Jeremaia 6:8 - Chuukese Bible

⁸ Oupwe miritila, ämi chon Jerusalem! Pun are ousap, üpwe kul senikemi o awili ämi telinimw ngeni eu fanüapö ia esap wor eman a nonom ie.”

Jeremaia 6:8 Iomraidhean Croise

Kölfel 2:10

Iei mine ämi kana king, oupwe tipachemela, ämi sounemenem won fanüfan, oupwe miritila.

Kölfel 50:17

Pun ka oput ai amirituk o pöütala ai kewe kapas.

Kölfel 94:12

Ai Samol mi Lapalap, a feiöch ewe mwän en ka amiriti, ätewe ka aiti ngeni om allük.

Än Salomon Fos 19:20

Kopwe aüseling ngeni kapasen öüröür o etiwa kapasen fön, pwe kopwe tipachem lon kan fansoun repwe feito.

Än Salomon Fos 4:13

Kopwe kamwöchünük won ekewe kapasen öüröür, nge kosap mwüt ngeniir repwe feil senuk. Kopwe tümwünüür, pun ina manauom.

Jeremaia 17:23

Nge ir resap rongorong ika aüseling. Ra ülöförea, pun resap rongorong o angei ai öüröür.’”

Jeremaia 2:15

Ra leüömong le wörüwör ngeni usun laion ra wörüwör. Ra ataela fanüan, an kewe telinimw ra tatakis, nge resap chüen so.

Jeremaia 31:19

Mürin ai tokola senuk üa ekieksefäl. Mürin ai miritila üa rorotiu fän letipeta. Üa säw o itengau pokiten ai tipis lealüali.’

Jeremaia 32:33

Ra kulu sökürür ngeniei, nge resap kul ngeniei. Inamwo ika üa ököüröüreer, nge resap mochen aüseling ngeniei.

Jeremaia 4:14

En Jerusalem, kopwe limeti lelukom seni om föföringau, pwe kopwe manau. Ifa ükükün fansoun an epwe nom lomw om kewe ekiekingau.

Jeremaia 7:20

Iei mine ngang Kot ewe Samol mi Lapalap üpwe awarato ai song me lingeringer won ei leni, won aramas me man, won ekewe irän lemäl, pwal won uän ekewe irän lepwül. Ai song epwe kü, nge esap tongeni kunula.”

Jeremaia 7:28

Kopwe üreniir, ‘Ämi chon eu mwü ousap aleasochisi ewe Samol mi Lapalap ämi we Kot, ousap etiwa an emirit. Kapas mi let ra morola, ra ükütiu seni lon awemi.

Jeremaia 7:34

Iwe, üpwe aükätiu kölün mweireir me pwapwa pwal apwapwan mongön apwüpwülü me lon ekewe telinimwen Juta pwal won ekewe alen Jerusalem. Pun ewe fanü epwe wiliti eu fanü mi pöön.

Jeremaia 9:11

Ewe Samol mi Lapalap a apasa, “Üpwe föri pwe Jerusalem epwe eu ioien mettoch mi tala, eu leni ia ekewe kolak mi mwacho ra nom ie. Üpwe pwal ataela ekewe telinimwen Juta pwe resap chüen so.”

Isikiel 23:18

Iwe, lupwen a sopwela an amömö inisin fän iten lisowu fän mesen aramas o pwärala an selela ngeniir, üa kul seni o oputa, usun üa fen kul seni pwin we.

Osea 2:5

Iner we a kirikiringau, a nöüniir fän an föri föför mi ässäw, pun a apasa, “Üpwe tapwela mürin nei kewe kamwet mi ngeniei enei mongö me ünümei koluk, ai ülen man me mangaku mi pwechepwech, ai apüra seni föün olif me wain.”

Osea 9:12

Nge are epwe fen wor nöür semirit, üpwe angei seniir, tori esap chüen wor eman lusun. Feiengau watte epwe toriir, lupwen üpwe likitirela.”

Lifitikos 26:34

Mürin, ewe fanü epwe pwapwaiti an kewe ierin asösö lon ükükün fansoun a tala. Lupwen oua oola lon fanüen chon oputakemi, ewe fanü epwe asösö o pwapwaiti an kewe ierin sapat.

Sefanaia 3:7

Üa apasa, ‘Amwo itä nei aramas repwe meninitiei, repwe etiwa ai kapasen emirit, pwe imwer esap tala, esap pwal toriir ewe apwüng üa amolätä fän iter.’ Nge ir ra chök achocho le alapala ar föför mi ngau.”

Tuteronomi 32:29

Are epwe wor ar tipachem, repwe wewe ren o ekieki usun sopolar.