Jeremaia 6:6 - Chuukese Bible

⁶ Pun iei alon ewe Samol mi Unusen Manaman, “Oupwe pöküetiu ekewe irä, oupwe senätä eu ororen maun ünükün Jerusalem. Üpwe apwüngü ei telinimw, pun angangen ariaföüü aramas a chök fifis lon.

Jeremaia 6:6 Iomraidhean Croise

Aisea 37:33

Iei mine ewe Samol mi Lapalap a apasa usun ewe kingen Asiria, ‘Esap tolong lon ei telinimw, esap likapichielong eföü föün esefich lon ika kan ngeni ren eu tittin maun, esap pwal senätä ororen maun ünükün.

Jeremaia 20:8

Pun fansoun meinisin lupwen üa kapas, üa wisen leüömong le kapas o üra, “Angangen mwänewüs me kata!” Ai Samol mi Lapalap, aramas ra ämängauaei o turunufaseei iteiten rän, pun üa asilefeili om kapas.

Jeremaia 22:17

Nge en ka chök ekieki usun om kütta win fän rikirik. Ka niela chokewe esap wor ar tipis o föri angangen ariaföü me mwänewüs ngeni noum aramas. Ewe Samol mi Lapalap a kapas.

Jeremaia 32:24

Ekewe chon Papilon ra senätä ewe ororen maun pwelin ünükün ewe telinimw. Iwe, ra maun ngeni pwe repwe liapeni. Pokiten ewe maun, ewe lengita me ewe mätter, ewe telinimw epwe oolong lepöür. Ka püsin küna pwe a fisitä mine ka kapas usun.

Jeremaia 32:31

Chon ei telinimw ra äpwächa ai song me lingeringer seni ewe fansoun ei telinimw a kaütä tori ikenai. Iei mine üpwe ataela ei telinimw

Jeremaia 33:4

Pun iei aloi ngang ewe Samol mi Lapalap, ewe Koten Israel, fänäsengesin ekewe imw lon ei telinimw, pwal fänäsengesin imwen ekewe kingen Juta mi katatiu, pwe ekewe aramas repwe aea le epetiir seni ekewe ororen maun me ewe ketilas:

Jeremaia 39:1

Iwe, lon engolun maramen ewe atiuen ierin mwün Setekia ewe kingen Juta, Nepukatnesar ewe kingen Papilon me an mwichen sounfiu meinisin ra feito Jerusalem, ra pwelifeili fän pisekin maun o maun ngeni.

Jeremaia 5:29

Ifa usun, ngang ewe Samol mi Lapalap üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför.

Jeremaia 5:9

Ifa usun, üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför?

Isikiel 4:2

Mürin kopwe pwomweni usun om kopwe maun ngeni: Kopwe amolätä pisekin maun o aüetä eu tittin maun ngeni, kopwe pwal senätä eu oror ngeni, kopwe anomu mwichen sounfiu o iseis mwesinnen amökü tit ünükün.

Isikiel 5:5

Iei alon Kot ewe Samol mi Lapalap, “Iei Jerusalem, ewe telinimw üa anomu lukalapen fanüfan, nge ekewe mwün fanüfan ra nom ünükün.

Taniel 11:15

Mürin, ewe kingen Siria epwe feito, epwe pwelifeili eu telinimw mi fokun pöchökül tittin fän pisekin maun o winneni. Nge ekewe sounfiun Isip resap tongeni pworaiti, ir mwo ekewe mi fokun sipeöch le maun, nge resap tongeni ü ngeni.

Sefanaia 3:1

Feiengauen Jerusalem, ewe telinimw mi ngau o ü ngeni Kot, a ariaföüü püsin nöün aramas.

Lukas 19:43

Pun epwe war ewe fansoun pwe chon oputom repwe pwelifeiliik, repwe aüetä ar ororen maun ünükum o rongeekela.