Jeremaia 6:7 - Chuukese Bible

⁷ Usun eu chönüttu a awora koluk mi fö, iei usun ewe telinimw a awora föföringau mi fö iteiten rän. Üa rongorong usun angangen mwäneson me kata a fis lon, üa chök küna chon samau me chon kinas.

Jeremaia 6:7 Iomraidhean Croise

Än Salomon Fos 4:23

Kopwe fokun tümwünü lelukom lap seni om tümwünü och pisek aüchea, pun manau a pop seni lon lelukom.

Aisea 1:6

Seni fän pechemi tori möküremi esap wor pöchökül, nge inisimi a kula ren mwochol me ninipüüng me kinas mi cha. Nge kinasemi esap tüng, esap pwal finifin ika pwetete ren lö.

Aisea 57:20

“Nge ekewe chon föföringau ra usun chök nonoon lematau esap tongeni pos, pwe a chök kuar ren nonoon lon, a kümetätä pwakak me limengau.

Aisea 59:6

Iwe, türünier tür resap lomot ngeni üf, aramas resap tongeni üföüf. Ar angang angangen föföringau chök, nge pöür ra chök föri föförün chon mwänewüs.

Jeremaia 20:8

Pun fansoun meinisin lupwen üa kapas, üa wisen leüömong le kapas o üra, “Angangen mwänewüs me kata!” Ai Samol mi Lapalap, aramas ra ämängauaei o turunufaseei iteiten rän, pun üa asilefeili om kapas.

Jeremaia 30:12

Iwe, iei alon ewe Samol mi Lapalap ngeni nöün aramas, “Feiengauemi esap tongeni wes, nge kinasemi kewe resap moela.

Jeremaia 30:13

Esap wor eman mi tümwünükemi, esap wor säfeen kinasemi, esap pwal wor ämi apilüköch pwe oupwe pöchökülsefäl.

Jeremaia 30:15

Pwota oua siö ren ämi feiengau? Ämi metek esap tongeni moela. Üa föri ngenikemi ekei föför, pokiten chomungun ämi kewe föföringau me watten ämi kewe tipis.

Jeremaia 32:31

Chon ei telinimw ra äpwächa ai song me lingeringer seni ewe fansoun ei telinimw a kaütä tori ikenai. Iei mine üpwe ataela ei telinimw

Jeremaia 8:22

Ifa usun, esap wor och säfei lon Kiliat? Ifa usun, esap wor eman sousäfei ikenan? Pwota nei aramas resap chikarsefäl?

Isikiel 21:29

Nöümi soufos ra küna mine a mwakel, nge nöümi soupwe ra chofana ngenikemi. Ewe ketilas epwe pökü üen ekewe chon föföringau, a tori ränir, ewe ränin apwüngün lesopolan.

Isikiel 24:7

Pun a fis nimanau lon ewe telinimw. Nge chon ewe telinimw resap ninätiu ewe cha won pwül pwe epwe irela, nge ra ninätiu won achau.

Isikiel 45:9

Iei alon Kot ewe Samol mi Lapalap, “Oupwe ükütiu, ämi samolun Israel, oupwe ükütiu le föri föför mi mwänewüs me ariaföüü aramas, nge oupwe eäni pwüng me föföröch. Ousap chüen asüela nei aramas seni fanüer. Ngang Kot ewe Samol mi Lapalap üa kapas.

Isikiel 7:11

Föförün mwänewüs a mämäritä o afisätä föföringau. Ekewe aramas meinisin repwe rosola, esap pwal chüen wor wöür mi somwola me ar ling.

Isikiel 7:23

Kopwe amolätä selimächä, pun ewe fanü a uren föförün nimanau, nge ewe telinimw a uren föförün mwänewüs.

Sefanaia 3:1

Feiengauen Jerusalem, ewe telinimw mi ngau o ü ngeni Kot, a ariaföüü püsin nöün aramas.