Jeremaia 7:10 - Chuukese Bible

¹⁰ Mürin, oua feito o ütä fän mesei lon ei imw mi föü itei won o apasa, ‘Sisap feiengau,’ nge oua chök sopwela le föri ekei föför mi anioput meinisin.

Jeremaia 7:10 Iomraidhean Croise

1. King 9:3

Iwe, ewe Samol mi Lapalap a üreni, “Üa aüselinga om iotek me om tüngor ka eäni ngeniei. Üa apini ei imwenfel ka aüetä pwe epwe eu leni üpwe imweimw lon tori feilfeilachök. Üpwe mamasa ei leni o tümwünü fansoun meinisin.

2. King 21:4

Iwe, Manasa a senätä sokopaten rongen asor lon ewe imwenfel, iei ewe leni ewe Samol mi Lapalap a fen kapas usun pwe aramas repwe fel ngeni ie.

2. Kronika 33:4

Iwe, Manasa a senätä sokopaten rongen asor lon ewe imwenfel, iei ewe leni ewe Samol mi Lapalap a apasa usun, pwe aramas repwe fel ngeni ie tori feilfeilachök.

2. Kronika 33:7

Manasa a föri eu uluulun anümwäl o anomu lon ewe imwenfel, iei ewe leni Kot a kapas usun ngeni Tafit pwal ngeni Salomon nöün we mwän, “Ei imwenfel me lon Jerusalem, iei ewe leni üa filätä seni lein lenien ekewe ainangen Israel meinisin, pwe aramas repwe fel ngeniei ie tori feilfeilachök.

Än Salomon Fos 15:8

Ewe Samol mi Lapalap a oput än ekewe aramasangau asor, nge a pwapwa ren än ekewe chon wenechar iotek.

Aisea 48:2

Iwe, oua püsin aita ngenikemi chon ewe telinimw mi pin o apilükülükü ewe Koten Israel, itan ewe Samol mi Unusen Manaman.

Jeremaia 32:34

Ra fen anomu ar kewe uluulun anümwäl mi anioput lon ewe imwenfel a föü itei won, pwe repwe alimengaua.

Jeremaia 34:15

Oua chök kärän ekieksefäl o föri mine a pwüng me fän mesei ren ämi angasala chon fanüemi, oua pwal föri eu pwon me fän mesei me lon ewe imwenfel ia aramas ra fel ngeniei ie.

Jeremaia 44:9

Ifa usun, oua manlükala ekewe föför mi ngau ämi kewe lewo me ekewe kingen Juta me pwülüer kewe, pwal ämi me pwülüemi kewe oua föriir me lon ewe fanü Juta pwal lon ekewe alen Jerusalem?

Jeremaia 7:11

Ifa usun, ei imw a föü itei won a wiliti eu lenien open chon solä me remi? Püsin ngang üa küna mine oua föri.

Jeremaia 7:14

Iei mine met üa föri ngeni Silo üpwe pwal föri ngeni ei imw mi föü itei won, oua anomu ämi apilükülük won. Üpwe pwal föri iei usun ngeni ei leni üa ngenikemi me ämi kewe lewo.

Jeremaia 7:30

Iei alon ewe Samol mi Lapalap, “Ekewe chon Juta ra föri mine a ngau me fän mesei. Ra anomu ar kewe uluulun anümwäl üa oput lon ewe imw a föü itei won, pwe repwe alimengaua.

Isikiel 20:39

Iei usun Kot ewe Samol mi Lapalap a apasa, “Ämi chon Israel oupwe feila meinisin o angang ngeni ämi kewe uluulun anümwäl. Nge mürin eu fansoun oupwap fokun aüselingaei, nge ousap chüen apiningaua itei mi pin ren ämi asor me ämi kewe uluulun anümwäl.”

