ekewe imw chon Juta ra keni apach mi pwokus wor ngeni ewe anü Paal, ia ra pwal ninätiu ie asoren ün ngeni pwal ekoch kot pwe repwe asongaei.

Jeremaia 44:25

Iei alon ewe Samol mi Unusen Manaman, ewe Koten Israel: Ämi me pwülüemi kewe oua pwärätä ren ämi föför mine oua pwon, lupwen oua apasa, ‘Äm aipwe fokun apwönüetä äm we pwon pwe aipwe keni apach mi pwokus ngeni ewe kiwinen läng o ninätiu ngeni asoren ün.’ Iei oupwe föri o apwönüetä mine oua pwon.

Jeremaia 44:4

Üa soun tinala remi nei kewe chon angang ekewe soufos meinisin mi ürenikemi, pwe ousap föri ekei föför mi fokun ngau üa oput.

Jeremaia 7:17

Ifa usun, kosap küna mine ra föri me lon ekewe telinimwen Juta pwal lon ekewe alen Jerusalem?

Kölün kechü 5:13

Ra ariani ekewe alüal pwe repwe föira föün wiich lon ewe lenien föir usun ekewe amanau, nge ekewe ät ra taroporop fän woser mwüch mi chou.

Isikiel 16:26

Iwe, ka amömö inisum ngeni chon Isip, chon arum mi mocheisou, ka pwal alapala om angangen lisowu, pwe üa song ren.

Isikiel 20:28

Iwe, üa emwenirelong lon ewe fanü, üa pwon fän akapel ngeniir me mwan pwe üpwe ngeniir. Nge lupwen ra küna ekewe chukutekia, ra föri ar asor won, pwal fän ekewe irä mi mwuresires. Ikenan ra asongaei ren ar kewe asor ra keni, pwal ren ar ninala ar kewe lö mi pwokus me ar asoren ün.

Isikiel 8:16

Mürin, Kot a emwenieila ren ewe leni mwen imwenfelin ewe Samol mi Lapalap. Me ikenan üa küna rüe me liman mwän lükün asamalapen ewe imwenfel lefilen kengkangan me ewe rongen asor. Iwe, ra kul seni ewe imwenfel, ra newenewen ngeni ötiu o fel ngeni akkar.

Isikiel 8:17

Iwe, a üreniei, “Nöün aramas, ifa usun, ka küna ei? Ifa usun, esap ku ngeni chon Juta ar föri ekei föför mi anioput ikei, pwe ra pwal aurala ewe fanü ren föförün mwänewüs o sopwela le asongaei? Nengeni, ra pwal pwölü pwötür ngeni palen irä.

1. Korint 10:22

Ika sia mochen asonga ach Samol? Ifa usun, sia pöchökül seni i?

Tuteronomi 32:16

Iwe, chon Israel ra kupeti leluken Kot ren ekewe koten lükün, ra asonga ren ar uluulun anümwäl mi anioput.

Tuteronomi 32:21

Ra kupeti lelukei ren eman kot sap i kot, ra pwal asongaei ren ar uluulun anümwäl. Iei mine üpwe kupeti leluker ren chokewe sap ir eu mwü, üpwe asongeer ren eu mwü mi umwes.

Tuteronomi 4:19

Oupwe tümwünükemi, pwe lupwen oupwe netä läng o küna akkar me maram me fü kana pwal masouen fän läng meinisin ousap tupula o fel ngeniir ika pwal angang ngeniir. Pun ewe Samol mi Lapalap ämi we Kot a mwütätä ngeni chon ekewe mwü won fanüfan ekei mettoch pwe repwe fel ngeniir.