Jeremaia 7:13 - Chuukese Bible

¹³ Lupwen oua föri ekei föför meinisin, üa chök sopwela le fofos ngenikemi, nge ämi ousap mochen aüseling. Üa kökkörikemi, nge ousap mochen päpälüen.

Jeremaia 7:13 Iomraidhean Croise

Än Salomon Fos 1:24

Üa fen körikemi, nge ousap mochen aüseling, üa äkänipökemi, nge ousap afäli.

Aisea 50:2

Pwota esap wor eman a nom, lupwen üa feito? Pwota esap wor eman a päpälü, lupwen üa kökkö? Ifa usun, pei a mochomoch pwe üsap tongeni amanauakemi? Ifa usun, esap wor ai tufich pwe üpwe tongeni angasakemi? Üa apwasatä matau ren ai kapasen fön, üa pwal awili chanpupu ngeni fanüapö, pwe ikenen lon ra mäla o pwongau pokiten esap wor koluk.

Aisea 65:12

Iei üpwe akota ngenikemi pwe oupwe mäla ren ketilas, nge ämi meinisin oupwe pworotiu pwe oupwe ninnila. Pun lupwen üa kökkö, ousap pälüeniei, nge lupwen üa kapas, ousap aüselingaei. Pwe oua chök föri mine a ngau fän mesei o filätä mine üsap efich.”

Aisea 66:4

Iei mine ngang üa pwal filätä ai üpwe ariaföüür o atoto wor mine ra niuokusiti. Pun esap wor eman a pälüeniei, lupwen üa kökkö, esap pwal wor eman a aüselingaei, lupwen üa kapas. Nge ra chök föri mine a ngau fän mesei o filätä mine üsap pwapwaiti.”

Jeremaia 11:7

Seni ewe fansoun üa emwenawu ämi kewe lewo seni ewe fanü Isip tori ikenai üa fönökisiir o üreniir pwe repwe aleasochisiei.

Jeremaia 11:8

Nge ir resap aleasochis ika aüseling, pwe iteiten eman me eman a ülöförea lelukan o föföringau. Iei mine üa atoto wor ewe anümamau a mak lon ei pwon, pokiten resap mochen apwönüetä kapasan kewe üa allük ngeniir.”

Jeremaia 13:10

Ekei aramas mi ngau, resap mochen aleasochisiei. Ra chök ülöförea le chei mochenin letiper. Ra fel ngeni pwal ekoch kot o angang ngeniir. Iei mine repwe wewe ngeni ei achök mi lomotongau.

Jeremaia 13:11

Pun usun echö achök a pacheri wänükün eman aramas, iei usun üa mochen pwe chon Israel me chon Juta meinisin repwe pacheriei. Üa föri ei pwe ir repwe nei aramas üpwe iteüöch rer, aramas repwe pwal mwareitiei o alingaei rer. Nge ir resap mochen aleasochisiei.”

Jeremaia 25:3

“Lon ükükün rüe me ülüngat ier, seni ewe engol me ülüngatin ierin mwün Josia ewe kingen Juta nöün Amon we mwän tori ikenai ewe Samol mi Lapalap a kapas ngeniei. Iwe, üa asile ngenikemi ekei kapas iteiten fansoun, nge ämi ousap aüseling.

Jeremaia 26:5

are ousap afäli alon nei kewe chon angang ekewe soufos, chokewe üa soun tinirela remi, nge ämi ousap aüselingeer,

Jeremaia 29:19

Ei epwe fis ngeniir pokiten resap aleasochisi ai kewe kapas üa tinikisiela rer ren nei chon angang ekewe soufos. Nge resap mochen aüselinga. Ngang ewe Samol mi Lapalap üa kapas.’

Jeremaia 32:33

Ra kulu sökürür ngeniei, nge resap kul ngeniei. Inamwo ika üa ököüröüreer, nge resap mochen aüseling ngeniei.

Jeremaia 35:14

Iwe, Jonatap nöün Rekap we mwän a allük ngeni nöün kewe mwän pwe resap ün wain. Ir ra tümwünü ei allük, pun resap ün wain tori ikenai pokiten ar aleasochisi än semelaper we allük. Ngang üa kapas ngenikemi fän chomong, nge ämi ousap aleasochisiei.

Jeremaia 35:15

Üa soun tinala remi nei chon angang meinisin ekewe soufos pwe repwe ürenikemi, pwe oupwe en me kul seni an lapalap mi ngau o siwili an föför, ousap pwal fel ngeni pwal ekoch kot o angang ngeniir. Mürin, oupwe imweimw lon ewe fanü üa ngenikemi me ämi kewe lewo. Nge ämi ousap aleasochis ika aüselingaei.

Jeremaia 35:17

Iei mine ngang ewe Samol mi Unusen Manaman, ewe Koten Israel üa apasa: Üpwe awarato womi, ämi chon Juta me chon Jerusalem, ekewe feiengau meinisin üa fen apwüngawu ngenikemi. Üpwe föri ei, pokiten üa fen kapas ngenikemi, nge ousap aüseling, üa fen kökkörikemi, nge ousap päpälüen.”

Jeremaia 44:23

Pokiten oua keni apach mi pwokus o tipis ngeni ewe Samol mi Lapalap, ousap pwal aleasochis ngeni ika föri pwüngün an kewe allük me pwüüng, ei feiengau a torikemi, usun a fis ikenai.”

Jeremaia 44:4

Üa soun tinala remi nei kewe chon angang ekewe soufos meinisin mi ürenikemi, pwe ousap föri ekei föför mi fokun ngau üa oput.

Jeremaia 5:21

Oupwe rongorong ekei kapas, ämi aramas mi umwes o miritingau. A wor mesemi, nge ousap küna. A wor selingemi, nge ousap rongorong.

Jeremaia 6:10

Nge üa apasa, “Iö üpwe fos ngeni o eäni kapasen fön ngeni? Iö epwe rongorong? Nengeni, ra pineela selinger pwe resap mochen rongorong om kapas. Ra takiri mine ka akünö ngeniei pwe üpwe üreniir.

Jeremaia 7:25

Seni ewe rän ämi kewe lewo ra towu seni Isip tori ikenai üa chök titinala remi nei chon angang ekewe soufos meinisin.

Osea 11:2

Nge lupwen üa alapala ai kökköriir, ir ra chök alapala ar feila seniei. Nei aramas ra asor ngeni ekewe anü Paal o keni apach mi pwokus ngeni ekewe uluulun anümwäl.

Osea 11:7

Nei aramas ra oucho le kul seniei. Inamwo ika ra siö ngeniei, üsap fokun angaseer.

Osea 9:17

Ai Kot, ewe üa angang ngeni, epwe pöütirela, pokiten resap aleasochis ngeni, repwe choisäfeil lemenen ekewe mwü.

Sekaraia 7:13

Lupwen üa kapas, ir resap mochen rongorong, iei mine lupwen ir repwe iotek, ngang üsap mochen rongorong.

Mateus 23:37

“Jerusalem, Jerusalem! Ka niela ekewe soufos o mone fau ngeni ekewe chon künö Kot a tinato reöm! A fän fite ai mochen achufengeni noumw kewe aramas usun eman inelapen chuko a amwichafengeni nöün kana fän pöükässin, nge ämi ousap mochen.