Isikiel 23:29

Iwe, repwe afeiengauok pokiten ar oputok, repwe pwal angei senuk mine ka eäni o likitukela lon om selela. Iwe, äsäwin om amömö inisum fän iten lisowu epwe pwäpwäla. Om mocheisou me om amömö inisum fän iten lisowu

Isikiel 23:37

Ra föri angangen lisowu o nimanauei aramas. Ra föri angangen lisowu ren ar kewe uluulun anümwäl, ra pwal eäni asoren kek ngeniir nöür kewe, ra nöüniir fän itei.

Isikiel 23:39

Pun lon ewe chök ränin, lupwen ra niela nei kana o eäniir asoren kek ngeni ar kewe uluulun anümwäl, ra pwal tolong lon imwei mi pin o apiningaua. Ewer, iei usun mine ra föri lon imwei.

Isikiel 33:25

Iei mine kopwe üreniir mine ngang Kot ewe Samol mi Lapalap üa apasa: Oua ochoch ochämi fituk mi cha, oua fel ngeni ämi kewe uluulun anümwäl o nimanauei aramas. Ifa usun, ämi oupwe fanüeni ei fanü?

Isikiel 33:31

Iwe, nei aramas repwe mwicheto reöm o mot me mwom pwe repwe aüselinga om kapas, nge resap aleasochis ngeni. Pun awer a pwärätä ar echeniei, nge letiper a chök mocheniaiti moni fän pwüngingau.

Isikiel 5:11

Iei mine ngang Kot ewe Samol mi Lapalap üa apasa: Mwo manauei, üpwe nikemiila pokiten ämi atai pinin imwei mi pin ren ämi uluulun anümwäl mi ngau me ämi föför mi anioput. Ngang üsap achikakemi, üsap pwal tongeekemi.

Taniel 9:18

Äm Kot, kose mochen kopwe aüselingakem, kopwe anelai mesom o nenengeni leniem mi tatakis me ewe telinimw a iteni itom. Pun äm aisap eäni äm iotekin tüngor pokiten äm pwüng, nge pokiten watten om ümöümöch me om tong ngenikem.

Osea 6:9

Ekewe souasor ra usun chök eu mwichen chon solä mi operi eman aramas. Won mwo ewe al mi ale ngeni ewe leni mi pin lon Sikem, nge ra ni aramas, ewer, ra chök föri föförün mwänewüs.

Amos 4:5

Oupwe keni pilawa mi wor iis lon pwe ämi kewe asoren kilisou o sikesik usun ämi kewe asor oua uwato seni püsin letipemi. Oupwe aingaing wor, pun iei usun oua efich.”

Sefanaia 1:5

Üpwe ärala chokewe mi fel ngeni akkar me maram me ekewe fü me won ekewe imw. Üpwe pwal ärala chokewe mi fel ngeniei o eäni itei lon ar pwon fän akapel, nge ra pwal eäni iten ewe kot Milkom lon ar pwon fän akapel.

Malakai 3:15

Iei mine sa apasa pwe ekewe chon lamalamtekia ra feiöch. Ekewe chon föföringau resap chök pisekisekila, pwe ra pwal sotuni Kot, nge resap angei liwiningauer.’”

Mateus 23:13

“Feiengauemi, ämi Sensen Allük me Farisi! Ämi chon likatuputup! Oua öpüngala ewe asam ngeni Mwün Läng seni aramas. Nge püsin ämi ousap tolong lon, ousap pwal mwüt ngeni chokewe mi mochen tolong ar repwe tolong.

Johannes 13:18

“Ngang üsap kapas usumi meinisin. Üa silei chokewe üa filiiretä, nge makken lon ekewe Toropwe mi Pin epwe pwönüetä, ‘Ätewe mi mongö rei a ü ngeniei.’

Johannes 18:28

Lesosorusich chök nge ra emwenala Jesus seni imwen Kaifas ngeni imwen ewe kepina. Nge ekewe nöüwisen chon Juta resap tolong lon ewe imw, pun ra mochen ar repwe limöch o apwönüetä pwüngün ar lamalam, lupwen repwe mongö ewe mongön Pasofer.