Jeremaia 7:12 - Chuukese Bible

¹² Oupwe feila ren leniei we mi nom Silo, ewe ia üa akom le filätä pwe oupwe fel ngeniei ie. Oupwe nenengeni mine üa föri ngeni pokiten än ekewe aramasen Israel kewe föföringau.

Jeremaia 7:12 Iomraidhean Croise

1. King 9:7

mürin üpwe ärawu chon Israel seni lon ewe fanü üa ngeniir. Iwe, ei imwenfel üa apini fän itei üpwe aturawu me fän mesei, nge aramas repwe leaweni chon Israel ren kapsen ämängau me kapasen turunufas me lein chon ekewe mwü meinisin.

Jeremaia 26:6

mürin üpwe föri pwe ei imwenfel epwe wewe ngeni ewe lon Silo, nge chon ekewe mwü meinisin won fanüfan repwe eäni ottek iten ei telinimw.’”

Jeremaia 7:14

Iei mine met üa föri ngeni Silo üpwe pwal föri ngeni ei imw mi föü itei won, oua anomu ämi apilükülük won. Üpwe pwal föri iei usun ngeni ei leni üa ngenikemi me ämi kewe lewo.

Tuteronomi 12:11

oupwe uwato meinisin mine üa allük ngenikemi ren ewe leni ewe Samol mi Lapalap ämi we Kot epwe filätä pwe aramas repwe fel ngeni ie. Oupwe uwato ämi asoren kek me ämi kewe sokopaten asor, ämi eu leengol me ämi kewe asor oua fang, ämi asoren pwon meinisin oua pwonei ngeni ewe Samol mi Lapalap.

Tuteronomi 12:5

Nge oupwe feila ngeni ewe chök leni ewe Samol mi Lapalap ämi we Kot epwe filätä seni lein fanüen ämi kewe ainang meinisin, pwe aramas repwe fel ngeni ie, epwe pwal föri pwe lenian. Ikenan oupwe feila ie,

Josua 18:1

Mürin, unusen ewe mwichen aramasen Israel ra mwichefengen lon Silo o aüetä ewe imwenfe sen mangaku ikenan. Iwe, ewe fanü mi nom mwer a oola,

Josua 18:10

Nge Josua a ütti üttier fanü me fän mesen ewe Samol mi Lapalap lon Silo. Mürin a aineti ewe fanü o ngeni eu me eu kewe lusun ainangen Israel inetin.

Soukapwüng 18:31

Nge förien Maika we uluulun anü mi fal a nom ikenan lon ükükün fansoun ewe imwen Kot a nom lon Silo.

1. Samuel 1:3

Iwe, iteiten ier Elkana e sou feitä seni an telinimw pwe epwe fel o asor ngeni ewe Samol mi Unusen Manaman me lon Silo. Ikenan nöün Eli kewe ruoman mwän iter Hofni me Pineas ra wisen souasorun ewe Samol mi Lapalap.

1. Samuel 4:22

Iwe, a apasa, “Ewe ling a feil seni Israel, pun än Kot we pworofel a oola.”